Erakundeekin akordioak lortu nahi ditu Urkulluk, ekonomia berpizteko
Iñigo Urkullu lehendakaria alderdi politikoetako eta erakundetako buruekin hitz egiten hasi da gaur goizean, bilerak egin eta Eusko Jaurlaritzaren egonkortasunerako itun bat adostea xede.
Hain zuzen ere, Eusko Legebiltzarrean ordezkaritza duten indar guztiekin, hiru aldundiekin eta Eudelekin jarri da harremanetan Urkullu, bi mahai sortu nahi baititu Ajuria Enean: lehenengoan hiru ahaldun nagusiekin eta Eudeleko presidentearekin eseriko litzateke, eta bigarrenean, aldiz, ordezkari politikoekin.
Asteazken honetan, arratsaldeko 16:00etatik aurrera, bilduko da lehendakaria ahaldun nagusiekin eta Eudelekin presidentearekin, EiTBk jakin izan duenez. Izan ere, Jaurlaritzatik azaldu dutenez, lehenik eta behin mahai instituzionala bildu nahi du Urkulluk, eta ondoren mahai politikoa.
Joan den astean azaldu zuenez, lehendakariak akordioa lortzeko "oinarri sendoa" egotea espero du, esfortzuak batu eta "ekonomia sustatzeko eta enplegua sortzeko". Lehendakariaren ustez, akordioa lortzea euskal gizarteak espero duen "konfianza seinalea" izango litzateke.
PROPOSAMENAK
Hori horrela, lehendakariak zerga sistema erreformatzea proposatuko du, tartean pertsona fisikoen eta elkarteen gaineko zergak erreformatzea.
Ordezkari politikoei eta instituzionalei mahai gainean jarriko dien beste proposamen bat 200 milioi euroko funts bat sortzea izango da, ekonomia sustatzeko, eta 40 milioi euroko beste bat, diru-laguntzarik gabe geratu diren langabeen, diru-sarrerak bermatzeko errenta jasotzen dutenen eta gazteen artean enplegua sortzeko.
Halaber, EAEko sektore publikoa % 25 murrizteko plan bat eskainiko du.
ERAKUNDEEN INPLIKAZIOA
Eusko Jaurlaritzak ahalik eta akordio zabalenak lortu nahi ditu EAEko erakunde eta alderdi politikoekin, ekonomia berpizteko eta enplegua sortzeko, gaur Josu Erkoreka bozeramaileak adierazi duenez.
Horretarako, Jaurlaritzako bozeramaileak “inplikazioa” eskatu die Bizkaiko, Gipuzkoako eta Arabako erakundeei.
Akordiorik lortu ezean, Jaurlaritzaren egonkortasuna ezezik, gobernagarritasuna “kolokan” dagoen galdetuta, Erkorekak erantzun du alderdi eta erakundeen akordioa baino ez dutela aurreikusten.
Albiste gehiago ekonomia
Industriaren geldialdiak ekonomiaren hazkundea galarazten duela ohartarazi du Adegik
Fakturazioak eta eskariak ez omen dira hazten azken boladan. Enplegua ere gutxiago hazten ari da, eta Gipuzkoako enpresek uste dute laster batean hazkunde hori “zero" izango dela.
Euskadiko Medikuen Sindikatua kalera atera da Estatutu Markoaren zirriborroaren aurka
Lanuzteak bestelako jarraipena izan du EAEko hiru probintzietan: Bizkaian, profesionalen % 30ek egin dute greba; Gipuzkoan, % 26,89k; eta, Araban, % 16,52k, Osakidetzaren arabera. Arratsaldean, parte-hartzea % 10,33ra jaitsi da EAEn.
Jaurlaritzak bertan behera utzi du angula arrantzatzeko 2025-26ko kanpaina, espeziearen egoera "kritikoa" dela eta
Hainbat txostenen arabera, orain arte aplikatutako neurriek ez dute balio izan espeziearen egoera kritikoa lehengoratzeko, eta, horren aurrean, Arrantza Sailak espeziea berreskuratzeko neurriak indartzea erabaki du egoera atzeraezina izan baino lehen.
Medikuak kalera atera dira Estatutu Markoaren zirriborroaren aurka
Lan-baldintzak negoziatzeko mahai propioa exijitzen dute medikuek. "Guk diseinatu eta negoziatu nahi dugu, negoziazio-mahai horretan ordezkaritza ia nulua baitugu", adierazi du Ana Santorcuato Euskadiko Medikuen Sindikatuko ordezkariak.
Medikuak estatutu propioa eskatzeko greba egiten ari dira Estatu osoan
Osasun publikoko medikuek greba eguna dute gaur Estatu osoan. Euskadin, gainera, Euskadiko Medikuen Sindikatuak (SME) elkarretaratzeak deitu ditu hiru hiriburuetako ospitale eta anbulatorioetan.
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.