Lehendakaria 'etorkizuneko diru-sarrerak' negoziatzeko prest agertu da
Iñigo Urkullu lehendakaria "aurten sortu litezkeen diru-sarrerak" negoziatzeko eta Aurrekontuak adosteko prest agertu da.
Gainera, "erantzukizunez jokatzea" eskatu die talde parlamentarioei, EAJk "ahaleginak" egin baititu Euskadiko erakunde guztiek aurrekontuak izan ditzaten. "Heldu da proposamen zehatzak egiteko eta lehentasunak ezartzeko garaia", gaineratu du.
Urkulluk prentsaurrekoa eskaini du, Eusko Jaurlaritzak asteartero egiten duen bileraren ostean, legegintzaldi honetarako programa aurkezteko eta Aurrekontuen negoziazioaren berri emateko.
Hori horrela, Aurrekontuen "lurzoru ekonomikoa" Finantzen Euskal Kontseiluan, erakunde guztien artean, adostuta dagoela nabarmendu du lehendakariak.
Hain zuzen ere, Eusko Jaurlaritzaren 2013. urteko Aurrekontuak 9.316 milioi eurokoak izatea adostuta dagoela gogorarazi du.
Urkulluk "etorkizuneko diru-sarrerak" adosteko eta gastuen alorra berregituratzeko prest agertu da, baina betiere "duguna baino gehiago gastatuko ez dugula" oinarri hartuta.
Horren esanetan, Jaurlaritzan "akordioa lortzen saiatu da", eta "akordioa lortzeko borondateari" eutsiko diote", "erantzukizun instituzionala" dela eta.
Lehendakariaren ustez, Aurrekontuak ez onartzeak ekonomia sustatzeko eta enplegua sortzeko planak abiatzeko zailtasunak areagotzea ekarriko luke. Dena dela, aurrekontu proeiktua onartu edo ez, bi plan horiek gauzatu egingo dituztela aurreratu du.
"Herrialdeak aurrera egin behar du, eta Jaurlaritzak aurrera egingo du", adierazi du.
Egun, Iñigo Urkullu lehendakariaren Gobernuak EAJren 27 legebiltzarkideen babesa baino ez du, eta, beraz, oposizioarekin negoziatu behar du, baina oraingoz ez da inor alde agertu.
EH Bilduk, PSE-EEk eta UPyDk osoko zuzenketak aurkeztuko dituzte. PPk ere bat aurkezteko lanetan dagoela aurreratu du, baina, era berean, sozialistei eta jeltzalei proposamen bat helaraziko diela iragarri du, hiru alderdien artean akordioa lortzeko.
Kontzertu ekonomikoa erreformatzea proposatu du Urkulluk
Aldundiek esparru fiskalean dituzten eskumenak handitu eta zuzenekoak ez diren zergen inguruan (BEZa, besteak beste) erabakiak hartzeko aukera izan dezaten, Kontzertu Ekonomikoaren Lege berria eratzea planteatu du Jaurlaritzak.
''Berebizikoa da kontzertu ekonomikoaren erreforma sakona egitea, eskumenak handitu eta gure sistema fiskalaren erreforma egiteko oztopoak jartzen dituzten mugak ezabatzeko'', testuak jasotzen duenez.
Halaber, legegintzaldi honetarako, hiru herrialdeen arteko erreforma fiskal orekatu eta koordinatua mahai gainean jarri du Urkulluk.
4 milioi euro aurreztuko dituzte, 56 goi-kargudun kenduta
Eusko Jaurlaritzaren egituran 56 goi-kargudun eta konfiantzazko lagun kenduta, 4 milioi euro aurreztuko dituztela aurreikusi du Urkulluren exekutiboak. Hala, Gobernu Kontseiluak 10 dekretu onartu ditu, eta, horietan, Jaurlaritzaren egitura osatuko duten goi-kargudunen zenbatekoa jaso dute: guztira 209 izan dira, aurreko Jaurlaritzan baino % 21,13 gutxiago.
Zehazki, sailburuak 8 izango dira (aurretik 10 ziren); sailburuordeak, 30 (35 ziren); eta zuzendariak, berriz, 98 (124 ziren). Aholkulari eta konfiantzazko lagunak ere murriztu dituzte: 124tik 98ra.
Albiste gehiago ekonomia
Industriaren geldialdiak ekonomiaren hazkundea galarazten duela ohartarazi du Adegik
Fakturazioak eta eskariak ez omen dira hazten azken boladan. Enplegua ere gutxiago hazten ari da, eta Gipuzkoako enpresek uste dute laster batean hazkunde hori “zero" izango dela.
Euskadiko Medikuen Sindikatua kalera atera da Estatutu Markoaren zirriborroaren aurka
Lanuzteak bestelako jarraipena izan du EAEko hiru probintzietan: Bizkaian, profesionalen % 30ek egin dute greba; Gipuzkoan, % 26,89k; eta, Araban, % 16,52k, Osakidetzaren arabera. Arratsaldean, parte-hartzea % 10,33ra jaitsi da EAEn.
Jaurlaritzak bertan behera utzi du angula arrantzatzeko 2025-26ko kanpaina, espeziearen egoera "kritikoa" dela eta
Hainbat txostenen arabera, orain arte aplikatutako neurriek ez dute balio izan espeziearen egoera kritikoa lehengoratzeko, eta, horren aurrean, Arrantza Sailak espeziea berreskuratzeko neurriak indartzea erabaki du egoera atzeraezina izan baino lehen.
Medikuak kalera atera dira Estatutu Markoaren zirriborroaren aurka
Lan-baldintzak negoziatzeko mahai propioa exijitzen dute medikuek. "Guk diseinatu eta negoziatu nahi dugu, negoziazio-mahai horretan ordezkaritza ia nulua baitugu", adierazi du Ana Santorcuato Euskadiko Medikuen Sindikatuko ordezkariak.
Medikuak estatutu propioa eskatzeko greba egiten ari dira Estatu osoan
Osasun publikoko medikuek greba eguna dute gaur Estatu osoan. Euskadin, gainera, Euskadiko Medikuen Sindikatuak (SME) elkarretaratzeak deitu ditu hiru hiriburuetako ospitale eta anbulatorioetan.
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.