Akordiorik ez EAEko funtzio publikoko langileen baldintzen inguruan
Euskal Autonomia Erkidegoko funtzio publikoaren inguruan egindako bileran ez dute akordiorik lortu Eusko Jaurlaritzak eta sindikatuek. 70.000 langile publikoren lan baldintzak izan dituzte hizpide mahai gainean, Gasteizen. Sindikatuen arabera, alde biek "hitz egiteko borondatea izan dute", baina "oso ikuspuntu ezberdinak" mantendu dituzte.
Funtzio publikoko langileek ez dute murrizketarik onartu, eta are gutxiago lanaldia 37,5 ordura luzatzea. Sindikatuak ez daude prest astean 2,5 ordu gehiago egiteko, eta 9.000 lanpostu galduko liratekeela ohartarazi dute.
Andres Zearreta Funtzio Publikoko sailburuordea bildu da sindikatuen ordezkariekin Lakuan, besteak beste, Rajoyren Gobernuak onartutako dekretuak ezartzen duen ordutegi luzapena eztabaidatzeko.
Zearretak ''errealismoa'' eta ''Euskadik bizi duen egoera ekonomikoa larriaren aurrean egoerak eskatzen duen mailako erantzukizuna'' eskatu dizkie sindikatuei. Horren hitzetan, lanaldia handitzea ''arrazoizkoa eta onargarria'' da, ''kontuan izanda Estatutik datorren legediak urtean 1650 ordu ezartzen dituela''. Bilera bukatuta, sailburuordeak esan du elkarrizketarako prest dagoela.
Ramon Uriarte ELAko ordezkariaren hitzetan, Jaurlaritzak Rajoyren murrizketak ezartzeko, lanaldia luzatzeko eta aukera askeko egunak murrizteko ''asmo argia'' erakutsi du.
UGT sindikatuak ere Jaurlaritzak 35 orduko lan astea 37,5 ordura luzatu nahi izatea eta aukera askeko egunak murriztu nahi izatea kritikatu du, eta neurri horiekin 9.000 lanpostu gal daitezkeela ohartarazi du.
LAB sindikaturen hitzetan, bestalde, negoziazio mahaian eztabaidatzen diren gaiak ''blindatzen'' ez badira ''oso zaila'' izango da akordio bat negoziatzea.
CCOO sindikatuaren ustez, berriz, ''zaila izango da'' puntuak adostea, baina ''oraindik behin betiko erabakirik ez dagoela'' azpimarratu du. CCOOren hitzetan, negoziaziorako tartean dago.
Jaurlaritzaren eta ELA, CCOO, LAB eta UGT sindikatuen arteko bilerak ordu eta erdi iraun du, eta datorren ostegunean, otsailak 28, berriro bilduko dira.
Goizean, elkarretaratzea egin dute hainbat sindikatuk Eusko Jaurlaritzaren aurrean, zerbitzu publikoaren alde. Argi utzi nahi izan dute eurak ez direla "krisiaren errudun".
Albiste gehiago ekonomia
Industriaren geldialdiak ekonomiaren hazkundea galarazten duela ohartarazi du Adegik
Fakturazioak eta eskariak ez omen dira hazten azken boladan. Enplegua ere gutxiago hazten ari da, eta Gipuzkoako enpresek uste dute laster batean hazkunde hori “zero" izango dela.
Euskadiko Medikuen Sindikatua kalera atera da Estatutu Markoaren zirriborroaren aurka
Lanuzteak bestelako jarraipena izan du EAEko hiru probintzietan: Bizkaian, profesionalen % 30ek egin dute greba; Gipuzkoan, % 26,89k; eta, Araban, % 16,52k, Osakidetzaren arabera. Arratsaldean, parte-hartzea % 10,33ra jaitsi da EAEn.
Jaurlaritzak bertan behera utzi du angula arrantzatzeko 2025-26ko kanpaina, espeziearen egoera "kritikoa" dela eta
Hainbat txostenen arabera, orain arte aplikatutako neurriek ez dute balio izan espeziearen egoera kritikoa lehengoratzeko, eta, horren aurrean, Arrantza Sailak espeziea berreskuratzeko neurriak indartzea erabaki du egoera atzeraezina izan baino lehen.
Medikuak kalera atera dira Estatutu Markoaren zirriborroaren aurka
Lan-baldintzak negoziatzeko mahai propioa exijitzen dute medikuek. "Guk diseinatu eta negoziatu nahi dugu, negoziazio-mahai horretan ordezkaritza ia nulua baitugu", adierazi du Ana Santorcuato Euskadiko Medikuen Sindikatuko ordezkariak.
Medikuak estatutu propioa eskatzeko greba egiten ari dira Estatu osoan
Osasun publikoko medikuek greba eguna dute gaur Estatu osoan. Euskadin, gainera, Euskadiko Medikuen Sindikatuak (SME) elkarretaratzeak deitu ditu hiru hiriburuetako ospitale eta anbulatorioetan.
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.