Aurrekontuak zenbait baldintzapean adosteko prest agertu da PP
2013ko Aurrekontuak onartzeko akordioa lortu nahi baldin badu ''bere gogo nazionalistak apaldu'' behar dituela ohartarazi dio Anton Damborenea PPko legebiltzarkideak Eusko Jaurlaritzari.
Ricardo Gatzagaetxebarria Jaurlaritzako Ogasun sailburuarekin bilera egin du PPk astearte honetan, eta Aurrekontuak zenbait baldintzaren menpe adosteko asmoa agertu dio Alderdi Popularrak Jaurlaritzari. Hala, Damborenearen hitzetan, ''lehentasunen artean Euskadiko herritarren beharrak asetzea dituen Aurrekontu erreal bat'' negoziatzeko prest dago PP, ''eta ez beste toki batzuetako beste inoren gastuak asetzeko Kontuak''.
"Argi utzi diegu ulertzen dugula Jaurlaritzak diru-sarrera gutxiago duela, baina ezin dugu ulertu Euskaditik kanpoko gasturik egotea'', gaineratu du. Ildo horretan, Damborenean esan du PPk ezin duela ulertu Jaurlaritzak ''sasienbaxadak edo Frantzian ikastola deitu nahi dituzten ikastetxe publikoak finantzatzea, hemen beharrezkoa dena enplegua sustatzea eta bultzatzea denean''. ''Ez da onargarria ezertarako balio ez duten enbaxadetan eta Iparraldeko ikastetxe publikoetan dirua inbertitzea, ezta funtzionarioak euskalduntzeko hamar milioi bideratzea ere, diru hori mediku eta erizainen zerbitzuetan murrizketak ekiditera bidera daitekeenean'', gaineratu du.
Proposamena aztertuko dutela eta ''akordiorako aukera'' ikusten dutela esan die Jaurlaritzak, Damborenearen hitzetan, eta datorren astean erantzungo diete, PPko ordezkariak aurreratu duenez.
Edonola ere, PPko kideek uste dute Aurrekontuak luzatzea duela Jaurlaritzak buruan, eta Alderdi Popularrak 2013ko Aurrekontuen proiektuari osoko zuzenketa aurkezteko asmoari eusten diote, Damboreneak baieztatu duenez. Halaber, Kontuei aurkeztu behar dizkieten alde bateko zuzenketak prestatzen jarraitzen dutela baieztatu du.
Gaurkoan, ordubeteko bilera egin dute Alderdi Popularrak eta Jaurlaritzak, eta, astean zehar, gainerako alderdiekin egingo ditu bilerak Urkulluren Exekutiboak.
Albiste gehiago ekonomia
Euskadiko Medikuen Sindikatua kalera atera da Estatutu Markoaren zirriborroaren aurka
Lanuzteak bestelako jarraipena izan du EAEko hiru probintzietan: Bizkaian, profesionalen % 30ek egin dute greba; Gipuzkoan, % 26,89k; eta, Araban, % 16,52k, Osakidetzaren arabera. Arratsaldean, parte-hartzea % 10,33ra jaitsi da EAEn.
Jaurlaritzak bertan behera utzi du angula arrantzatzeko 2025-26ko kanpaina, espeziearen egoera "kritikoa" dela eta
Hainbat txostenen arabera, orain arte aplikatutako neurriek ez dute balio izan espeziearen egoera kritikoa lehengoratzeko, eta, horren aurrean, Arrantza Sailak espeziea berreskuratzeko neurriak indartzea erabaki du egoera atzeraezina izan baino lehen.
Medikuak kalera atera dira Estatutu Markoaren zirriborroaren aurka
Lan-baldintzak negoziatzeko mahai propioa exijitzen dute medikuek. "Guk diseinatu eta negoziatu nahi dugu, negoziazio-mahai horretan ordezkaritza ia nulua baitugu", adierazi du Ana Santorcuato Euskadiko Medikuen Sindikatuko ordezkariak.
Medikuak estatutu propioa eskatzeko greba egiten ari dira Estatu osoan
Osasun publikoko medikuek greba eguna dute gaur Estatu osoan. Euskadin, gainera, Euskadiko Medikuen Sindikatuak (SME) elkarretaratzeak deitu ditu hiru hiriburuetako ospitale eta anbulatorioetan.
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.
Mitxel Lakuntzaren arabera, CAFek Jerusalemen duen proiektua "ez da erabakigarria" enpresaren etorkizuna bermatzeko
ELAren idazkari nagusiak dioenez, "CAFek badaki tren hori hasieratik dela ilegala", eta proiektua babesteko eta "ilegalitatearekin jarritzeko argudio gisa darabilen txostena" egin duten adituak zeintzuk diren argitzeko eskatu dio enpresari. Euskadi Irratiko Faktorian hitz egin du asteazken goizean horren eta beste hainbat gairen inguruan.