Jaurlaritzak epaitegira joko du Konstituzionalaren erabakiaren aurka
Eusko Jaurlaritzak errekurtsoa aurkeztuko du Auzitegi Konstituzionalaren erabaki “harrigarriaren aurka”. Auzitegi horrek onartu egin du Espainiako Gobernuak EAEko funtzionarioen Gabonetako ordainsariaren aurka aurkeztutako helegitea aztertzea, eta, ondorioz, Jaurlaritzak ordainsaria ordaintzeko emandako agindua bertan behera geratu da, behin-behinean.
Konstituzionalaren erabakia ezagutu ondoren, Mendiak aurreratu du Jaurlaritzak helegitea aurkeztuko duela. Hala ere, Konstituzionalaren erabaki ofizialaren berririk ez dutela gaineratu du.
Horren berri jasotakoan, Jaurlaritzako zerbitzu juridikoek aukera guztiak aztertuko dituzte, Mendiaren hitzetan.
Konstituzionalaren erabakia ezagutu aurretik, Idoia Mendia jarduneko Eusko Jaurlaritzaren bozeramaileak esan du Patxi Lopezen Gobernuak egin dezakeen “gauza bakarra” EAEko funtzionarioei Gabonetako ordainsaria ordaintzea dela. Mendiaren hitzetan, ordainketa egiteko “tramite” guztiak bete ditu Jaurlaritzak.
Gobernu bileraren ondorengo agerraldian, Mendiak azpimarratu du Jaurlaritzak “arrazoia” daukala eta dagoeneko ordainketa egiteko agindua eman duela.
“Zuzenbidean oinarritutako arrazoiak eta segurtasun juridiko osoa daukagu”, adierazi du.
EAEko funtzionarioei Gabonetako ordainsaria ordaintzea Jaurlaritzak egin dezakeen gauza bakarra dela nabarmendu du Idoia Mendiak.
Zure interesekoa izan daiteke
Lanbide arteko gutxieneko soldata % 3,1 igotzea adostu du Espainiako Gobernuak CCOO eta UGT sindikatuekin
CEOE eta Cepyme patronalek ez dute igoera babestu. Lanbide arteko gutxieneko soldata hilean 1.221 eurokoa izango da (14 paga), 518 euro gehiago urtean, eta neurriak atzerako eragina izango du 2026ko urtarrilaren 1etik aurrera.
Traktoreak kalera atera dira gaur Bilbon, Iruñean eta Gasteizen, EBren eta Mercosurren arteko akordioaren aurka
Bilbon San Mameseko zabalgunean elkartu dira 10:00etan, Gasteizen 10:30ean irten dira Eusko Jaurlaritzaren egoitzatik, eta Iruñean manifestazioa egingo dute, 17:00etan, Baluarteko plazatik abiatuta.
Jose Antonio Jainagak Talgoren presidentetza hartu du Carlos Palacio ordezkatuta
Enpresaria Arabako konpainiako aholkularia zen euskal partzuergoak erosi zuenetik.
LABek grebara deitu ditu EAEko eskola publikoetako jangeletako langileak otsailaren 24, 25 eta 26rako
Hitzarmen esparru horretan gehiengoa duen sindikatua da LAB, eta gainerako sindikatuei dei egin die mobilizazioekin bat egin dezaten.
Bilbobusek tarifak eguneratuko ditu otsailaren 1etik aurrera, eta Barik txartelaz egindako bidaiak 0,73 euroan egongo dira
Prezio berriak indarrean sartutakoan, joanaldiko txartelaren prezioa 1,50 eurotik 1,70 eurora igoko da.
Alokairuak % 8,6 egin du behera eremu tentsionatutzat jotako udalerrietan Nafarroan
Erregulazio berriari esker, batez besteko prezioa 849 eurotik 775 eurora jaitsi da, eta ez du eskaintzan eraginik izan.
Alderdiek pentsioak "trukerako txanpon" gisa ez erabiltzea eskatu dute pentsiodunek PPren egoitzen atarian
Euskal Herriko Pentsiodunen Mugimenduak elkarretaratzeak deitu ditu Hegoaldeko hiriburuetan, "PP, Vox, Junts eta UPNk, eskuinak eta ultraeskuinak" pentsioak igotzeko dekretuari uko egiteagatik "haserre" daudela adierazteko. Izan ere, joan den asteartean, alderdi horiek eman zioten kontrako botoa Kongresuan aurtengo pentsioen igoera jasotzen zuen lege-dekretuari.
Lan-istripu kopurua % 6,4 jaitsi da Euskadin 2025ean, baina behargin gehiago hil dira ezbeharretan
Iaz 36.011 istripu izan ziren EAEn, 2024an baino ia 2.500 gutxiago, baina 30 langile hil ziren; aurreko urtean 27 behargin hil ziren.
Araba, Bizkaia eta Gipuzkoako taxilariak VTCen sektoreko "gehiegikerien" aurka mobilizatuko dira otsailaren 4an
Taxilarien Euskal Federazioak salatu duenez, Eusko Jaurlaritzak ez du alokairuko auto gidaridunekin ikuskaritzarik egiten, eta taxien sektoreak egin behar dituen kontrolen parekoak egin ditzaten eskatu dute.
Osakidetzak martxoan irekiko du hurrengo EPEan izena emateko epea, eta 5.425 plaza izango ditu
Azterketak 2026an zehar egingo dira, eta uda baino lehen hasiko dira hautagai gehien dituzten kategorietako probak.