Trafikoa bere onera etorri da Txorierriko igarobidean, goiz korapilotsuaren ondoren
Goiz korapilatsua izan da gaurkoa trafikoari dagokionez, Bizkaian eta Gipuzkoan. Izan ere, hainbat istripu izan dira N-1ean, GI-636an eta N-637an (Txorierriko igarobidea) eta ilarak sortu dira denetan, Segurtasun Sailak eitb.eus-i jakinarazi dionez. 10:00etan, ilarak gutxitzen ari ziren Txorierriko igarobidean eta GI-636an, eta zirkulazioa bere onera etorri da, N-1ean
Erandioko (Bizkaia) lotuneko inguru guztian trafiko motela izan da hiru orduz, goizean goiz Txorierriko igarobidean (N-637) izandako bi istripuren ondorioz. N-637 errepidean ez ezik, Arrontegiko zubian eta Artatzako errepidean ere ilarak sortu dira. 07:30ean, hiru autok ezbeharra izan dute Erandio parean, Galdakaoko noranzkoan. Handik gutxira, pilaketetan, beste ezbehar bat izan da, Barakaldon. Zorionez, ez da inor zauritu istripuotan.
Gipuzkoan, 08:00ak aldera, ezbeharra izan da GI-636 errepidean, Irun parean. Bi autok aurrez aurre jo dute, eta errepidea guztiz itxi behar izan dute. Ertzaintzak AP-8tik eta Ventas ingurutik bideratu du trafikoa. Dena dela, ilarak sortu dira. 10:00etarako, zabalik zegoen errepidea. Pertsona bat zauritu da ezbeharrean.
Bestalde, N-1eko bi puntutan izandako istripuak konponduta daude dagoeneko. Bost ibilgailuk talka egin dute 07:15ean, Tolosa parean eta Madrilgo noranzkoan. Handik gutxira, 07:40an, beste istripu bat gertatu da Villabonan, baina Donostiarako bidean. Ilara luzeak sortu dira, baina, esan bezala, ohiko martxan dabil jada zirkulazioa.
Zure interesekoa izan daiteke
Artxandako tuneletako Deustuko tartea bihar irekiko dute berriro
Bizkaiko Foru Aldundiak estaldura, drainatze-sistemak, ebakuazio-galeriak, argiztapena eta gorabeherak detektatzeko sistema automatikoak hobetu ditu. Udazkenean, Salbeko zatiaren txanda izango da.
Gizon bat atxilotu dute Angelun 10 urteko alabari sexu-abusua egitea leporatuta
Erasoak ikasturte barruko oporretan jazo dira, neskatoa aitaren etxean zegoen bitartean. Epailearen aginduz, gizona espetxeratu egin dute, behin-behinean.
Zisterna-kamioiak ura Karrantzara eramaten hasi dira, hornidura bermatzeko
Astelehenetik ostiralera, egunero, 250 metro kubiko eramango ditu foru erakundeak Enkarterriko udalerriko hornidura bermatzen laguntzeko.
Migratzaileak Ceutan sartzea ekintza antolatua izan zen ala ez ikertzen ari da Auzitegi Nazionala
Maria Tardon epaileak aurretiazko eginbideak abiatu ditu, eta Polizia Nazionalari txostena egin dezala eskatu dio, uztailaren 30ean eta 31n Ceutara iritsitako migratzaile kopuru handiak erakunde kriminal batek hitzartutako edo zuzendutako jarduera izan ote zen argitzeko.
Babeslekurik eta janaririk gabe: migrazio-krisiak gainezka utzi du Ceutako migrazio-zentroa, eta GKEak ere gainditu egin ditu
Atzerritarrentzako Aldi Baterako Egonaldi Zentroa gainezka dago azken egunotan. Marokotik zein Saharaz hegoaldeko Afrikako herrialdeetatik —Sudanetik eta Txadetik, besteak beste— iritsitako ehunka migratzaile Trampolin hondartzan eta migrazioa-zentroaren kanpoaldean daude zain, tokirik ez dutelako. Bien bitartean, migrazio-presioak GKEak ere gainditu egin ditu. Haien lehentasuna iritsi zirenetik jan barik dauden migratzaileei janaria ematea da, eta, gainera, haien eskubideei buruzko informazioa ematen diete.
betiONek bere zerbitzua zabalduko du nahi ez den bakardadea detektatzeko eta 1.500 zaintzaileri laguntzeko
Telelaguntza-zerbitzu publikoak bakardade-arriskuan dauden erabiltzaileentzako plan pertsonalizatuak gehituko ditu, eta adineko edo mendeko senitartekoak etxean zaintzen dituztenentzako laguntza zabalduko du. Hortaz, uztailean iragarritako telelaguntza prediktibo eta aurreratuaren hedapena osatu egingo da.
Zer da 764 sarea, Gipuzkoako 10 ikastetxetan tiroketa-mehatxuak egin zituen erakunde kriminala
Ertzaintzak, Esquadra Mossoekin eta Guardia Zibilarekin batera, 17 urteko adingabe bat atxilotu du Gipuzkoan. Gazte hori Espainiako Estatuan erakunde transnazional horren erreferente nagusia da, eta gazte kalteberen sextortsio, mehatxu eta manipulazio delituengatik ikertzen ari dira.
Jaien hasiera dela eta, Gasteizko Andre Maria Zuriaren plazako landare-eskultura kendu dute
Urtero bezala, Andre Maria Zuriaren jaiak direla eta, Gasteizko Udalak aldi baterako kenduko du Andre Maria Zuriaren plazan dagoen landare-eskultura, jende gehien biltzen den ekitaldietan kaltetu ez dadin.
Kerman Villateren gurasoak, Gasteizko alkateari: "Hitzemandako barne-ikerketa abiatuko duzu orain?"
Radio Euskadiko erreportaje batek zabaldu duenez, Mitika diskotekako atezainek gutxienez lau gazteri eraso egin zieten Kerman Villate hil aurreko hilabeteetan. Kermanen gurasoek salatu dutenez, atezainek gutxienez 22 eraso egin dituzte; horietako 13, Gasteizko Udalak berak Arartekoari aitortuta.
37 urteko gizon bat atxilotu dute, N-634 errepidean, Zornotza parean, txirrindulari bat autoarekin harrapatu eta hiltzeagatik
Uztailaren 25ean Zornotzan 82 urteko txirrindulari bat harrapatu zuen ibilgailuaren jabea atxilotu egin dute, Bilbon. Gidariak ihes egin zuen istripuaren tokitik, eta biktima egun horretan bertan hil zen, Gurutzetako Ospitalean.