Gueñesen EAEko mende honetako tenperaturarik altuena erregistratu da: 45,6 °C
Gueñesek (Bizkaia) erregistratu du tenperaturarik altuena asteazkeneko muturreko beroaldian, baita XXI. mende osokoa ere Euskalmeten estazioen erregistroan. Euskal Autonomia Erkidego osoa alarma gorrian egon da hiru orduz.
Sodupe-Kadaguako estazio meteorologikoan, Gueñesen, Enkarterrietan, 45,6 gradura iritsi da termometroa 17:00ak pasata.
Merkurioa oso gertu egon da Laudion, Arabako iparraldean. Gardeako estazioan, 44,3 gradu erregistratu dira 16:30ean.
Gipuzkoako mendebaldean erregistratu da lurralde horretako maximoa. 42 gradu izan dira 16:40an, Arrasateko estazioan.
Hiriburuetako egoera ere itogarria izan da. Erregistrorik beroena Zorrotzako estazioan neurtu dute, Bilbon, Aste Nagusia ospatzen ari diren bitartean: 42,4 gradu 17:00etan. Gasteizen egoera apur bat hobea izan da: 38,7 graduko maximoa. Gipuzkoako ekialdeko kostaldean goxoago ibili dira, eta Donostiako maximoa 36,7 graduan geratu da.
Alarma gorria alerta laranja bilakatu da 18:00etatik aurrera. Egoera pixkanaka hobetzen hasi da, Bizkaiko mendebaldeko kostaldetik hasita, haizea ipar-mendebaldera aldatu ondoren, eta tenperatura behera egiten hasi da.
Alarma gorria
Hain justu, egoeraren larria kontuan hartuta, Eusko Jaurlaritzak LABIren bilera egin du goizean (alerta fasean dago plana), eta alerta alarma gorrira igotzea ebatzi du EAE osoan muturreko tenperatura altuak espero direlako, 15:00etatik 18:00etara. Ondoren, alerta laranja egongo da aktibo.
Aemetek, bestalde, alerta laranja ezarri du foru erkidego osoan gaurko eta biharko. Termometroak 41 ºC-ra igoko dira Erriberan, 40 ºC-ra Nafarroa erdialdean eta Bidasoko eskualdean (Nafarroako eremu atlantikoa) eta 39 ºC-ra Pirinioetan. Biharko prebisioak are altuagoak dira; izan ere, baliteke 42 ºC harrapatzea Nafarroa erdialdean (Iruñea barne) eta Erriberan, baina, orokorrean, maximoak 38-40 ºC-ren bueltan mugituko dira.
Halaber, Meteofrancek alerta laranja ezarri du Ipar Euskal Herrian gaurko eta biharko, atzo abisu horia izan ostean. Baionan, 40 ºC inguruko maximoak espero dira, eta Maulen eta Donibane Garazin, 38 ºC-koak.
Etzitik aurrera, freskatzera
Iragarpenaren arabera, ostiralak eguraldi aldaketa ekarriko du. Tenperatura asko jaitsiko da eskualde guztietan; hala ere, Araba eta Nafarroa hegoaldean, 30 ºC inguruko maximoak espero dira. Isurialde atlantikoan, berriz, giroa freskoagoa izango da, hodeiak ugaritu egingo dira, eta zerua ia estalita egongo da eguerdirako. Eguerditik aurrera, euria egingo du isurialde atlantikoan, eta haizeak ipar-mendebaldetik joko du.
Zure interesekoa izan daiteke
Oiartzungo AP-8ko saihesbidea obrengatik itxiko dute igande eta astelehen gauetan
Mantentze-lanak Bilborako noranzkoan izango dira, 22:00etatik 06:00etara.
GOIDIaren biktimek Mazon espetxeratzeko eskatu dute
Carlos Mazonek dimisioa eman zuenetik astebete igaro denean, goi-geruzetako depresio isolatuaren biktimek herritarren garaipentzat jo dute, baina ez dela nahikoa nabarmendu dute. Valentziako Gorteen aurrean egindako protestan, Mazon espetxeratzeko eta haren gobernu osoaren dimisioa eskatu dute, Feijooren eta Abascalen arteko negoziazioak gaitzetsi eta Valentziaren etorkizuna valentziarrek hauteskundeetan erabaki behar dutela aldarrikatzeaz gainera.
Milaka lagunek protesta egin dute Andaluzian osasun publikoaren gainbehera salatzeko
Gure biziek ezin dute itxaron. Hori da argi eta ozen oihukatu dutena bularreko minbiziaren baheketengatik kaltetutako emakumeek Andaluziako lurralde guztietan gaur egin dituzten mobilizazioetan. Milaka lagun irten dira kalera Juanma Morenoren gobernuaren kudeaketa salatzera. Egin dituen murrizketek eta pribatizazioek osasun publikoaren gainbehera ekarri dutela deitoratu dute.
Amaitu dira AP-8ko auto-ilarak Orioko zubian, Bilboko noranzkoan
Kamioi baten eta auto baten arteko talkak 3,5 kilometrora arteko ilarak eragin ditu Orioko zubian, Bilboko noranzkoan.
Harresirik gabeko nazioarteko egunean, elkarretaratzeak egin dituzte Bilbon, Irunen, Iruñean eta Gasteizen
Harresirik gabeko eguna ospatzen da urtero azaroaren 9an, pertsonei eragiten dieten indarkeria salatzeko eta harresirik gabeko mundu bat aldarrikatzeko. 1989ko azaroaren 9an eraitsi zuten Berlingo harresia, eta horregatik egiten dute egun horretan. Hainbat elkarretaratze izan dira gaur Hego Euskal Herrian, Ongi Etorri Errefuxiatuak, BDZ eta beste eragile batzuek deituta. Bereziki Palestinako herria izan dute aurten gogoan.
Giro ezin hobea Donostian, Behobia-Donostia dela eta
Milaka pertsona bildu dira Donostian igande honetan, toki askotako korrikalariak erakarri dituen lasterketa herrikoian. Kirol proba hunkigarria izan da familia eta lagun talde askorentzat.
?fmt=webp-alpha&qlt=80)
Egun osoko elkartasun eguna iragarri du Gernika-Palestinak
Herri ekimenak azaldu duenez, partidak "Euskal Herriak eta Palestinak aske izateko eskubidea dutela helaraziko dio munduari".
Artxibatu egin dute Nafarroako neska adingabe bat ustez "saldu" zutenen aurkako auzia
Epaileak auzia behin-behinean artxibatzeko agindu du, instrukzioa berriro irekitzea ahalbidetzen duten elementu berriak aurkezten ez diren bitartean, adingabearen lekukotza gainerako zantzuak baino garrantzitsuagotzat jota.
Emakume bat eta bi adingabe ospitaleratu dituzte Sesman, horien etxebizitzan izandako sutearen ondorioz
46 urteko emakumeak erredurak egin ditu, eta intoxikatu egin da, kea arnastu baitu. 6 eta 2 urteko umeek, berriz, kea arnastu dute, baina pronostiko arina dute.
Ertzaintzak gizon bat atxilotu zuen atzo Bergaran, euroagindu bat betez
76 urteko gizonak istripua izan zuen GI-627 errepidean, eta identifikatzeko orduan ohartu ziren atxilotzeko euroagindua zuela indarrean.