Jaurlaritza, enpresa haundien nazioarteratzea sustatzen
Iñigo Urkullu lehendakariak 15 euskal enpresetako arduradunak hartu ditu astelehen honetan, Eusko Jaurlaritzak proposatutako nazioartekotze estrategia azaltzeko.
Bilera Gasteizen izan da, Lehendakaritzan, eta Jaurlaritzak aurreratu duenez, hainbat alorreko enpresariak izan dira bertan, tartean, Aernnova, Grupo Arteche, Etxetar, CAF, CIE, Gamesa, Gestamp, Iberdrola, Idom, Ingenteam, ITP, Grupo Mondragon, Sener, Tubacex eta Velatia enpresetako arduradunak.
Halaber, Arantza Tapia Ekonomia Garapenarako eta Lehiakortasunerako sailburuak ere parte hartu du. Bilera amaitu ostean, Tapiak horren emaitzaren berri emango die komunikabideri.
Eusko Jaurlaritzak enpresen nazioartekotze estrategia "berrantolatzeko" asmoa zuela iragarri zuen sailburuak joan den otsailean. Proposamen horrek azpiegiturei etekin handiagoa ateratzea eta enpresen eraginkortasuna hobetzea ditu helburu, erakunde publikoen koordinazioak, merkataritza ganberek, 'cluster'ek eta gainerako eragilek lagunduta.
Euskadi berritzea
Apirilaren 19an, lehendakariak iragarri zuenez, Eusko Jaurlaritzak 1.000 milioi euro baino gehiago inbertituko ditu Euskadi berritzeko asmoarekin. Lehendakariaren esanetan, Euskadik ez du "amore ematen ezta gelditzen ere krisialdiaren aurrean"; inbertsioak "lehen bai lehen" atzeralditik ateratzea eta "hazkunde, garapen eta ongizate bide berriak bilatu eta topatzea" du helburu.
Ostegunean edo ostiralean, alderdiekin
Iñigo Urkullu lehendakariak ostegunerako edo ostiralerako deituko ditu Legebiltzarrean ordezkaritza duten alderdiak, egungo krisi egoeraren aurrean egonkortasun akordioak lortzeko asmoz. Asteazkenean jada, Jaurlaritza Aldundiekin eta Eudelekin bildu zen.
Oinarrizko gaietan "akordio handiak" proposatuko ditu lehendakariak Lehendakaritzako iturrien arabera, besteak beste, zerga erreforman, iruzurraren aurkako borrokan, erakunde sarean eta zerbitzu publikoetan.
Gatzagaetxebarria eta Ogasun diputatuak
Bestalde, astelehenean Ricardo Gatzagaetxebarria Ogasun sailburua Ogasun diputatuekin bilduko da asteazkeneko bileran mahaigaineratutako "gai teknikoak" aztertzeko.
Iturrien arabera, defizitaren helburua malgutuko dela berresten bada, lurralde bakoitzak izan ditzakeen kopuruak aztertuko dira eta Aldundi bakoitzak baliabide osagarri horiekin zein proiekturi emango dion lehentasuna eztabaidatuko dute.
Zure interesekoa izan daiteke
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.