37.000 gaztek galdu dute lana Euskadin krisia hasi zenetik
Gazteen 37.100 lanpostu galdu dira Euskadin; hau da, 2007an krisia hasi zenetik gazteen lanpostuen % 55,8 galdu dira gurean. Hala ere, Estatuan EAEn galdu dira erritmo motelenean gazteen lanpostuak, nahiz eta azken urtean erritmoa bizkortu den.
Datu horiek Asempleo enplegu enpresen elkarteak 25 urtetik beherako gazteen lan-egoera aztertzeko egindako ikerketan ageri dira. Horren arabera, Estatu osoan, 850.000 gaztek galdu dute lanpostua krisia hasi zenetik.
Gaur egun, Euskadin, 25 urtetik beherako 29.400 gaztek dute lana, baina 2007an, krisia hasi zenean, 66.500 gaztek zuten. Hortaz, 37.100 lanpostu desagertu dira; gazteen lanpostuen % 55,8, hain zuzen. Estatuan, berriz, batez beste, gazteen lanpostuen % 63,8 galdu dira. Hala, txostenaren datuen arabera, Euskadin galdu dira erritmo motelenean gazteen lanpostuak, nahiz eta azken urtean lanpostuen % 24,4 desagertu diren.
Gainera, lanpostu bat bilatzen duten gazteen kopurua murriztu egin da Euskal Autonomia Erkidegoan. Krisia hasi zenetik, % 31,1ek utzi diote bilatzeari, hau da, 25 urtetik beherako hamar gaztetik hiruk.
Krisia hasi zenetik, gazte langabeen kopurua bikoiztu egin da: 2007an 12.500 langabe izatetik, 2012an 25.000 izatera igaro da. Hala, 25 urtetik beherakoen langabezia-tasa EAEn % 46koa da; Estatuan baino baxuagoa (% 55,1).
Txostenaren arabera, lan egiteko adinean kide bat gutxienez duten Euskadiko familien % 8,9k kide guztiak langabezian dituzte. Estatuan, berriz, batez beste familien % 14,2 daude egoera horretan.
Gainera, Euskadin azken urtean lanpostu publikoak sortu (3.500 lanpostu gehiago; % 2,5 hazi dira) eta lanpostu pribatuak desagertu dira (57.900 lanpostu gutxiago, % 9,2 gutxitu dira). Bestalde, urtebete gutxienez langabezian eman duten langabeak guztien % 54,4 dira; Estatuan, berriz, iraupen luzeko langabeak guztien % 55 dira.
Albiste gehiago ekonomia
Euskadiko Medikuen Sindikatua kalera atera da Estatutu Markoaren zirriborroaren aurka
Lanuzteak bestelako jarraipena izan du EAEko hiru probintzietan: Bizkaian, profesionalen % 30ek egin dute greba; Gipuzkoan, % 26,89k; eta, Araban, % 16,52k, Osakidetzaren arabera. Arratsaldean, parte-hartzea % 10,33ra jaitsi da EAEn.
Jaurlaritzak bertan behera utzi du angula arrantzatzeko 2025-26ko kanpaina, espeziearen egoera "kritikoa" dela eta
Hainbat txostenen arabera, orain arte aplikatutako neurriek ez dute balio izan espeziearen egoera kritikoa lehengoratzeko, eta, horren aurrean, Arrantza Sailak espeziea berreskuratzeko neurriak indartzea erabaki du egoera atzeraezina izan baino lehen.
Medikuak kalera atera dira Estatutu Markoaren zirriborroaren aurka
Lan-baldintzak negoziatzeko mahai propioa exijitzen dute medikuek. "Guk diseinatu eta negoziatu nahi dugu, negoziazio-mahai horretan ordezkaritza ia nulua baitugu", adierazi du Ana Santorcuato Euskadiko Medikuen Sindikatuko ordezkariak.
Medikuak estatutu propioa eskatzeko greba egiten ari dira Estatu osoan
Osasun publikoko medikuek greba eguna dute gaur Estatu osoan. Euskadin, gainera, Euskadiko Medikuen Sindikatuak (SME) elkarretaratzeak deitu ditu hiru hiriburuetako ospitale eta anbulatorioetan.
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.
Mitxel Lakuntzaren arabera, CAFek Jerusalemen duen proiektua "ez da erabakigarria" enpresaren etorkizuna bermatzeko
ELAren idazkari nagusiak dioenez, "CAFek badaki tren hori hasieratik dela ilegala", eta proiektua babesteko eta "ilegalitatearekin jarritzeko argudio gisa darabilen txostena" egin duten adituak zeintzuk diren argitzeko eskatu dio enpresari. Euskadi Irratiko Faktorian hitz egin du asteazken goizean horren eta beste hainbat gairen inguruan.