Behin-behinekotasuna murriztea, migratzaileak integratzea eta soldatak hobetzea eskatu dio UGTk lehendakariari
Imanol Pradales lehendakariarekin Ajuria Enean izan duen bileran, administrazio publikoan behin-behinekotasuna etetea -bereziki Osakidetzan eta Hezkuntzan-, soldata publikoak eta pribatuak hobetzea, eta migratzaileak integratzeko politikak indartzea eskatu du UGT sindikatuak.
Udako oporren osteko agendari ekin dio Pradalesek asteazken honetan, sindikatuekin, alderdi politikoekin eta eragile sozial eta ekonomikoekin izan duen bilera-sortako azken topaketa eginda. Haien beharrak entzutea eta Osakidetzari buruzko Itun baten aukerak aztertzea, bai eta legegintzaldi honetan garrantzitsuak diren beste gai batzuei -hala nola autogobernuari- heltzea izan da batzarren helburua.
Bileraren amaieran, Raul Arza UGT Euskadiko idazkari nagusiak adierazi du beharrezkoa dela hitzarmenetan bermatuko den gutxieneko soldata bat adostea EAEn, ordainsarien gutxieneko maila hiru lurraldeetan homogeneoa izan dadin.
Halaber, euskal administrazio publikoan behin-behinekotasuna nabarmen murriztearen aldeko apustua egin du. Funtzio publikoko baldintza ekonomiko gehienak Madrilen finkatzen direla onartu du, baina baldintza ekonomikoak, lanaldikoak eta kontziliaziokoak hobetzeko beharra planteatu dio Pradalesi. Plazak egonkortzeko prozesuetako hizkuntza-eskakizunetan malgutasun handiagoa izateko ere eskatu du.
Osakidetzari dagokionez, pribatizazioak saihesteko eta "barneratzeko" gogoeta egin dezan eskatu dio. Alegia, zerbitzu batzuek publikoak izan beharko luketela adierazi dio, garbitasuna edota gaixoen garraioa, esaterako. Horrez gainera, lehen mailako arreta indartzea eta medikuentzat erakargarri egitea eskatu du, "eta, horretarako, ordainsari handiagoak ere behar dira".
Gazteentzako soldata duinak, lan-segurtasunaren hobekuntza eta 45 urtetik gorako langabeak lan-merkatuan integratzea ere izan dira landu diren beste gaietako batzuk.
Azkenik, migrazioari dagokionez, Arzak ohartarazi du Euskadin immigranteen behar handia izango dela hurrengo urteetan, espero den erretiro-oldearen aurrean, eta integrazio-politikak bultzatzea eskatu du.
Imanol Pradalesek egindako bilera-sortak, Arzaren ustez, aurreko legegintzaldian izan zenaren "bestelako jarrera" erakusten du.
Zure interesekoa izan daiteke
Anduezak "seriotasuna" eta "diskrezioa" eskatu ditu Estatutu berriaren negoziazioan, "pazientziak muga bat duelako"
Eneko Andueza PSE-EEko idazkari nagusiak pazientzia galtzeko arriskua dagoela ohartarazi die EAJ eta EH Bilduri. Ildo horretan, lehia eta ika-mikak alde batera uzteko eskatu die biei.
Aburtok Bilbon egindako ibilbidea aldarrikatu du, eta akordioetan oinarritutako politika defendatu: "Denak ez du balio"
Alkateak hiru agintaldien balantzea egin du, eta elkarrizketan, elkarbizitzan eta herritarren zerbitzura jardutean oinarritutako politika aldarrikatu du. "Pertsona ona izan nintzela gogoan izatea gustatuko litzaidake», esan du.
Albiste izango dira: lehendakariaren bilera Confebaskekin, Adimen Artifizialaren moteltzea eta Zinemaldia ate joka
Gaurkoan Orain-en albiste izango direnen laburpena, bi hitzetan.
Ertzaintzak ikerketa abiatu du gazte batzuek Felipe VI .a erregearen irudi bati burua moztu ziotela eta
Gertakariak igandean jazo ziren, Ernaik faxismoaren kontra deitutako martxan. Donostiako alkateak eta Espainiako Gobernuak EAEn duen ordezkariak ekintzok gaitzetsi dituzte.
Anduezak, estatutu berriaz: "Adostu beharrekoa Konstituzioaren barruan egongo da"
Halaber, jeltzaleei beste abisu bat ere helarazi die: EH Bildurekin hizkuntza eskakizunen inguruan akordioa sinatzea "oso larria" izan zela eta halako "leialtasuna eza" ezin dela errepikatu esan die.
PSOEk irabaziko lituzke hauteskunde orokorrak CIS inkestaren arabera, Ceutako krisiaren ostean bi puntu jaitsi arren
Iraileko CIS inkestak aurreikusi du PSOEk botoen % 31 lortuko lukeela, PPk % 25,5 eta Voxek % 16,6. Alderdi Popularrak lau hamarren egingo luke behera; ultraeskuinak, berriz, 1,3 puntu gora. Halaber, EH Bildu EAJren aurretik geldituko litzateke, hurrenez hurren, botoen % 1,3 eta 0,7 lortuta.
Chivitek agerraldia egingo du asteazkenean Nafarroako Parlamentuan, Belateko obren geldialdia dela eta
Legebiltzarreko Mahaiak premiazko bilkura finkatu du oposizioko hainbat taldek eskatuta, lanak erabat geldirik daudela eta 8,5 milioiko gainkostuaren ordainketa juridikoki blokeatuta dagoela.
Donostiak lore eskaintza batekin omendu ditu frankismoaren biktimak Memoria Historikoaren Egunean
Jon Insausti alkateak ekitaldian azpimarratu du "Donostia erreferentea da memoria demokratikoan", eta berretsi du gerraren eta diktaduraren ondorioz indarkeria, errepresioa eta erbestea jasan zutenei errekonozimendua eta ordaina emateko konpromisoa dutela.
Segurtasunaren gaineko azterketa sakona aldarrikatu du Diez Antxustegik, alarmismoetatik aldenduz
ETB1eko "Egun on Euskadi" saioan egin dioten elkarrizketan, Joseba Diez Antxustegi EAJren Eusko Legebiltzarreko bozeramaileak adierazi duenez, beharrezkoa da EAJk eta PSEk eskatutako batzar monografikoa egitea.
Lander Martinez: "Egia da aurrekontuak aurkeztu egin behar direla, eta gu horretan tinko egongo gara"
Sumarreko diputatuak Euskadi Irratiko "Faktoria" saioan nabarmendu du PSOEri beren eskariak mahai gainean jartzeko lanean ari direla. "Aurrekontuak aurrera joaten ez badira, pentsatu beharko dugu zer egin, baina aurrera ateratzen ditugun gauzekin uztailera arte heltzeko moduan gaude", adierazi du.