Sindikatuak

2024/04/26 - 18:51

Akordiorik gabe amaitu da Urdulizko Mecaner enpresan enplegu-erregulazioko espedientearen kontsulta-aldia

LAB sindikatuaren ustez, Stellantis automobilgintzako multinazionalaren erabakia "ez dago justifikatuta", eta Eusko Jaurlaritzari egotzi dio "deslokalizazioak eragozteko eta trantsizio ekosozialaren erronkei heltzeko industria-politikarik ez izatea".

2024/04/25 - 21:25

"Lanaldi txikiagoak eta soldata hobeak" eskatuko dituzte Euskadiko CC.OO.-k eta UGT-k Maiatzaren Lehenean

Loli Garciak (CC.OO) eta Raul Arzak (UGT), bi sindikatuek Maiatzaren Lehenean elkarrekin egingo dituzten mobilizazioak aurkeztu dituzte. EAEko hiriburuetan manifestazioak egingo dituzte, "Enpleguaren alde. Lanaldi txikiagoak eta soldata hobeak" lelopean.

2024/04/19 - 16:42

Anbulantzien sektorean aurreakordioa adostu ostean, bertan behera utzi dute otsailean abiatutako greba

Sektorean gehiengoa (% 44,49) duen ELA sindikatuaren arabera, % 30,64rainoko soldata igoerak izango dituzte anbulantzietako beharginek hemendik 2029ra, eta urtean 124 lanordu gutxiago egin beharko dituzte.

2024/04/18 - 19:50

Basoetan berriki izandako sabotajeak salatu dituzte baso-jabe eta nekazal sindikatuek

"Zuhaitz-landatze eredu industrialaren aurka", Azpeitian eta Berangon 11.000 zuhaitz moztu izana aldarrikatu du "Lurraren Altxamendua" mugimendu ekologistak berriki. Nekazarien sindikatuek eta baso-jabeek gogor salatu dute erasoa, "ez baita lehena". Erakundeei babesa eta ekintzak eskatu dizkiete.

2024/04/18 - 18:57

Haurreskolak Partzuergoak eta gehiengo sindikalak akordioa izenpetu dute, zenbait lan-baldintza hobetzeko

Besteak beste, aldi baterako langileen kontratazio berriak egiteko aukera jasotzen du akordioak, matrikulazioak une jakin batean gora egiten badu.

2024/04/18 - 15:55

ELAk maiatzaren 1ean kalera ateratzeko deia egin du, "borroka politiko, sozial eta sindikala" erabiliz

ELAk milaka lagun bilduko ditu 'Antolatu, borrokatu, irabazi' lelopean Bilboko eta Iruñeko manifestazioetan.

2024/04/18 - 15:31

UAGAk berriro traktoreak kalera atera ditu Gasteizen, lehen sektorea agenda politikoan sar dadila eskatzeko

Edurne Basterra UAGAko presidenteak salatu du alderdi politikoek ez dituztela nekazarien eta abeltzainen aldarrikapenak kontuan hartu ere egin kanpainako euren diskurtsoetan.

2024/04/17 - 16:16

% 100 begetalak diren eta haragi izenarekin saltzen diren produktuen etiketatzea salatu du EHNEk

Sindikatuaren arabera, kontsumitzaileak informazioa "argia" eta "zehatza" izan behar du, zer jan nahi duen aukeratu dezan.

2024/04/17 - 14:01

ELA eta LAB sindikatuek greba deitu dute Arabako egoitza pribatuetan apirilaren 25erako

Deialdia mugimendu feministak, Arabako Pensinonistak Lanean kolektiboak eta egoitzetako erabiltzaileen senideen bi elkartek babestu dute. Sektorean beste 32 lanuzte egin dituzte lau urtetan zehar.

2024/04/16 - 19:33

Udalak Bilbobuseko langileei esan die Biobiderekin duen kontratua hiru hilabeteren buruan baliogabetuko duela

Bilboko Udalak greba mugagabea bertan behera uzteko eskatu dio enpresa-batzordeari, baina beharginen ordezkariek baztertu egin dute aukera hori, "akordioa itxi arte".

