Nafarroako Gobernua
2023/08/08 - 13:32
EH Bilduk hasi du Chiviteren inbestiduran abstenitu ala ez erabakitzeko kontsulta
Koalizioak EITBri baieztatu dionez, Maria Chiviteren inbestidura saioan abstentziora jotzea babesten duten galdetuko die militanteei. Galdeketa telematikoa izango da, eta emaitzak ostegunean ezagutuko dira.
2023/08/08 - 13:14
Geroa Bai Gobernuan egoteak "euskararen aldeko politikak bultzatzea" bermatuko duela ziurtatu du Barkosek
Nafarroako Gobernua berriro osatuko duten alderdiek hizkuntza politiken inguruan dituzten desadostasunak "agerikoak" direla onartu du Geroa Baiko buruak, baina uste du koalizio abertzalea hirukoan egoteak euskararen alde lanean jarraitzea bermatuko duela.
2023/08/08 - 01:03
Alfaro (Zurekin Nafarroa): ''Gogobetetze-maila altua dugu''
Begoña Alfaro Zurekin nafarroa koalizioko bozeramailearen hitzetan, "maiatzaren 28an hautestontzietan isla izan zuten Nafarroako herritarren eskaerei erantzuten dien akordioa da".
2023/08/08 - 00:51
Alzorriz (PSN): 'Gaurkoa egun ona da Nafarroarentzat eta nafarrentzat, gobernu aurrerakoia izango dutelako'
Ramon Alzorriz PSNko Antolakuntza idazkari eta Parlamentuko bozeramailea pozik agertu da akordioarekin, "PSN buru duten hiru indar politikok herritarrek martxoaren 28an bozkatu zutena egia bihurtuko dutelako".
2023/08/08 - 00:39
Uxue Barkos: 'Akordio ona da eta baieztatu dezaket Geroa Baik hartuko duela Osasun departamentuaren ardura'
Uxue Barkos pozik agertu da lortutako akordioarekin eta Geroa Baik Osasun departamentuaren ardura hartuko duela baieztatu du.
2023/08/08 - 00:08
Geroa Baik, PSNk eta Zurekin Nafarroak hiruko Gobernua osatzeko akordioa itxi dute
Nafarroako Parlamentuan bost ordu inguru iraun duen bilera batean lortu dute. Geroa Baik kontraproposamena egin du bertan, bazkideen arteko desadostasunak gainditu eta akordio programatikoa kontrol neurriak adosteko.
2023/08/07 - 16:12
Amaitu da Chiviteren inbestidura babesten ote duen erabakitzeko Geroa Baik egin duen bilera
Amaieran, koalizioko ordezkariek ez dute adierazpenik egin nahi izan. Azken proposamena onartuz gero, baliteke PSNrekin eta Zurekin Nafarroarekin arratsaldean biltzea. Ondoren, Hualdek bilera sorta berri bat egin beharko luke eta inbestidura saioa deitu, gutxienez hiru egun lehenago.
2023/08/07 - 16:09
Geroa Baik kontraproposamena aurkeztu du, eta akordioa lortzeko bilerak aurrera jarraitzen du
Batzarra goizean Geroa Baik PSNren azken proposamenaren inguruan bere jarrera zehazteko barne bilera egin ondoren deitu dute. Geroa Baik aurkeztutako planteamendua akordio programatikoari, bazkideen arteko desadostasunei eta kontrol neurriei buruzkoa da.
2023/08/05 - 18:04
Gobernu akordioari buruzko eztabaidak jarraitzen du Geroa Bairen baitan
Atzo zenbait ahotsek esaten bazuten ere akordioa heltzear zela, Maria Solanak PSNren eta Zurekin Nafarroaren "baikortasun eta poza" apaldu zituen: "momentuz ez gaude puntu horretan", esan zuen.
2023/08/04 - 15:43
Geroa Baik PSN eta Zurekin Nafarroaren "baikortasuna eta poza" apaldu ditu: "Ez gaude puntu horretan"
Koalizioaren hitzetan, azken proposamenaren "letra txikia" aztertzen ari dira. Horren arabera, Landa Garapen eta Ingurumen Kontseilaritza, Garapen Ekonomiko eta Enpresarialeko Kontseilaritza, Herritarrekiko Harremanetako Kontseilaritza eta Osasun Kontseilaritzak kudeatuko lituzke.
