Gobernua:'Funtzionarioei aparteko ordainsaria ematea prebarikatzea da'
Cristobal Montoro Ogasun ministroak esan duenez, Autonomia Erkidegoren batek funtzionarioei eta langile publikoei Gabonetako aparteko ordainsaria ematen badio "prebarikazio delitua" egiten ariko da.
Montororen hitzetan, "legea bete beharra dago", eta hori egiten ez duena "delitu bat egiten ari da", Euskadin funtzionarioei Gabonetako ordainsaria emateko erabakiaren harira, Estatuko oinarrizko legediari kontrakoa eramanez.
"Legea aplikatzen ez duen gobernuburuak ezin du Gobernuan egon", nabarmendu du ministroak. Halaber, Espainiak legeak betetzen dituen herrialdearen irudia ematearen alde egin du, era horretan "seriotasuna" helarazi ahal izateko.
Administrazio guztientzako oinarrizko lege erregulatzailea dagoela adierazi du, ondorioz, Gabonetako aparteko ordainsariak ez dituztela administrazioen aurrekontuan "baldintzatzen" azaldu du, "legeak betetzeko daudelako".
Euskadik Gabonetako aparteko ordainsaria ematearen erabakiari Extremadurarena batu zaio, azken horrek urtarrilean ordainduko baitu udarako ordainsaria. Nafarroa kasua aztertzen ari da oraindik.
Bestalde, Montorok esan duenez, administrazio publikoen erreforma "dagoeneko martxan da", eta "egunez egun" ari dira lanean horretan, gaineratu du.
Fakturarik ordaindu ezean BEZaren ordainketa noiz atzeratuko ote den galdetuta, Montorok esan du "fakturen zirkuitu bat" sortu beharra dagoela, zerga-agentzien ordenagailuan egon behar duela horrek, eta horren ostean epea atzeratuko dela.
Zure interesekoa izan daiteke
Tubos Reunidosek enplegu-erregulazioko espediente bat proposatuko du Amurrio eta Trapagarango lantegietan
2025eko lehen seihilekoa 28,4 milioi euroko galerekin itxi zuen Tubos Reunidosek, muga-zergen politika tarteko. Ondorioz, 2025eko irailaren 1etik 2026ko otsailaren 2026ra aldi baterako enplegu-erregulazioko espedientea ezarri zuen Amurrioko lantegian.
Lanbide arteko gutxieneko soldata % 3,1 igotzea adostu du Espainiako Gobernuak CCOO eta UGT sindikatuekin
CEOE eta Cepyme patronalek ez dute igoera babestu. Lanbide arteko gutxieneko soldata hilean 1.221 eurokoa izango da (14 paga), 518 euro gehiago urtean, eta neurriak atzerako eragina izango du 2026ko urtarrilaren 1etik aurrera.
Traktoreak kalera atera dira gaur Bilbon, Iruñean eta Gasteizen, EBren eta Mercosurren arteko akordioaren aurka
Bilbon San Mameseko zabalgunean elkartu dira 10:00etan, Gasteizen 10:30ean irten dira Eusko Jaurlaritzaren egoitzatik, eta Iruñean manifestazioa egingo dute, 17:00etan, Baluarteko plazatik abiatuta.
Jose Antonio Jainagak Talgoren presidentetza hartu du Carlos Palacio ordezkatuta
Enpresaria Arabako konpainiako aholkularia zen euskal partzuergoak erosi zuenetik.
LABek grebara deitu ditu EAEko eskola publikoetako jangeletako langileak otsailaren 24, 25 eta 26rako
Hitzarmen esparru horretan gehiengoa duen sindikatua da LAB, eta gainerako sindikatuei dei egin die mobilizazioekin bat egin dezaten.
Bilbobusek tarifak eguneratuko ditu otsailaren 1etik aurrera, eta Barik txartelaz egindako bidaiak 0,73 euroan egongo dira
Prezio berriak indarrean sartutakoan, joanaldiko txartelaren prezioa 1,50 eurotik 1,70 eurora igoko da.
Alokairuak % 8,6 egin du behera eremu tentsionatutzat jotako udalerrietan Nafarroan
Erregulazio berriari esker, batez besteko prezioa 849 eurotik 775 eurora jaitsi da, eta ez du eskaintzan eraginik izan.
Alderdiek pentsioak "trukerako txanpon" gisa ez erabiltzea eskatu dute pentsiodunek PPren egoitzen atarian
Euskal Herriko Pentsiodunen Mugimenduak elkarretaratzeak deitu ditu Hegoaldeko hiriburuetan, "PP, Vox, Junts eta UPNk, eskuinak eta ultraeskuinak" pentsioak igotzeko dekretuari uko egiteagatik "haserre" daudela adierazteko. Izan ere, joan den asteartean, alderdi horiek eman zioten kontrako botoa Kongresuan aurtengo pentsioen igoera jasotzen zuen lege-dekretuari.
Lan-istripu kopurua % 6,4 jaitsi da Euskadin 2025ean, baina behargin gehiago hil dira ezbeharretan
Iaz 36.011 istripu izan ziren EAEn, 2024an baino ia 2.500 gutxiago, baina 30 langile hil ziren; aurreko urtean 27 behargin hil ziren.
Araba, Bizkaia eta Gipuzkoako taxilariak VTCen sektoreko "gehiegikerien" aurka mobilizatuko dira otsailaren 4an
Taxilarien Euskal Federazioak salatu duenez, Eusko Jaurlaritzak ez du alokairuko auto gidaridunekin ikuskaritzarik egiten, eta taxien sektoreak egin behar dituen kontrolen parekoak egin ditzaten eskatu dute.