Tolosa

2024/02/21 - 14:46

Tolosan zauritutako hirugarren pertsonak ''botilakada bat'' jaso zuela deklaratu zuen, Erkorekaren esanetan

Hirugarren salaketa bati buruz galdetu diotenean, sailburuak esan du pertsona hori anbulantzia batek artatu zuela eta kristalezko botila batek jo zuela adierazi zuela.

2024/02/21 - 10:59

Tolosako istiluetan zauritutako hirugarren pertsona batek salaketa jarri du

Hala azaldu dute Udaletik. Bien bitartean, Josu Erkoreka Segurtasun sailburuak adierazi du ez duela salaketa horren berririk, eta gaineratu du hirugarren pertsona hori tokian bertan artatu zuela anbulantzia batek, eta kristalezko botila batek jo zuela adierazi zuela zaurituak.

2024/02/17 - 17:15

Tolosan elkarretaratzea egin dute Ertzaintzaren karga batean zauritutako gazteari babesa emateko

"Biolentzia polizialik ez" leloa zuen pankarta hartuta, babesa erakutsi diote begian larri zauritutako gazteari, eta gogor kritikatu dute Ertzaintzaren jarduna. Asteartean egingo diote ebakuntza.

2024/02/16 - 14:55

Ertzaintzaren jaurtigai batekin Tolosan larri zauritutako adingabeari asteartean egingo diote ebakuntza

Familiak jakitera eraman duenez, alta eman diote 16 urteko mutikoari, baina kezkatuta daude begian izan ditzakeen ondorioak uste baino larriagoak direlako.

2024/02/15 - 11:22

Tolosan zauritutako 16 urteko gaztearen familiak gertatutakoa salatu du Auzitegian

Balizko prozesu judizialean akusazio partikular gisa aurkeztuko dira.Bestalde, 16 urteko gaztea artatzen ari diren osasun-langileek lesio gehiago atzeman dituzte zaurituaren begian, eta ezkorragoak dira.

2024/02/14 - 15:36

Aske utzi dute Tolosako sexu erasoengatik atxilotutako bigarren gizona

37 urteko atxilotua gaur igaro da epailearen aurretik, eta behin-behinean aske gelditu da, bermerik eta kautelazko neurririk gabe. Halaber, 28 urteko atxilotua karguekin aske gelditu zen atzo.

2024/02/14 - 11:12

Josu Erkoreka: ''Barne ikerketa prozesu garantista da, baina ez da egun batetik bestera egiten''

Sindikatu batzuek Ertzaintzaren Tolosako jarduna defendatzeko egin dioten eskaerari buruz galdetu diotenean, sailburuak esan du sindikatu horiek argi utzi beharko luketela gertatutakoari buruzko barne-ikerketa bat egitea edo mediku forentse batek txosten bat egitea nahi duten ala ez.

2024/02/14 - 09:05

Albiste izango dira: Tolosako sexu erasoak, Ertzaintzaren karga eta nekazaritza sektorea

Gaurkoan albiste izango direnen laburpena, bi hitzetan.

2024/02/13 - 21:26

Tolosan zauritutako gaztearen aitak Ertzaintzaren jokabidea salatu eta erantzukizunak eskatu ditu

Ertzaintzaren proiektil batek zauritutako gaztearen aitak agerraldia egin du Villabonan. Azaldu du semea ospitalean dagoela, ebakuntzaren zain. Begian 15 puntu eta odolbilduak dituela esan du, eta erretina alde batera jausi zaiola. Ertzaintzaren jokabidea salatu eta erantzukizunak eskatu ditu.

2024/02/13 - 21:09

Tolosak inauterietan izandako sexu-erasoak gaitzetsi ditu

Protesta egin dute Tolosako zezen-plazan, txarangek plazari buelta eman ostean. Bertan izan dira zinegotziak, EH Bilduko Adu Martinez de Rituerto alkatea eta inauterietan parte hartzen duten taldeak.

2024/02/13 - 20:35

Kontseilu Sozialistak deituta, jazarpen polizialaren kontrako manifestazioa egin dute Tolosan

"Jazarpen poliziala, gelditu!" lemapean, manifestazio jendetsua egin dute Tolosan, Kontseilu Sozialistak deituta. Istilua gertatutako kaleetatik igaro da protesta, eta zauritutako gaztea jazarpen polizialaren biktima izan dela salatu dute.

