Bihar freskatzen hasiko da, ipar-mendebaldeko haizeari esker
Jose Antonio Aranda Euskalmeteko meteorologia arduradunak iragarri duenez, bihar freskatzen hasiko da. Arandak Radio Euskadiko mikrofonoetan hitz egin du LABIren bileraren ostean. Izan ere, LABI egoera meteorologikoaren arriskua zaintzen ari da, eta alarma gorria aktibatu du muturreko tenperatura altuengatik Euskal Autonomia Erkidego osoan.
Bihar egoera "auzoz auzo" aldatuko da, azaldu du Arandak. Goizean goizetik nabarituko da ipar-mendebaldeko haizea Bizkaiko kostaldean, eta pixkanaka, Gipuzkoara zabaltzen joango da eta, ondoren, barnealdera. "Egunaren azken orduetan, uste dugu haize freskoagoa Arabako Errioxako gune batzuetara ere irits daitekeela", esan du Arandak.
Prezipitazioei dagokienez, ez da asko botako duenik aurreikusten, urteko sasoi honi eta ipar-mendebaldeko egoerari dagokiena, besterik ez. "Datozen egunetarako ez da euri asko aurreikusten oraingoz, baina oso bestelako egoera batera pasatuko gara", esan du Arandak.
Beroarekin batera, sute arriskua ere handitu egiten da. Arandak azaldu duenez, indizea altu dago, eta gaueko azken orduan igoko da, batez ere suteak itzaltzeko zailtasunagatik eta hedatzeko abiaduragatik. Arriskua handiagoa izango da gaur gauean Kantauri isurialdean, eta "eguna igaro ahala", arriskua Arabako hegoaldera mugiruko da. "Kontu handiz ibili behar dugu surik ez egiteko eta suarekin ez jolasteko, ea ezer gertatzea saihesten dugun", eskatu du.
Zure interesekoa izan daiteke
Hiru hildako eta gaixotu bat ustez hantabirusagatik kruzero batean
Osasunaren Mundu Erakundeak (OME) adierazi duenez, "kutsatze-arriskuak txikia izaten jarraitzen du" eta "ez dago aztoratzeko arrazoirik".
Eric Courdyren heriotzagatik auzipetutako boxeolari ohiak barkamena eskatu eta bere gain hartu du hilketa
"Egindakoa onartzen dut eta barkamena eskatzen diot biktimaren familiari", esan du lehen saioan. 09:00etan hasi dira Verin epaitzen, hilketa gertatu zenetik ia bi urtera.
Bikotekideak 13 labankada eman zizkion Maialen Mazoni, "hiltzeko asmoarekin", fiskalaren arabera
45 urteko espetxe zigorra eskatu du Fiskaltzak hiltzailearentzat, Zigor Kodeak baimentzen duen zigorrik handiena. Zehazki, 25 urte azpikeriaz eta ankerkeriaz egindako hilketagatik (emakumea labankadaz hil zuen), 8 urte bi abortu delituengatik eta 4 urte adingabea (onik atera zen 2 urteko alaba) abandonatzeagatik.
34 urteko gizon bat atxilotu dute Iruñean, sexu-erasoa egotzita
Atxiloketa Nafarroako hiriburuko Udaltzaingoak egin zuen, igandeko lehen orduan.
Datorren ikasturtean Lanbide Heziketako 74.963 plaza eskainiko dira EAEn, inoiz baino gehiago
Berrikuntza gisa, Lanbide Heziketako plazen % 50 emakumeentzat gordeko dira 2026-2027 ikasturtetik aurrera.
Lehiaren Euskal Agintaritzak isunak jarri dizkie eskola garraioko 31 enpresari, Hezkuntza Sailari boikota egiteagatik
2023-2024 ikasturterako lehiaketan, Gipuzkoako ibilbideak baino ez ziren esleitu. Horregatik, Eusko Jaurlaritzak agindu bat argitaratu zuen, aurretik Bizkaian eta Araban esleipendun izan ziren enpresak zerbitzua betetzera behartzeko.
Aldentze aginduen inguruan zeukan protokoloa aldarazi zion Ertzaintzari Maialen Mazonen hilketak
Maialen "arrisku handiko" biktima zen indarkeria matxistarekin lotutako kasuak aztertzen dituen Estatuko VioGen sistemaren arabera. Ertzaintzak, ordea, "arrisku txikiko" biktimatzat jo zuen. Antza denez, Polizia Nazionalaren VioGen sistemako eta Ertzaintzaren EVA sistemako artxiboak ez zetozen bat. Bestalde, Ertzaintzak berak kasuaren inguruan egindako balorazioak ere huts egin zuen.
2025ean 13.297 haur jaio ziren EAEn, 2024an baino %2,8 gehiago
2025eko azken hiruhilekoan, 3.438 jaiotza izan ziren Euskal Autonomia Erkidegoan, hau da, iazko aldi berean baino % 6,1 gehiago, Eustaten datuen arabera.
Bi pertsona atxilotu dituzte Donostiako Herrera auzoko pabiloi batean izandako suteagatik
Sua goizaldean piztu da, Zardoya fabrika zaharreko gela batean. Ondorioz, lau pertsona zauritu dira eta horietako bat Donostia Ospitalera eraman dute. Hiru lagun tokian bertan artatu dituzte, kea arnasteagatik. Lehen ikerketen arabera, sutea nahita piztu dute.
Leioak gauerdira arte luzatu du TAOaren ordutegia
Udalbatzak erabaki hori hartu du arratsalde-gauean Leioako hiru TAO guneetan (Pinueta, Lamiako eta Ibaiondo) aparkatzeko arazoak izaten direlako, Getxoko bizilagun askok hor uzten dutelako autoa.