Erkorekak aitortu du lanaldia luzatzeak albo kalteak eragingo dituela
Josu Erkoreka Eusko Jaurlaritzaren bozeramaileak adierazi duenez, Iñigo Urkullu buru duen Jaurlaritzak enplegu publikoari eusteko konpromisoari eusten dio, funtzionarioen urteko lanaldia luzatu arren. Hala ere, neurri horrek Osakidetzan, adibidez, eragina izango duela aitortu du, izan ere, behin behineko langileen kontratazioa murriztuko dela jakinarazi du.
Eusko Jaurlaritzaren Gobernu Kontseiluak Administrazio Publikoko langileen lanaldia luzatzeko dekretua onartu du gaur, eta urteko 1.614,5 ordu lan egin beharko dituzte, lehenago baina 20 bat gehiago.
Erkorekak Gobernu-bileraren ondoren emandako prentsaurrekoan azaldu duenez, dekretua "beharrezko izapidea" zen Eusko Jaurlaritzak datorren astean Aurrekontuen aurreproiektua onartzeko, "Jaurlaritzak Legebiltzarrean aurkeztuko dituen Aurrekontuen proiektuan langile publikoei dagozkien kontu ekonomikoak eguneratuta egon daitezen".
Bozeramailearen esanetan, "hemendik aurrera, sektoreka negoziatuko da dekretua, dagokion mahai sektorialetan, eta hor zehaztuko dira sektore bakoitzaren baldintzak dekretuan oinarrituta"
Hala ere, Erkorekak berretsi du "enplegu publikoari eusteko konpromisoa" izaten jarraitzen duela "zerbitzu sozialei eusteko, osasunean, hezkuntzan eta babes sozialean".
Hezkuntza
Bestalde, lanaldiaren luzapenak Hezkuntzan "oso eragin txikia" izango duela azpimarratu du Erkorekak, izan ere, "lanaldiaren parametroak oso desberdinak dira" sektore horretan.
Zehaztu duenez, dekretuak "langile publiko guztiei eragingo die EAEko Administrazio orokorraren testuinguruan, baina lanaldia eta ordutegiak zehazten direnean, Hezkuntzan eragin txikia izango du".
Osakidetza
Osakidetzan, berriz, "eragina zian dezake behin behineko egoeran dauden langileei, kanpoan geratu bailitezke".
Aurrekontuak
2013. urterako Aurrekontuen inguruan, Josu Erkoreka Jaurlaritzako bozeramaileak uste du beste alderdiekin akordiora iristea "posiblea dela", proiektuaren "apustu soziala ukaezina delako". Ildo horretan, Jaurlaritzak martxoaren 12an onartuko dituen Aurrekontuen bi heren gizarte politiketarako direla ziurtatu du.
Aurrekontuei osoko zuzenketak aurkezteko erabakia "alderdi bakoitzarena" dela esan du Erkorekak. "Bakoitzak egoera politikoaren, Aurrekontuei ematen dien garrantziaren eta Kontu Publikoei bere planteamenduak sartzeko dituen pertzepzioen baitan hartu beharreko erabaki askea da".
Albiste gehiago ekonomia
Industriaren geldialdiak ekonomiaren hazkundea galarazten duela ohartarazi du Adegik
Fakturazioak eta eskariak ez omen dira hazten azken boladan. Enplegua ere gutxiago hazten ari da, eta Gipuzkoako enpresek uste dute laster batean hazkunde hori “zero" izango dela.
Euskadiko Medikuen Sindikatua kalera atera da Estatutu Markoaren zirriborroaren aurka
Lanuzteak bestelako jarraipena izan du EAEko hiru probintzietan: Bizkaian, profesionalen % 30ek egin dute greba; Gipuzkoan, % 26,89k; eta, Araban, % 16,52k, Osakidetzaren arabera. Arratsaldean, parte-hartzea % 10,33ra jaitsi da EAEn.
Jaurlaritzak bertan behera utzi du angula arrantzatzeko 2025-26ko kanpaina, espeziearen egoera "kritikoa" dela eta
Hainbat txostenen arabera, orain arte aplikatutako neurriek ez dute balio izan espeziearen egoera kritikoa lehengoratzeko, eta, horren aurrean, Arrantza Sailak espeziea berreskuratzeko neurriak indartzea erabaki du egoera atzeraezina izan baino lehen.
Medikuak kalera atera dira Estatutu Markoaren zirriborroaren aurka
Lan-baldintzak negoziatzeko mahai propioa exijitzen dute medikuek. "Guk diseinatu eta negoziatu nahi dugu, negoziazio-mahai horretan ordezkaritza ia nulua baitugu", adierazi du Ana Santorcuato Euskadiko Medikuen Sindikatuko ordezkariak.
Medikuak estatutu propioa eskatzeko greba egiten ari dira Estatu osoan
Osasun publikoko medikuek greba eguna dute gaur Estatu osoan. Euskadin, gainera, Euskadiko Medikuen Sindikatuak (SME) elkarretaratzeak deitu ditu hiru hiriburuetako ospitale eta anbulatorioetan.
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.