2024/02/13 - 18:21

Beatriz Unzue, Villabona-Amasako alkatea: ''Gaztea sendatzea eta dena ondo joatea espero dugu''

Villabona-Amasako alkateak herriko gazte bati Tolosako inauterietan gertatutakoa salatu du. Larri zauritutako 16 urteko gaztea Ertzaintzaren "pilotakada batek" jo zuen; horixe izan zen Tolosako Asunción klinikara eraman aurretik artatu zuen osasun-langileari esan zion lehen gauza.

2024/02/13 - 15:49

EH Bilduk eta Elkarrekin Podemos-IUk azalpenak eskatu dituzte Ertzaintzak Tolosan egindako kargaren inguruan

Bingen Zupiria Eusko Jaurlaritzako bozeramaileak azpimarratu du Jaurlaritzaren helburua dela gertakariak "guztiz argituta geratzea" eta ikerketak "Ertzaintzaren jardunaren gardentasuna" bermatzea.

2024/02/13 - 15:04

Bi gizon atxilotu dituzte Tolosan hiru sexu-eraso egitea egotzita

Erasoetako bat igandean gertatu zen. Gizon batek elkarrekin zeuden bi emakumeri —horietako bat adingabea— egin zien eraso. Bigarrena, berriz, gaur izan da. 37 urteko gizon batek adingabe bati sexu erasoa egin dio, kalean.

2024/02/13 - 14:31

Tolosan larri zauritutako adingabeak ziurtatzen du Ertzaintzaren "pilotakada batek" jo zuela

Villabonako 16 urteko gaztearen senideek Euskadi Irratiari jakinarazi diotenez, hori esan zion adingabeak anbulantzian artatu zuen osasun-langileari. Halaber, azpimarratu dute gazteak ez zuela parte hartu Ertzaintzaren karga eragin zuen borrokan.

2024/02/13 - 14:23

Zupiria: ''Jaurlaritzaren helburua Tolosako gertakizuna guztiz argituta geratzea da''

Bingen Zupiria Jaurlaritzaren bozeramailea Tolosan zauritutako gazteaz mintzatu da. Jaurlaritzaren helburua gaia argitzea eta Ertzaintzaren transparentzia ziurtatzea dela adierazi du.

2024/02/12 - 22:28

Adingabe bat larri zauritu dute Tolosan Ertzaintzaren karga batean

Taberna batean abiatu eta kalean jarraitu duen borroka bat sakabanatzeko asmoz, agenteek istiluen kontrako materiala erabili dute eta, dirudienez, 16 urteko gazte bat zauritu dute, pilotakada baten ondorioz. Ertzaintzak ikerketa abiatu du gertakariak argitzeko.

2024/02/12 - 22:15

Gertatua argitzeko eskatu du Tolosako alkateak eta festak lasaitasunez bizitzeko deia egin du

Alde zaharrean zabaldutako liskarra kontrolatu nahian, Ertzaintzak istiluen aurkako materiala erabili du eta gazte bat larri zauritu da. Andu Martinez de Rituerto Tolosako alkateak zabaldu duenez, gazte hori pilotakada baten ondorioz zauritu da, eta gertatutakoa "lehenbailehen" argitzea eskatu du.

2024/02/12 - 14:31

'Astelenita' eguna ospatu dute Tolosan, inauterien bosgarren egunean

'Astelenita' inauteri asteko egunik aipagarrienetako bat da Tolosan. Eguraldia alde dutela, kalera atera dira musikaren erritmoan dantzatzera.

2024/02/11 - 18:16

Mozorroen festak eta protestak bat egin dute Tolosan Zaldunita egunean

Gaur bai, mozorroz eta karrozaz bete da Tolosa, irudimena eta umorea bor-bor, baina dena ez da festa izan. Eguerdian, bi orduz, karrozak itxi, musika jaitsi eta eserialdia egin dute, orain arte erabilitako pabiloia saldu dutenez datorren urtean karrozak gordetzeko lekurik ez dutela izango salatzeko.