Jaurlaritzak 12.000 enplegu sortzen lagunduko du aurten
Eusko Jaurlaritzak enplegua sustatzeko programa aurkeztu du gaur, eta aurten 1.014 milioi euro publiko eta pribatu bideratuko ditu 12.711 enplegu sortzeko eta enplegua lortzeko zailtasunak dituzten pertsonei lan munduan sartzen laguntzeko. Aurten lanpostuak sustatzeko erabiliko duten diru kopuru horretatik, 281 milioi publikoak izango dira eta 733 milioi, pribatuak.
Iñigo Urkullu lehendakariak aurkeztu du Eusko Jaurlaritzaren Enplegua Sustatzeko Programa. Urkulluk adierazi duenez, proposamen "irekia" eta "malgua" da, eta aldundiei, sindikatuei eta Confebaski helarazi die. Lanpostuen desagerpenari "eusteko" balio izatea espero du Jaurlaritzak, izan ere, aurten 19.000 lanpostu desagertuko direla aurreikusi dute.
Besteak beste, aurten 12.711 enpleguren sorkuntza sustatzea da egitasmoaren helburuetako bat. Hori horrela, autonomo berriei eta enpresa txikiei esker 4.094 lanpostu berri sortu nahi dituzte, 4.974 lanpostu lan munduan sartzeko zailtasunak dituztenentzat eta 3.643 errehabilitazio jardueran dauden pertsonentzat.
Gainera, enpresa txiki eta ertainetan 42.185 lanposturi eustea izango da beste helburuetako bat. Horietako 32.975 lanposturi eusteko, 1.840 autonomo eta enpresa txiki eta ertaini finantzatzeko babesa emango diete.
Enplegu planaren epe osoan (2013-2016) 44.000 lanpostu sortzen eta 112.000 lanposturi eusten laguntzea da asmoa.
Jaurlaritzak egitasmora bideratuko dituen 281 milioi euroetatik 117, partida handiena, enpleguan formazioa sustatzera bideratuko dute, eta Lanbideren aurrekontuaren barruan kokatzen da.
Berrikuntza gisa, 35 milioi euroko elkartasun funtsa eratuko da, lan-esperientziarik ez duten 4.200 gazte (10,5 milioi euro), gizarte laguntzak jasotzen dituzten 3.500 lagun eta iraupen luzeko langabeak kontratatzeko (24,5 milioi euro).
Era berean, euskal enpresen finantziazio arazoak konpontzeko 600 milioi euro bideratuko dira.
Bestalde, gazteen enplegua sustatzeko neurri bereziak ere egingo dira. Hori horrela, ekintzaile gazteei bekak emango dizkiete: 500 euro hilean hiru hilabetez bideragarritasun azterketak egiteko (200 beka) eta beka kooperatiboak, unibertsitateetako ikasleentzako.
Zure interesekoa izan daiteke
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarri ezkero, haragiaren balio ekonomikoan eragina izango lukeelakoan. Alabaina, kasu bakar bat agertzekotan, etxaldeko abelburu guztiak sakrifikatzea eragingo luke.
Sindikatu medikuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio berriak iragarri dituzte.
?fmt=webp-alpha&qlt=80)
Nekazarien protestek Ipar Euskal Herrian eta Frantzia osoan jarraitzen dute dermatitis nodularragatik eta Mercosurren itunaren aurka
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egiteko eta zerbitzua eskaintzeko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri ausardia eskatu dio EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".
Martxoan hasiko dira Ertzaintzako lan-eskaintza publikoko azterketak, 150 plaza betetzeko
Probak plantilla indartzeko eta agenteen defizita estaltzeko planaren barruan sartzen dira.
Talgoren egoitza soziala eta fiskala Gasteizera itzuli da
Euskal partzuergoak (Sidenor, Finkatuz —Eusko Jaurlaritza— eta Vital) eta SEPI Industria Partaidetzarako Espainiako Gobernuaren menpeko sozietate publikoak egin dute horren alde. Halaber, taldearen egoitza soziala eta fiskala Ribabellosara (Araba) itzuliko da.
Unai Rementeria, BBK Fundazioaren presidente berria, Xabier Sagredoren ordez
Erakundearen Patronatua asteazken honetan bildu da, Bilbon, erabakia berresteko, ohar bidez jakinarazi duenez.
Aldundiak eta Eusko Jaurlaritzak eutsi egingo diote Urdaibain 300 milioi inbertitzeko planari
Aldundia, Jaurlaritzarekin batera eta "20 udalekin batera", uztailetik ari da "enpresen lehiakortasuna" bultzatzeko plana ezartzen, lurzoru industriala sortzeko, lanbide-heziketa indartzeko, eskualdean egon ohi diren sektore ekonomikoen indarguneei balioa emateko neurriak hartzeko eta horien inguruan jarduera berriak sortzen saiatzeko.
Pentsiodunen mugimendua 24 orduko itxialdi bat egiten ari da Gasteizen, ostegun honetako manifestazioen atarian
50 pentsiodun inguru 24 orduko itxialdi bat egiten ari dira Gasteizko Koroatzearen elizan. Bihar, itxialdia bukatuta, manifestazioa egingo dute Arabako hiriburuan, Lanbidearteko Gutxieneko Soldatarekin parekatutako gutxieneko pentsioen osagarri bat aldarrikatzeko. Iruñean ere deituta dago manifestazioa.