'Ordezkorik ez duen aurrekontu soziala' da, Urkulluren esanetan
Iñigo Urkullu lehendakariak "errealistak" izateko deia egin die oposizioko alderdi politikoei eta Jaurlaritzak prestatu dituen Aurrekontuak onartzeko eskatu die, aurrekontu "sozialak, beharrezkoak eta ezinbestekoak" direlako, eta ordezkorik ez dutela iritzita.
Urkulluk agerraldia egin du Ricardo Gatzagaetxeberria Ogasun eta Finantza sailburuarekin batera Jaurlaritzak onartu duen 9.316,7 milioi euroko aurrekontu proiektua aurkezteko.
Lehendakariak azaldu duenez, "ez da lan erraza izan" aurrekontuen proiektua osatzea, diru-sarrerak murriztu direlako eta % 0,7ko defizit muga dutelako.
Era berean, Jaurlaritzan "beste edonork aginduta ere" gasturako baliabide berberak, "ez gehiago ez gutxiago", izango lituzkeela azpimarratu du.
Hori horrela, eta Jaurlaritzak eskura duen dirua soilik gastatuko duela zehaztu ondoren, lehentasuna osasun, hezkuntza eta babes sozialeko oinarrizko zerbitzuak bermatzea izango dela azpimarratu du, eta horretarako, beste alor batzuetan "sakrifizioak" egin behar izan dituztela.
"Euskadiren etorkizuna bermatzen"
"Urte gogorra eta mingarria izango da. Horri esker oinarrizko zerbitzu publikoen eta Euskadiren etorkizuna bermatzen ari gara. Aurrekontu hau beharrezkoa da. Ezinbestekoa esango nuke. 2013 zail hau igaroko dugu eta argia bilatuko dugu 2014an", ohartarazi du.
Era berean, Aurrekontuak Legebiltzarraren oniritzia jaso dezan ahal duen guztia egingo duela hitzeman du lehendakariak. Ostegunean eramango dute proiektua Gasteizko Ganberara eta oraingoz ez dute babes nahikorik aurrera ateratzeko.
Horren harira, oposizioko alderdiei aurrekontu hobeak badituzte aurkezteko deia egin die, nahiz eta pentsatu "ordezkorik ez duen aurrekontu soziala" dela aurkeztu dutena.
Normalean sailburuek egiten badute ere, Urkulluk azaldu nahi izan du Eusko Jaurlaritzaren 2013rako Aurrekontu proiektua, izan ere, "egoera zail eta larrietan, gizarteak agintari politiko gorenen azalpen zuzenak merezi dituzte".
Albiste gehiago ekonomia
Industriaren geldialdiak ekonomiaren hazkundea galarazten duela ohartarazi du Adegik
Fakturazioak eta eskariak ez omen dira hazten azken boladan. Enplegua ere gutxiago hazten ari da, eta Gipuzkoako enpresek uste dute laster batean hazkunde hori “zero" izango dela.
Euskadiko Medikuen Sindikatua kalera atera da Estatutu Markoaren zirriborroaren aurka
Lanuzteak bestelako jarraipena izan du EAEko hiru probintzietan: Bizkaian, profesionalen % 30ek egin dute greba; Gipuzkoan, % 26,89k; eta, Araban, % 16,52k, Osakidetzaren arabera. Arratsaldean, parte-hartzea % 10,33ra jaitsi da EAEn.
Jaurlaritzak bertan behera utzi du angula arrantzatzeko 2025-26ko kanpaina, espeziearen egoera "kritikoa" dela eta
Hainbat txostenen arabera, orain arte aplikatutako neurriek ez dute balio izan espeziearen egoera kritikoa lehengoratzeko, eta, horren aurrean, Arrantza Sailak espeziea berreskuratzeko neurriak indartzea erabaki du egoera atzeraezina izan baino lehen.
Medikuak kalera atera dira Estatutu Markoaren zirriborroaren aurka
Lan-baldintzak negoziatzeko mahai propioa exijitzen dute medikuek. "Guk diseinatu eta negoziatu nahi dugu, negoziazio-mahai horretan ordezkaritza ia nulua baitugu", adierazi du Ana Santorcuato Euskadiko Medikuen Sindikatuko ordezkariak.
Medikuak estatutu propioa eskatzeko greba egiten ari dira Estatu osoan
Osasun publikoko medikuek greba eguna dute gaur Estatu osoan. Euskadin, gainera, Euskadiko Medikuen Sindikatuak (SME) elkarretaratzeak deitu ditu hiru hiriburuetako ospitale eta anbulatorioetan.
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.