Erreforma fiskala erakunde eta alderdiekin adostea eskatu du Bilbaok
Euskadiko fiskalitatearen erreforma EAEko alderdi politikoen eta erakundeen artean adostea defendatu du gaur Jose Luis Bilbao Bizkaiko diputatu nagusiak. Horrez gain, 2013. urteko diru-sarrerak aurreikusitakoaren gainetik egon daitezkeela aurreratu du Bilbaok.
Jose Luis Bilbao Iñigo Urkullu lehendakariarekin bildu da gaur goizean, iragan astean Euskal Autonomia Erkidegoko hiru diputatu nagusiekin hasitako bilera-sortaren baitan.
Euskadirako fiskalitate sistema berria erakunde eta alderdi politikoen artean adostea defendatu du Bilbaok. Horrez gain, etxebizitza erostearen truke Bizkaiko Foru Aldundiak onartuta diru-laguntza kentzea ez duela proposatuko azaldu du.
Ekarpen Legea eta Kupoaren Legea berrezartzea eskatu du Bilbaok, eta Kontzertu Ekonomikoaren Batzorde Mistoa biltzea proposatu du. Ildo honetan, Batzordeak Estatuarekin bildu behar duela ondorioztatu dute bi buruzagiek, finantza-fluxuan "geroz eta desadostasun" handiagoak daudelako.
Zergen arloan, Bizkaiko Foru Aldundia ondarearen gaineko zerga berria lantzen ari dela adierazi du. Pertsona Fisikoen Errentaren gaineko Zerga eta Elkarteen zerga berritzeko ere lanean ari direla azaldu du Bizkaiko diputatu nagusiak.
Bestalde, otsaileko Finantza Publikoen Euskal Kontseiluan 2013. urterako diru-sarreren aurreikuspenak berrikustea eskatuko duela iragarri du; izan ere, joan den urteko azken hilabeteetan zergen inguruko neurriak (besteak beste, enpresen balantzeen eguneratzeak, zerga energetikoak eta jokoaren zergak) indarrean sartuta, aldaketak egon daitezkeela esan du.
Enplegurako Funtsa
Urkulluk Enplegurako Elkartasun Funts bat eratzea proposatu duela iragarri du Bilbaok. Bertan, EAEko erakunde publiko guztiek hartuko lukete parte eta Bizkaiko ahaldun nagusiak bere adostasuna azaldu dio lehendakariari.
Horren hitzetan, otsaileko Finantza Publikoen Euskal Kontseiluaren bileran, funts horren eraketa eta finantziazioa zehaztu beharko da.
Bilera bukatutakoan, Josu Erkoreka Jaurlaritzako bozeramaileak esan du gaurko bilera "konstruktiboa" izan dela. Hemendik aurrera, erakunde guztietako ordezkariekin lantaldeak sortuko dituztela iragarri du, fiskalitateaz, ekonomiaz eta errekurtsoen erabileraz hitz egiteko.
Albiste gehiago ekonomia
Industriaren geldialdiak ekonomiaren hazkundea galarazten duela ohartarazi du Adegik
Fakturazioak eta eskariak ez omen dira hazten azken boladan. Enplegua ere gutxiago hazten ari da, eta Gipuzkoako enpresek uste dute laster batean hazkunde hori “zero" izango dela.
Euskadiko Medikuen Sindikatua kalera atera da Estatutu Markoaren zirriborroaren aurka
Lanuzteak bestelako jarraipena izan du EAEko hiru probintzietan: Bizkaian, profesionalen % 30ek egin dute greba; Gipuzkoan, % 26,89k; eta, Araban, % 16,52k, Osakidetzaren arabera. Arratsaldean, parte-hartzea % 10,33ra jaitsi da EAEn.
Jaurlaritzak bertan behera utzi du angula arrantzatzeko 2025-26ko kanpaina, espeziearen egoera "kritikoa" dela eta
Hainbat txostenen arabera, orain arte aplikatutako neurriek ez dute balio izan espeziearen egoera kritikoa lehengoratzeko, eta, horren aurrean, Arrantza Sailak espeziea berreskuratzeko neurriak indartzea erabaki du egoera atzeraezina izan baino lehen.
Medikuak kalera atera dira Estatutu Markoaren zirriborroaren aurka
Lan-baldintzak negoziatzeko mahai propioa exijitzen dute medikuek. "Guk diseinatu eta negoziatu nahi dugu, negoziazio-mahai horretan ordezkaritza ia nulua baitugu", adierazi du Ana Santorcuato Euskadiko Medikuen Sindikatuko ordezkariak.
Medikuak estatutu propioa eskatzeko greba egiten ari dira Estatu osoan
Osasun publikoko medikuek greba eguna dute gaur Estatu osoan. Euskadin, gainera, Euskadiko Medikuen Sindikatuak (SME) elkarretaratzeak deitu ditu hiru hiriburuetako ospitale eta anbulatorioetan.
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.