2024/04/15 - 21:07

59 urteko garraiolari iruindar bat hil da Lleidan, eta 54 urteko langile autonomo bat Gasteizen

LABek azaldu duenez, igandean bere kamioiaren kabinan hilik azaldu zen garraiolaria. Antza denez, bihotzekoak jota hil zen. Bestalde, joan den astean, behargin autonomo batek istripua izan zuen, komunitate bateko garbiketa lanak burutzen ari zela. Asteburuan hil egin da zauri larrien ondorioz.

2024/04/15 - 15:40

LABek Iruñean egingo duen manifestazio eta jaialdi nazionalarekin ospatuko du Maiatzaren Lehena

Aurtengo deialdia "nazionala" izango da, Iruñean, eta egun osoko egitaraua prestatu dute (manifestazioa, ekitaldia, bazkaria eta kontzertuak). Halaber, LAB sindikatua Ipar Euskal Herrian ere mobilizatuko da.

2024/04/15 - 14:57

UAGAk mobilizazioa antolatu du ostegunean Gasteizen lehen sektorea hauteskunde agendan sar dadila eskatzeko

Traktoreekin aterako dira kalera, eta horren aurretik, gaur alderdi politiko guztien egoitzetara joan dira aldarrikapenak helaraztera.

2024/04/14 - 18:00

Sidenorrek Azkoitian duen lantegian astelehenetik aplikatuko dute urtebeteko enplegu-erregulazioko espedientea

UGT, CCOO eta USO sindikatuek zuzendaritzarekin akordioa lortu ondotik, neurria urtebetez egongo da indarrean, langile guztiei eragingo die eta gehienez ere lanorduen % 60 murriztu ahalko dira.

2024/04/14 - 17:35

Zazpi lanuzte egunetako lehena dute gaur Amazonek Trapagaranen duen logistika zentroan

Hilaren 20ra arte egunean hiru ordu eta erdiko lanuzteak deitu dituzte, lan-osasunean hobekuntzak eta "lan-baldintzak duintzea" eskatzeko. Bihar, apirilaren 15ean, manifestazioa egingo dute Bilbon, Juan Garai kaletik Plaza Biribileraino.

2024/04/10 - 18:44

Bizkaiko kiroldegietako langileen % 90ek greba babestu dutela adierazi du ELAk

Gaurkoa apirilean eta maiatzean deitutako 10 greba egunetako lehena dela adierazi du ELAk. Gainerakoak apirilaren 10ean, 11n, 12an, 13an, 15ean eta 16an, eta maiatzaren 7an, 8an, 9an eta 10ean daude deituta.

2024/04/08 - 14:25

50.000 afiliaturen langa gainditu du LABek, 50 urte bete berritan

50. urtemuga ospatzeko ekitaldia egin du sindikatuak Bilboko Euskalduna jauregian. Igor Arroyo eta Garbiñe Aranburu koordinatzaile orokorrek nabarmendu dutenez, "Euskal Herriaren nazio askapenerako eta eraldaketa sozialerako bidea" zabaltzen jarraituko dute aurrerantzean ere.

2024/04/04 - 09:55

EAEko administrazio publikoko langile finkoek eskuragarri dute errelebo kontratua, gaurtik aurrera

Jaurlaritzak gutxiengo sindikalarekin (CCOO eta UGT sindikatuak) sinatu zuten atzo akordioa. Horri esker, lan kontratuko 700-800 behargin finkok erretiro partziala hartu eta lanaldia murriztu ahalko dute, euren ordez beste pertsona bat kontratatuta.

2024/04/03 - 14:15

Ostegunean sartuko da indarrean errelebo kontratua, Jaurlaritzaren eta gutxiengo sindikalaren ituna tarteko

CCOO eta UGT sindikatuek sinatu dute akordioa. Horri esker, 700-800 langile laboral finkok erretiro partziala hartu ahalko dute. ELAk eta LABek ez dute ituna izenpetu.

2024/04/03 - 10:07

Sindikatuak gaurko deitu ditu Jaurlaritzak, 2024ko errelebo kontratua adosteko

ELAk erretiro partziala "akordioa lortu gabe" ere bermatzea eskatu du, eta LABek negoziaziorik nahi ez izatea egotzi dio Jaurlaritzari.