Undak esan du Mercedesen furgoneta berria Gasteizen ekoitzi behar dela
Mercedesen furgoneta berria Gasteizko lantegian ekoizteak berebiziko garrantzia daukala azpimarratu du Bernabe Unda Industria sailburuak eta, beraz, ziur agertu da enpresa eta langileak akordio batera iritsiko direla.
Mercedesek Gasteizen duen lantegian sortu den lan-gatazka izan du hizpide Bernabe Undak Radio Euskadin egindako elkarrizketan. Gasteizko lantegia Alemaniako lantegiarekin lehian dago, eta enpresako zuzendaritzak, besteak beste, soldatak murriztea proposatu du, Mercedesen furgoneta berria Gasteizen egin ahal izateko.
Undaren esanetan, ibilgailu berri hori Gasteizko lantegian egitea hain da garrantzitsua ezen bertan ez ekoiztea ezinezkotzat jotzen baitu.
Gauzak horrela, ziur agertu da zuzendaritza eta langileak akordio batera iritsiko direla. "Horrela izan behar da, izan ere, furgoneta hori Gasteizen egitea oso garrantzitsua da bertako 3.000 langileentzat, baina baita horrek beste 400-500 enplegu sortuko dituelako; proiektu honek bultzada emango dio euskal automobilgintza sektoreari", nabarmendu du.
"Azkenean arrazionaltasuna gailenduko da eta bi aldeak adostasun batera helduko dira", erantsi du.
ABB Galindo
ABB Galindo enpresan bizi den gatazkari buruz, berriz, Undak adierazi du berak zuzentzen duen Industria Saila enpresa-zuzendaritzarekin eta langileen ordezkariekin bildu dela.
"Ekipamendu elektrikoen sektoreak Europa osoan izan du beherakada eta, batez ere, Espainian izan du eragina", azpimarratu du.
Undak azaldu duenez, Galindoko lantegian proposatu duten negozio-eredua Europa iparraldean indarrean jartzen hasi dira, hala nola, Norbegian eta Alemanian.
Horren ildotik, "Alemaniara joan eta eredua ikustea" eskaini dute. "Langileek konpromisoa lortu behar dute zuzendaritza egiten ari den ereduarekin", gaineratu du.
Navala
Bernabe Undaren esanetan, Sestaoko Navalak "etorkizuna" du, "azken 25 edo 30 urteetan egin denaren truke". "Gauzak hobeto egin behar dira, merkatua topatu behar da, eta baldintzetara moldatu beharra dago", esan du.
Babcock
Babcock lantegiari buruz, sailburuak nabarmendu du ez duela etorkizunik, likidazio prozesuan eta egoera konkurtsalean baitago eta "itxi" egingo baitute. Langileei dagokienez, haien egoera "2004tik gertatutako epaien eta helegiteen" ondorio dela adierazi du.
"Badakit konponbide bidean dagoela. Gu batzordearekin egon gara, Sepirekin egon gara, eta badirudi konponbidea badatorrela, 2004an lan espedientea egin zietenei 2004ko espendientean berriz sartzeko akordioa baitago", azpimarratu du.
Zure interesekoa izan daiteke
Angularen arrantza kanpainak bertan behera jarraitzea berretsi du EAEko Justizia Auzitegi Gorenak
Iazko azaroan, 2025-2026rako aurreikusitako angularen kanpaina bertan behera geratu zen EAEn, Eusko Jaurlaritzaren txostenek espeziearen egoera kritikoa egiaztatu ondoren.
Diesel litroa 2 eurotik gorakoa da jada Hego Euskal Herriko gasolindegi askotan
Gasolioaren prezioa % 30,78 igo da martxoan, Irango gerrak eragindako ezegonkortasunaren ondorioz, eta maximo berria ezarri du, litroko 1,916 eurora iritsi baita EAEn, batez beste, 2022ko uztailetik izan duen preziorik garestiena.
Euskadiko CCOOk gaitzetsi du ELAk "seinalamendu kanpaina" darabilela haren kontra, eta adierazi du euskararen aldeko jarrera "integratzailea" duela
Comisiones Obrerasek salatu du sindikatuaren aurkako manifestazio kanpaina bat darabiltzatela beste sindikatuek, euskararekiko eta hizkuntza eskakizunekiko duen jarrera dela eta. Santi Martinez idazkari nagusiak, gainera, Korrikan parte hartzeko "betoa" jarri izana gaitzetsi du, eta sindikatu abertzaleak haien kontra "erakunde ultra batek egingo lukeen moduan" jokatzen ari direla uste du.
Aste Santuan greba egingo dute Bilboko aireportuko Grounforceko lurreko asistentziako langileek
Lanuzteak martxoaren 27an hasiko dira eta apirilaren 1ean (asteazkena), apirilaren 3an (Ostiral Santua) eta 6an (Pazko Astelehena) izango lukete eragina. KPIaren diferentzialari eta erosahalmenari eustea aldarrikatzen dute langileek. Handling enpresa horrek zerbitzua ematen duen Estatuko aireportu guztietan izango dira greba-deialdiak.
Nafarroako Ekonomia eta Gizarte Kontseiluak Irango gerraren ondorioei aurre egiteko neurriak aztertuko ditu
Nafarroako Gobernuak aurreratu du Ministroen Kontseiluak ostiral honetan iragarriko dituen neurriak arretaz aztertuko dituela Nafarroan aplika daitezkeen egiaztatzeko.
"Indarberriturik eta helburua lortzetik gertuago" atera dira langile klasea eta indar sindikala, ELAren eta LABen ustez
Sindikatuen ustez, greba orokorra "klase elkartasun erakustaldia" izan da. LGS propioa lortzeko bideak zabalik daudela adierazi dute (bai patronalarekin, bai Espainiako Kongresuan) eta Jaurlaritzari eta, bereziki, EAJri, eskatu diote argitu dezala Legebiltzarrean eta Espainian dituen jarrera kontraesankorrak.
Atzoko greba orokorra "indar erakustaldia" izan zen, LAB eta ELA sindikatuen aburuz
Radio Euskadin eta Euskadi Irratian egindako elkarrizketetan LAB eta ELAko idazkari nagusiek adierazi dutenez, atzokoak "oso mobilizazio jendetsuak izan ziren, 135.000 pertsona ere batu zirela". "Indarberrituta atera gara", azpimarratu du Garbiñe Aranburu LABen koordinatzaile nagusiak.
Albiste izango dira: Greba orokorraren balantzea, Iranek Ali Larijaniren heriotza eta Ipar Euskal Herriko udal hauteskundeen bigarren itzulia
Orain-ek gaur landuko dituen albiste nagusien laburpena.
Ertzaintzak hiru pertsona atxilotu ditu greba orokorraren egunean
Desordena publikoak egitea leporatzen zaie. Gainera, bost pertsona ikertzen ari da eta 165 identifikatu ditu.
Egungo gutxieneko soldata kobratzen dutenek diote ez dela nahikoa duintasunez bizi ahal izateko
Zaintzan eta garbiketan; ostalaritzan eta turismoan; saltokietan, logistikan eta nekazaritzan… Arlo horietan ohikoa izaten da lanbidearteko gutxieneko soldata erreferentziatzat hartzea ordainsariak ezartzeko. Langileek salatzen dute jasotzen duten horrekin ezin dela bizi, eta ezinbesteko jotzen dute 1.500 eurora igotzea, duintasunez bizi ahal izateko.