Lehendakariak lan erreformaren 'norabidea' aldatzea eskatu du

Patxi Lopez lehendakariak sindikatuekin negoziatzeko dei egin dio Espainiako Gobernuari, lan erreformaren "norabidea aldatzea" helburu. Izan ere, bere esanetan, erreformak aldatu egin ditu kaleratzeen kausak, "ia kaleratze guztiak bidezkoak bihurtuta".

Telecincon egindako elkarrizketa batean, lehendakariak esan du gaur sindikatuek eta Fatima Ibañez Lan ministroak egingo duten bilera probetxuzkoa izatea espero duela, erreformaren parte bat ez baitator bat herrialdearen "beharrekin".

"Gobernuak iragarri badu aurten lanpostu gehiago suntsituko direla, helburua lanpostu gehiago sortzea izan beharko zen, eta ez kaleratzea merkatzea", iritzi dio.

Halaber, enplegu erregulazio txostenen baldintza berriak eta enpresako lan itunek itun sektorialen aurrean lehentasuna izatea kritikatu du, langileek "ahalmena" galduko baitute enpresaburuaren aurrean.

Puntu batzuk positibotzat jo ditu, kontratazio batzuk egiteko pizgarriak kasu, baina epe laburrean langabezia haziko den aurreikuspenarekin, "beste neurri batzuk" behar direla nabarmendu du.

ETAko biktimen papera

ETAren amaierari buruz, lehendakariak esan du biktimek "kontzientzia horma" izan behar dutela, Euskadi "indarkerira itzultzea" galarazteko.

"Oso mediatikoa da gaia espetxe politika eta presoak denean, titular eta portada asko ditu, baina beste hainbat gauza daude egiteke", gaineratu du.

Hori horrela, "lan gehien" egin behar duena ezker abertzalea dela agertu du: "ibilbide luzea egin behar du demokrazira guztiz itzultzeko".

Nolanahi ere, presoen gaiari ere heldu beharko zaiola iritzi dio.

Andaluziako PSOEren egoera

Bestalde, Lopezek deitoratu egin ditu Andaluziako PSOEren azken polemikak, "hori ez baita jendeak Alderdi Sozialista baten partetik espero duena".

"Ez dut gustoko gertatzen ari dena, eta espero dut lehenbailehen konpontzea", esan du, Jose Antonio Viera Sevillako PSOEko lurralde idazkariak hauteskundeetako zerrendan egin baino lehen dimititu egin duela eta.

Hain zuzen ere, Andaluziako PSOEren zuzendaritzak zuzendaritzan esku-hartu duelako aurkeztu du dimisioa.

Por otra parte, López ha lamentado los últimos sucesos en el PSOE de Andalucía, ya que "no es lo que espera la gente de un Partido Socialista", y ha deseado que se reconduzca la situación.

"Herritarrek ez dituzte barkatzen barne zatiketan, eta esfortzua egin behar dugu PSOEren barruan [indarrak] batu eta integratzeko", esan du.