Jaurlaritzak funtzionarioen lanaldia luzatuko du
Eusko Jaurlaritzak Administrazio publikoko 70.000 langileen lanaldia luzatuko du, eta urtean 1.592 ordu lan egin beharrean, 1.614,5 ordu lan egin beharko dituzte langile publikoek.
Jaurlaritzako ordezkariek eta ELA, LAB, CCOO eta UGT sindikatuek bilera egin dute Funtzio Publikoaren Mahaian, eta bilera akordiorik gabe amaitu da eguerdian.
Jaurlaritzak agiri batean azaldu duenez, sindikatuak "elkarrizketarako prest" agertu dira, baina ez da bilera gehiago egongo eta datorren asteko gobernu-bileran onartuko du Jaurlaritzak funtzionarioei eragiten dien neurri-sorta, lanaldia 22,5 ordu luzatzea, besteak beste.
Hori horrela, langile publikoen lanaldi berria 1.614,5 ordukoa izango da, eta amaitu egingo da 35 orduko lanastea.
Hala ere, EAEn "lan-baldintza onenak" izango dituzten langileak izango direla azpimarratu du Iñigo Urkullu buru duen Jaurlaritzak.
Bajak
Era berean, aldaketak iragarri dituzte behin behineko ezintasunengatik lan egin ezin dutenentzat. Hori horrela, langileek soldataren erdia jasoko dute lehenengo hiru egunetan, % 75a laugarren egunetik hogeigarrenera, eta 21.etik aurrera soldata osoa jasoko dute.
Familia eta lana uztartzeko neurriak
Lana eta familia uztartzeko neurriei dagokienez, urteko zortzi ordu emango dituzte 12 urtetik beherako haurrak dituztenei.
Era berean, araudi berria onartuko dute langile publikoek gaixotasun larriak dituzten haurrak zaintzeko eta telelanaren aukera aurten bertan ezartzen saiatuko dira, entseguetan emaitza onak lortu ostean.
Enpleguari eutsi
Bestalde, enplegu publikoari eusteko eta zerbitzuak kanpoan ez kontratatzeko konpromisoa hartu du Iñigo Urkulluren Jaurlaritzak.
Martxoak 5
Neurri horiek guztiak martxoaren 5ean onartuko dituzte, datorren asteartean, "berehala indarrean jartzeko".
Azkenik, 2013ko lan-hitzarmenak negoziatzeko eskaintza egin die Jaurlaritzak sindikatuei, luzapen egoeran baitaude momentu honetan.
Sindikatuen erreakzioa
Agiri batean, ELAk Eusko Jaurlaritzaren "murrizketa politikaren aldeko apustua" salatu du, eta horretarako Espainiako Gobernuaren dekretuak aprobetxatu dituela.
Sindikatuak 35 orduko lanastea aldarrikatu du, "lorpena" izan baitzen langileentzat, eta EAJren aldeko botoekin onartu zelako 2000. urtean.
Itxaso Ortegak (LAB) esan du ez dutela "etsiko", nahiz eta aitortu Eusko Jaurlaritzak atzera egitea "zaila" izango dela.
35 orduko lanastea "ezinbestekoa" omen da enpleguari eusteko eta funtzionarioei lan gehiegi ez emateko.
UGTren aldetik, Funtzio Publikoaren Mahaia "itxurakeria" besterik ez dela izan eta "murrizketak inposatzen eta enplegu publikoa suntsitzen" aritzea leporatu dio Jaurlaritzari.
Albiste gehiago ekonomia
Industriaren geldialdiak ekonomiaren hazkundea galarazten duela ohartarazi du Adegik
Fakturazioak eta eskariak ez omen dira hazten azken boladan. Enplegua ere gutxiago hazten ari da, eta Gipuzkoako enpresek uste dute laster batean hazkunde hori “zero" izango dela.
Euskadiko Medikuen Sindikatua kalera atera da Estatutu Markoaren zirriborroaren aurka
Lanuzteak bestelako jarraipena izan du EAEko hiru probintzietan: Bizkaian, profesionalen % 30ek egin dute greba; Gipuzkoan, % 26,89k; eta, Araban, % 16,52k, Osakidetzaren arabera. Arratsaldean, parte-hartzea % 10,33ra jaitsi da EAEn.
Jaurlaritzak bertan behera utzi du angula arrantzatzeko 2025-26ko kanpaina, espeziearen egoera "kritikoa" dela eta
Hainbat txostenen arabera, orain arte aplikatutako neurriek ez dute balio izan espeziearen egoera kritikoa lehengoratzeko, eta, horren aurrean, Arrantza Sailak espeziea berreskuratzeko neurriak indartzea erabaki du egoera atzeraezina izan baino lehen.
Medikuak kalera atera dira Estatutu Markoaren zirriborroaren aurka
Lan-baldintzak negoziatzeko mahai propioa exijitzen dute medikuek. "Guk diseinatu eta negoziatu nahi dugu, negoziazio-mahai horretan ordezkaritza ia nulua baitugu", adierazi du Ana Santorcuato Euskadiko Medikuen Sindikatuko ordezkariak.
Medikuak estatutu propioa eskatzeko greba egiten ari dira Estatu osoan
Osasun publikoko medikuek greba eguna dute gaur Estatu osoan. Euskadin, gainera, Euskadiko Medikuen Sindikatuak (SME) elkarretaratzeak deitu ditu hiru hiriburuetako ospitale eta anbulatorioetan.
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.