Jaurlaritzak eta aldundiek berrindartze egitasmo bera bultzatuko dute
Enplegua sortzeko eta ekonomia berrindartzeko egitasmo bera bultzatzea adostu dute asteazken honetan Eusko Jaurlaritzak, hiru aldundiek eta Eudelek, Ajuria Enean egin duten bileran. Defizitaren helburuak erlaxatzen direnean sortutako fondoekin finantzatuko litzateke plana.
Erakunde guztiek ''elkarrekin'' lan egitea adostu dutela adierazi du Josu Erkoreka Eusko Jaurlaritzako bozeramaileak, bilera bukatuta erakunde ezberdinetako ordezkariek, banan-banan, eman duen prentsaurrekoan. Erkorekak erakunde ezberdinek agertutako jarrera ''positibo eta konstruktiboa'' azpimarratu du, eta egungoa ''unerik gogorrena'' dela bat egiten dutela esan du. Gobernuko bozeramaileak azaldu duenez, bost erakundeek egitasmo ''bateratua'' abiatzea adostu dute, horretarako defizitaren malgutasun batek ekar dezakeen gasturako gaitasun handiagoa baliatuz.
Aurretik, defizitaren balizko malgutasun hori oinarri hartuta fondo bat sortzeko akordioa lortu dutela iragarri du Jose Luis Bilbao Bizkaiko ahaldun nagusiak, prentsaurrekoan. Bilbaok azaldu duenez, fondo berria lanpostuak sortzeko eta ekonomia suspertzeko inbertsio proiektuetan erabiliko dute, eta "200-300 milioi eurokoa" izan daiteke, azpiegituretara, berrikountzara eta enplegura bideratzeko. Malgutasun hori banatzeko orduan, Eusko Jaurlaritzak % 70 bere gain hartuko luke eta aldundiek gainerako % 30a. "Bizi dugun testuingururako akordio garrantzitsua lortu dugu", azpimarratu du Bizkaiko ahaldun nagusiak.
Garitanok erreparoak agertu ditu, baina egitasmoa diseinatzeko orduan elkarlanaren aldeko apustua egin dela onartu du. Hala ere, zergak bezalako gai garrantzitsuetan akordioa eta eztabaida falta izan direla esan du Gipuzkoako ahaldun nagusiak. Garitanoren hitzetan, "larrialdi plan" bat eta "iruzur fiskalaren aurka borroka egiteko" egitasmo bat martxan jartzea ezinbestekoa da. "Baina horren inguruan ez da hitz egin", kritikatu du Gipuzkoako ahaldun nagusiak. "Defizitaren malgutasunetik atera daitekeen diruaren banaketaz soilik" mintzatu direla ziurtatu du. Zentzu horretan, arratsaldeko bileran hartutakoa "akordioa baino erabakia" izan dela esan du.
Aldundiek ere defizit gehigarri bat izatea eskatu du gaur Javier de Andres Arabako ahaldun nagusiak. "Erregimen amankomuneko aldundi bat bezala ezin digute hartu, defizit gaitasun bat izan behar dugu. Aldundiek defizit gehigarri bat izatea proposatu dut", azaldu du De Andresek prentsaurrekoan, lehenkariarekin, Eudeleko presidentearekin eta beste bi ahaldunekin bilera amaitu ostean.
Ahaldun nagusiek egoera ekonomikoaren diagnostiko berdina egin dutela ziurtatu du De Andresek, eta lehendakariak proiektuen inguruko zenbait gai planteatu dizkiela azaldu du. Arabako ahaldun nagusiak aurreratu duenez, eztabaidatu diren zenbait formulek "finantza arazo batzuk konpontzen dituzte, eta hori pozik egoteko modukoa da".
Bilera Ajuria Enean
EAEko ekonomia suspertzeko eta lanpostuak sortzeko ekimenak aurrera ateratzeko laguntza eskatzea zen Iñigo Urkullu lehendakariaren asmoa Arabako, Gipuzkoako eta Bizkaiko ahaldun nagusiekin egin duen bileran. Ajuria Enean egin dute bilera, eta bertan izan dira Martin Garitano (Bildu), Jose Luis Bilbao (EAJ) eta Javier De Andres (PP) ahaldun nagusiak eta Ibone Bengoetxea (EAJ) Eudeleko presidentea. Hitzorduaren helburua itun ekonomiko bat lortzea zen, autogobernua eta bakegintza alde batera utzita.
Bilera sorta
Halaber, Urkulluren Gobernuari egonkortasuna emateko akordio bat lortu eta Eusko Legebiltzarreko gutxiengoa gainditzeko, datorren astean beste bilera bat egingo du lehendakariak, baina Legebiltzarrean ordezkaritza duten alderdietako ordezkariekin (EAJ, EH Bildu, PSE, PP eta UPyD) bilduko da orduan.
Albiste gehiago ekonomia
Industriaren geldialdiak ekonomiaren hazkundea galarazten duela ohartarazi du Adegik
Fakturazioak eta eskariak ez omen dira hazten azken boladan. Enplegua ere gutxiago hazten ari da, eta Gipuzkoako enpresek uste dute laster batean hazkunde hori “zero" izango dela.
Euskadiko Medikuen Sindikatua kalera atera da Estatutu Markoaren zirriborroaren aurka
Lanuzteak bestelako jarraipena izan du EAEko hiru probintzietan: Bizkaian, profesionalen % 30ek egin dute greba; Gipuzkoan, % 26,89k; eta, Araban, % 16,52k, Osakidetzaren arabera. Arratsaldean, parte-hartzea % 10,33ra jaitsi da EAEn.
Jaurlaritzak bertan behera utzi du angula arrantzatzeko 2025-26ko kanpaina, espeziearen egoera "kritikoa" dela eta
Hainbat txostenen arabera, orain arte aplikatutako neurriek ez dute balio izan espeziearen egoera kritikoa lehengoratzeko, eta, horren aurrean, Arrantza Sailak espeziea berreskuratzeko neurriak indartzea erabaki du egoera atzeraezina izan baino lehen.
Medikuak kalera atera dira Estatutu Markoaren zirriborroaren aurka
Lan-baldintzak negoziatzeko mahai propioa exijitzen dute medikuek. "Guk diseinatu eta negoziatu nahi dugu, negoziazio-mahai horretan ordezkaritza ia nulua baitugu", adierazi du Ana Santorcuato Euskadiko Medikuen Sindikatuko ordezkariak.
Medikuak estatutu propioa eskatzeko greba egiten ari dira Estatu osoan
Osasun publikoko medikuek greba eguna dute gaur Estatu osoan. Euskadin, gainera, Euskadiko Medikuen Sindikatuak (SME) elkarretaratzeak deitu ditu hiru hiriburuetako ospitale eta anbulatorioetan.
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.