Jaurlaritzak hartu-emanak areagotuko ditu, Aurrekontuak adosteko
Josu Erkoreka bozeramaileak azaldu duenez, Eusko Jaurlaritzak hartu-emanak areagotuko ditu hurrengo egunetan, Eusko Legebiltzarra 2013. urterako Aurrekontu lege-proiektua izapidetzen hasi arte, gainerako talde parlamentarioekin akordioa lortzen saiatzeko.
Halaber, negoziazioan, Gasteizko Gobernuak "guztiei", EH Bilduri barne, luzatuko diela eskua gaineratu du.
Asteroko Gobernu bileraren ostean egindako prentsaurrekoan, Erkoreka "itxaropentsu" agertu da, eta taldeen jokaera "errealista, eraikitzailea eta orekatua" izatea espero duela nabarmendu du.
Horren ildotik, Exekutiboa alderdien "ekarpenak, ulergarritasuna eta babesa" lortzen saiatuko dela esan du, baina, horretarako, "zehaztasuna" ere eskatu die.
Defizit helburua
Aurtengo defizit helburuari dagokienez, leuntzea "ondo" egongo litzatekeela adierazi du Erkorekak. Hori horrela, iazko berbera (% 1,5) izatea proposatu du, zorpetzeko ahalmena bi aldiz handiagoa izango litzatekeelako.
Bozeramailearen esanetan, Jaurlaritzak eta Espainiako Gobernuak oraindik ez dute datarik jarri Kontzertuaren batzorde mistoa biltzeko.
Nolanahi ere, bilera horretara defizit helburua "leuntzeko" "proposamen zehatza" eramango dutela aurreratu du.
Bake lantaldea
Bestalde, apirilaren 11n EAJk, EH Bilduk, PSE-EEk eta PPk Eusko Legebiltzarrean bake eta bizikidetza lantaldea sortuko balute, "aurrekaririk gabeko lorpena" izango litzatekeela uste du Erkorekak.
Horrenbestez, Eusko Jaurlaritzak lantaldea "babestu eta txalotu" egingo lukeela azpimarratu du.
Zure interesekoa izan daiteke
Tubos Reunidos: Trumpen muga-zergek bultzatutako krisiaren gakoak
Konpainiak produkzioaren % 40 galdu du, bere merkatu nagusia (% 45eko kuota) AEB baita. Txerra Molinuevo Amurrioko alkatea zuhur bezain kezkatuta agertu da, "Tubos Reunidos motor ekonomikoa baita eskualde osoan".
Nafarroako Volkswagenek ohartarazi du 93 langile finko egiteak lan-erregulazioko espediente batean amaitu dezakeela
Enpresak "legezkotasuna zorrotz beteko" duela ziurtatu dio batzordeari bilera batean, Lan Ikuskaritzak behin-behineko 93 langile finko egitea agindu ostean. Sindikatuek akordiorako proposamena egin dute.
32 urteko langile bat hil da Zumaiako enpresa batean, pieza handi batek jota
Estaños Matiena enpresan jazo da ezbeharra, LAB sindikatuak jakinarazi duenez. Enpresa horrek hainbat salaketa zituen prebentzio-araudia ez betetzeagatik, sindikatuak salatu duenez.
UGT, CC. OO. eta USO sindikatuek akordioa sinatu dute Arabako garbiketa-hitzarmenerako
ELA eta LAB sindikatuek, aldiz, baztertu egin dute aurreakordioa, "amore ematea" delakoan, eta "atzerakada nabarmena" dakarrela iritzita. Uste dute "langileak erosteko ahalmena galtzeko arriskuan" egongo direla, "azken bost urteetan gertatu den bezala".
Tubos Reunidosek enplegu-erregulazioko espediente bat proposatuko du Amurrio eta Trapagarango lantegietan
Tubos Reunidoseko zuzendaritza bi lantegietako enpresa-batzordeekin bildu da gaur goizean, lan-erregulazioko espedientea iragarri ondoren. Sindikatuetako iturrien arabera, bileran, zuzendaritzak planteatuko dituzten neurriak aurkeztu ditu. Kontsulta aldiak, paraleloak eta bi lantegietarako, otsailaren 9an hasiko dira, eta asmoa da negoziazioa bi enpresa batzordeekin negoziazio mahai bakar batean garatzea.
EAEn batez besteko soldata % 3,6 haziko da 2026an, KPIaren gainetik beste urte batez
LKS Nextek egindako ikerketa baten arabera, profil profesional teknikoak, industrialak, digitalak eta AAri eta datuen analisiari lotutakoak dira gehien behar direnak.
KPIa bost hamarren moteldu da espainiar estatuan urtarrilean, % 2,4raino
Hiru hilabetez jarraian jaitsi da KPIa, 2025eko urrian azken 16 hilabeteetan izandako igoerarik handiena ( % 3,1) jasan ostean.
Lanbide arteko gutxieneko soldata % 3,1 igotzea adostu du Espainiako Gobernuak CCOO eta UGT sindikatuekin
CEOE eta Cepyme patronalek ez dute igoera babestu. Lanbide arteko gutxieneko soldata hilean 1.221 eurokoa izango da (14 paga), 518 euro gehiago urtean, eta neurriak atzerako eragina izango du 2026ko urtarrilaren 1etik aurrera.
Traktoreak kalera atera dira gaur Bilbon, Iruñean eta Gasteizen, EBren eta Mercosurren arteko akordioaren aurka
Bilbon San Mameseko zabalgunean elkartu dira 10:00etan, Gasteizen 10:30ean irten dira Eusko Jaurlaritzaren egoitzatik, eta Iruñean manifestazioa egingo dute, 17:00etan, Baluarteko plazatik abiatuta.
Jose Antonio Jainagak Talgoren presidentetza hartu du Carlos Palacio ordezkatuta
Enpresaria Arabako konpainiako aholkularia zen euskal partzuergoak erosi zuenetik.