Greba mugagabea hasi dute Tubos Reunidosek Amurrion duen lantegian, jarraipen osoarekin
Langile talde batek piketea egin du lantegiaren atarian. Sindikatuen arabera, grebaren jarraipena erabatekoa izaten ari da, eta soilik zerbitzu minimoetako beharginak joan dira lanera.
Tubos Reunidoseko langileen piketeak astelehen honetan, Amurrioko lantegiaren sarreran. Argazkia: EFE
Amurrioko Tubos Reunidoseko langileek greba mugagabea abiatu dute, lan-erregulazioko espedientea eta enpresak planteatutako gainerako neurriak gaitzesteko. Sindikatuetako iturrien arabera, ia langile guztiek egin dute bat grebarekin.
Greba mugagabea gaueko txandan hasi dute, ostiralean zuzendaritzarekin egindako bileran akordiorik gabe amaitu eta lan-erregulazioko espedientearen kontsulta-aldia bukatuta.
Greba erabateko jarraipena izaten ari da, zerbitzu minimoetako beharginak soilik sartu dira lan egitera, sindikatuen arabera.
Langile talde batek piketea egin du lantegiaren sarreran, eta goizean goiz A-625 errepidea itxi dute bi noranzkoetan, ia ordubetez.
Lan-erregulazioko espedienteak 274 pertsonari eragiten die Amurrioko lantegian, eta 27ri, Trapagarangoan.
Amurrioko Tubos Reunidoseko langileen batzordeko ELA, LAB eta ESK sindikatuen ordezkariek (CCOO eta UGT sindikatuek ez zuten bat egin) greba mugagabea deitzeko proposamena asanbladara eraman zuten aurreko asteazkenean, eta langileek babestu egin zuten.
Beharginek atzera bota nahi dute enpresaren erabakia, eta eragotzi egin nahi dute altzairutegia ixtea. Bideragarritasun plan bat martxan jarri eta "norabide bat" finkatuko duen akordio sozial bat landu beharko litzateke euren iritziz, inor "nahitaez kaleratu" gabe. Gainera, sindikatuek ez dute baztertu auzia judizializatzea.
Amurrioko Tubos Reunidos lantegiko beharginak, gaur goizean.
Hitzartutako kaleratzeak
Bestalde, Tximi Lopez Euskadiko UGTren arduradunak Radio Vitorian jakinarazi duenez, Amurrio eta Trapagarango 270-280 langile egon litezke zuzendaritzak eskainitako baldintzetan kaleratzeak onartzeko prest. Erregulazio espedientearen kontsulta epea ostiralean bukatu zen, baina enpresak gaurko 15:00ak arte eman zien beharginei hitzartutako kaleratze horietan izena emateko.
Orain konpainiari dagokio hurrengo pausoak zehaztea, kaleratze horiek onartzen dituen ala ez argitzea eta bestelako baldintzak ezartzea.
Enpresak dio lana erregulatzeko espedientea aplikatzea beste biderik ez dagoela, eta "egoera honen aurrean" dauden agertoki guztiak aztertu behar dituela.
Zuzendaritzak azpimarratu duenez, akordiorik ez lortzeak asko zaildu du Estatuko Industria Partaidetzarako Sozietatearekiko (SEPI) eta bestelako finantza erakundeekiko duten zorra berregituratzea eta finantzaketa bilatzea.
Zure interesekoa izan daiteke
Medikuek bosgarren greba asteari ekingo diote astelehen honetan, Estatutu Markoaren proiektuaren aurka
Uda epe konplexua dela eta, hau izango da oraingoz, lanuzteak egingo dituzten azken astea. Egoera konponduko ez balitz, baina, medikuek ez dute baztertzen irailetik aurrera greba mugagabera jotzea.
Osasun Ministerioari "ez entzutea" egotzi dio Martinezek, eta esan du Osakidetza guardien eredua aldatzeko prest dagoela
Medikuen bosgarren greba astearen atarian, Osasun sailburuak onartu du lanuzteek "eragin handia" izan dutela itxaron-zerrendetan, eta jakinarazi du dagoeneko 2.500 pertsona bideratu dituztela hitzartutako kliniketara ebakuntza egitera.
4.487 milioiko salmentak lortu zituen CAFek 2025ean, aurreko urtean baino % 7 gehiago
Larunbat honetan Beasainen egindako Akziodunen Batzar Nagusian eskainitako datuen arabera, 146 milioi euroko mozkin garbia lortu zuen konpainiak 2025ean, aurreko urtean baino % 42 gehiago.
Leire kasuan ikertu duten Jesus Perez Rodriguezek dimisioa eman du Tubos Reunidoseko kontseilari independente gisa
Enpresariak gutun baten bidez aurkeztu du bere borondatez kargugabetzea, bere martxa enpresaren hartzekodunen konkurtsoaren sarrerarekin lotuta, ikertu gisa duen egoera aipatu gabe.
Elon Musk munduko lehen bilioiduna da, SpaceX burtsara atera ondoren
Konpainiaren burtsako kapitalizazioa 2,2 bilioi dolar ingurukoa da. Horrela, Nvidia, Alphabet, Apple, Microsoft eta Amazonen atzetik, AEBko enpresa kotizatu handienen taldean sartu da.
Bizkaiko Foru Aldundiak bere zerga proposamen berria aurkeztu du: kenkariak gimnasioetan eta profesionalak erakartzeko pizgarriak
Foru Aldundiak Foru Arauaren aurreproiektu bat aurkeztu du, kenkari eta zerga pizgarri berriak jasotzen dituena.
Mercedesen Gasteizko lantegia aro elektrikoan sartu da VLE modeloarekin
Alemaniako konpainiak Arabako faktoria aukeratu du bere ibilgailu elektriko berriaren munduko ekoizpena hasteko. Enpresaren etorkizun industrialerako giltzarritzat jo du ibilgailu hori.
SpaceX burtsan kotizatzen hasiko da gaur, inoizko burtsa-irteerarik handienean
Elon Musken enpresa aeroespazialak ostiral honetan egingo du debuta Nasdaq indizean, SPCX etiketarekin eta titulu bakoitzeko 135 dolarreko prezioarekin. 555,6 milioi akzioko eskaintza publikoarekin 75.000 milioi dolar erakarriko ditu, eta inoizko merkaturatze handiena izango da.
Tubacexek aldi baterako lan-erregulazioa ezarriko du Araban, Ormuzko itxieraren ondorioengatik
Enpresak asteartean jakinaraziko die sindikatuei noiz hasiko den eta zenbat iraungo duen erregulazioak.
Euskadin eta Nafarroan egonkor jarraitzen du inflazioak, prezioen igoera arina egon den arren
Maiatzean, % 0,2 hazi da KPIa Euskadin eta % 0,1 Nafarroan, eta urtearteko tasa % 3,2an mantendu da bi erkidegoetan, INEk ostiral honetan argitaratutako datuen arabera.