2023/08/03 - 16:15
PSNk gobernu proposamen berria egin dio Geroa Bairi, "jarrerak gerturatzeko"
PSNk, Geroa Baik eta Zurekin Nafarroak bilera egin dute, akordioa lortzen saiatzeko. Sozialistek proposamen berri bat jarri dute mahai gainean, eta Geroa Baik adierazi du aztertu egingo dutela eskaintza berria.
2023/08/03 - 12:25
Chivite presidente egiteko negoziazioak azken txanpan sartu dira, Geroa Baik zer egingo zain
Ikuskizun dago Uxue Barkos buru duen koalizioa gobernuan sartuko ote den eta EH Bilduko militanteek inbestiduran "bai" bozkatzea babesten duten (oraindik ez dute galdeketarako data jarri).
2023/08/02 - 13:17
Zurekin Nafarroak eta PSNk Nafarroako Gobernua osatzeko aurreakordioa lortu dute
Gobernu berrian Zurekin Nafarroak Etxebizitza kudeatuko luke. Edozein kasutan, koalizioa osatzen duten alderdiek aurreakordioa baliozkotu beharko dute.
2023/08/01 - 15:33
Nafarroako Gobernua osatzeko negoziazioetan, PSNk kontraeskaintza egiteko eskatu dio Geroa Bairi
Ramon Alzorriz sozialistak geldirik egotea aurpegiratu dio Geroa Bairi, eta negoziazio batean alde guztiek mugitu eta proposatu behar dutela gaineratu du.
2023/08/01 - 15:00
EH Bildu baiezko botoa emateko prest, "Chiviteren inbestidura desblokeatzeko"
Laura Aznal koalizio subiranistaren zerrendaburuak "kezkagarritzat" jo du egoera politikoa eta indar aurrerakoiak "eserleku eta postu gerran" ari direla salatu du. Hain justu, militanteei auziaren inguruan galdetuko dietela iragarri du.
2023/08/01 - 11:03
Nafarroako Gobernua osatzeko negoziazioak "blokeatuta" daude, inbestidurarako 28 egunen faltan
PSN gobernu-akordioa lortzeko negoziazioak "blokeatzen" ari dela ohartarazi du Geroa Baik. Koalizioak aurreko gobernuko sailak mantendu nahi ditu, "baldintza berdinetan".
2023/07/31 - 19:57
Gobernu aurrerakoia osatu ahal izateko "elkarrizketak bideratzeko" eskatu dio Geroa Baik PSNri
Koalizioak azpimarratu du gobernu aurrerakoiari bidea irekiko dion beste edozein akordio babestuko duela, eta, Geroa Bairen "irteera behartu" nahi badute, EH Bildu bazkide gisa bilatzeko eskatu diete sozialistei. PSNk "akordio bat lehenbailehen lortzeko konfiantza" mantentzen du.
2023/07/29 - 20:30
Zurekin Nafarroa: "Ez dugu Foru Gobernu berrian botere-kuota galtzeko asmorik"
Koalizio nafarrak azpimarratu duenez, "Gobernu berrian paper esanguratsua izatea nahi dugu".
2023/07/28 - 17:34
Geroa Bai haserre PSNrekin, Chivitek eskuzabalak izango direla esan arren
Nafarroako parlamentuan, abuztua lanerako gaitu nahi dute. Izan ere, hilaren 28ra arte dute gobernua osatzeko epea. Geroa Bairi ez zaio batere gustatu Nafarroako Alderdi Sozialistak gobernuaren osaketarako negoziazioetan egin dion azken proposamena.
2023/07/25 - 17:26
PSNk, Geroa Baik eta Zurekin Nafarroak negoziazioei ekin diete berriro
Maria Chivite hautagai sozialistak azpimarratu du ez duela EH Bildurekin hitz egingo Gobernua osatzeko, baina abertzaleen abstentzioa ezinbestekoa zaio inbestidurarako.