Foru Gobernuak eta Iruñeko Udalak helegitea aurkeztuko dute Angel Bozari ezarritako zigorra murriztearen aurka
Nafarroako Gobernuak eta Iruñeko Udalak helegitea aurkeztuko dute Nafarroako Justizia Auzitegi Nagusiaren erabakiaren aurka, La Manadako bost kondenatuetako bati ezarritako espetxe-zigorra urtebetez (15 urtetik 14ra) murriztea, 2016ko sanferminetako talde-bortxaketagatik.
Felix Taberna Nafarroako Gobernuko lehen presidenteorde eta Presidentetza eta Berdintasun kontseilariak gaur iragarri duenez, Nafarroako Berdintasun Institutuak kasazio helegitea aurkeztuko du lehen auzialdian, eta "aurrera egiten ez badu, Auzitegi Gorenean helegitea aurkeztea aztertuko dugu".
Gobernu bileraren osteko prentsaurrekoan, Tabernak gogorarazi du Foru Exekutiboak herri-akusazio gisa parte hartu zuela auzi honetan, eta adierazi du Auzitegi Gorenak mugatuko duela hori, helegiteen bidez.
Esan duenez, Nafarroako Gobernuaren "lehen gomuta" biktimarentzat da, "ez bakarrik pertsonek, baizik eta erakundeek ere izan beharreko sinpatia eta enpatia, une hartan jazotako gertakari latzen aurrean".
Epai hori 'bai bakarrik da bai' legearen inguruko eztabaida berriro irekitzeko baliatu ote den galdetuta, Tabernak esan du ez duela merezi "besteen zorigaitzaz baliatzea", eta gaineratu du "Espainiako Gobernuari dagokion kapitulu bat" dela, eta legea aldatu zuela "lege horrekin ematen ziren ondorio txar batzuk ikusi zituenean". "Sanchez presidenteak iragarri zuen atzeraeraginezko ondorioak izango zituela", gaineratu du.
Bestalde, Cristina Ibarrola Iruñeko alkateak "asko" deitoratu du zigorra jaistea, eta Auzitegi Nagusiaren erabakia zuzentzeko aukerari buruz honakoa esan du: "Beldur naiz ezer gutxi dagoela egiteko, ez baita ados egotea edo ez, legeak babesten baitu gertatzen ari dena". Iruñeko Udalak ere jardun zuen prozesu judizialean herri akusazio gisa, Nafarroako Gobernuak bezala.
Zure interesekoa izan daiteke
Ikasle-egoitza ala partekatutako pisua? Unibertsitateetako egoitzen eskariak gora, alokairuen garestitzeagatik
Etxebizitza partekatua aurkitzea gero eta zailagoa da, eta egoitza eta pisuaren arteko prezio-aldea txikitu egin da. Ikasle-egoitza batzuk %100eko okupaziotik gertu daude: erosotasunak, zerbitzuek eta banakako gelek gero eta ikasle gehiago erakartzen dituzte.
Espetxera eraman dute motozerra batekin hainbat gazte mehatxatu zituen gizona
Leporatzen dizkioten gertakariak irailaren 12ko goizaldean jazo ziren. Aurrekari polizialak zituen gizon hori hainbat pertsonari segika ibili zen Algortan, motozerra bat eskuetan zuela.
Eguraldi aldaketa gaurtik aurrera, eta euria asteazkenerako zein ostegunerako
Goiza eguzkitsua eta beroa izango da, baina iluntzerako aldaketa iritsiko da eta asteazkenean tenperaturek nabarmen egingo dute behera. Euria egingo du bai asteazkenean baita ostegunean ere.
Itzali dute Derion, Loiuko aireportutik gertu, piztu zen sutea
20:30 aldera piztu zen sutea San Isidro auzoko pampa baso batean, Aiartza mendian; eta gauean lanean arituta, 05:30 alderako itzaltzea lortu dute suhiltzaileek. Suteak ez du eraginik izan aireportuaren funtzionamenduan, ezta etxebizitzetan ere, baina inguruko baserrietan bizi diren bi pertsona etxetik atera zituzten badaezpada ere.
Posible al da adimen artifizialaren garapena gelditzea?
Adimen artifiziala garatzen duten enpresa nagusietako buruek galga jartzeko eskaria egin dute azken aste hauetan, gizakion kontroletik ihes egiteko arriskua izan dezakeela eta. Baina posible al da? Eta zergatik adierazten dute orain beldur hori? Hainbat aditurekin zalantza hauek argitu ditugu.
Gizon bat hil da Laidatxu hondartzan (Mundaka)
Gizonezkoa uretatik atera behar izan dute sorosleek, eta suspertzen saiatu diren arren, bertan hil da. Ez dakite zerk eragin duen heriotza.
Zaldibiatik Ordiziarainoko bidea oinez egin dute dozenaka ikaslek eta gurasok, eskola garraioa ez kentzea eskatzeko
Iazko ekainean, Hezkuntza Sailak Zaldibiako ikasleen gurasoei jakinarazi zien 2026-27 ikasturtetik aurrera DBH3 eta DBH4ko gazteak eskola-garraiorik gabe geratuko zirela. Emandako arrazoia eskola batetik besterako distantzia izan zen.
Gustuko oporlekua lortzeko itxaropenez gerturatu dira Imsersoko lehen bidaiariak agentzietara
Nafarroan astelehen honetan hasi dira agentziak adinekoei zuzendutako bidaia horien erreserbak kudeatzen. Lehen egun honetan, Imsersorekin lehen aldiz oporretara joango direnek izan dute bidaia eskuratzeko aukera. EAEn asteazkenean hasiko dira.
EHUk urte akademikoa abiatu du, AAren arriskuez jakitun eta "eredu propioa" aldarrikatuz
Joxerramon Bengoetxea errektoreak azpimarratu du auzia ez dela adimen artifiziala "deabrutzea, harekiko erabateko mendekotasuna" saihestea baizik. Finantzaketari dagokionez, Juan Antonio Perez Iglesias sailburuak uste du "egingarria" dela bost urteko epean finantzazioa Europako mailara iristea.
Olarizuk agur esan dio udari, musika, babarrunak eta bertoko produktuak lagun
Iraganeko ohitura da Olarizukoa. Hiria mugatzen zuten mugarriak ikuskatzen hasi ziren agintariak, inguruko herriek lurra lapurtu ez zitzaten. XIX. mendearen erdialdean gertatu zen hori, eta gaur egun erromeria herrikoi bihurtu da tradizioa.