Gazteen enpleguarentzako laguntzak defizita ez izatea eskatu du Rajoyk
Gazteen kontratazioa sustatzeko laguntzak defizit helburuetatik kanpo uztea proposatu dio gaur Europar Batasunari (EB) Mariano Rajoy Espainiako Gobernuko presidenteak. Aldi baterako mekanismoa izango litzateke, Rajoyren hitzetan.
Berggruen Institutuak Parisen Europaren etorkizuna aztertzeko jardunaldia antolatu du eta proposamena ekimenaren amaieran egin du Rajoyk. Besteak beste, François Hollande Frantziako presidenteak eta Wolfgang Schauble Alemaniako Ekonomia ministroak parte hartu dute.
EBk gazteen langabeziari aurre egiteko politikak martxan jartzea beharrezkoa dela azpimarratu du Espainiako agintariak. Zentzu horretan, kontratuen hobariak bultzatzea ekimen positiboa izan daitekeela uste du Rajoyk, Espainiako Gobernuko iturriek azaldu dutenez. Espainiarentzako 2.500-3.000 milioi euro suposa ditzake.
Rajoyren ahotan, laguntzak defizit helburuetatik at uzteak ekintza "eraginkorra eta azkarra" ahalbidetuko du, "kontratazioa sustatzeko ahalmenarekin".
Angela Merkel Alemaniako kantzilerrak EBko Lan ministroak uztailaren 3an, Berlinen, biltzea proposatu du, gazteen enplegua sustatzeko programarik onenak eta eraginkorrenak aztertzeko. Rajoyk ekimenari babesa eman dio.
Gazteen enplegua suspertzeko plana
Frantziako eta Alemaniako Gobernuek gazteen enplegua suspertzeko planaren “oinarriak” ezarri dituzte gaur. Urtea bukatu aurretik martxan jarri nahi dute, Francois Hollande Frantziako presidenteak adierazi duenez. “Azkar egin behar dugu, Europa ideia da jokoan dagoena”.
Plan horren helburuen artean, Europa mailan prestakuntza praktikoa hobetu eta mugikortasun handiagoa lortzea.
“Hazkundearen ibilbidera bueltatu behar gara, baina, batez ere, itxaropenaren bidera”, esan du Hollandek.
Frantziako presidenteak aurkeztutako neurrien artean Erasmus bekak ikasleei ez ezik gazte guztiei zabaltzea dago. Gauzak horrela, edozein gaztek beste herrialdeetako enpresetan egin ahal izango ditu praktikak. Hizkuntzen mugak gainditzeko prestakuntza aukerak izango dira.
Horrez gain, prestakuntza profesionaleko ikasketa teorikoekin batera, enpresetan praktikak bultzatzea ere proposatu dute, Alemaniako eredua jarraituz.
Enpresa txiki eta ertainei kredituak errazteko, Europar Batasunean dauden 6.000 milioi euroak lehenbailehen mugimenduan jartzea eskatu dute Gobernu bietako ordezkariek.
Neurri horiekin, Europako Batzordeak proposamen zehatza aurkeztuko du, gero Estatuek onartu ditzaten. Datorren uztailean Europar Batasuneko Enplegu ministroak Berlinen bilduko dira, gaur Parisen aurkeztutako planari zabalkunde handiagoa emateko.
Albiste gehiago ekonomia
Industriaren geldialdiak ekonomiaren hazkundea galarazten duela ohartarazi du Adegik
Fakturazioak eta eskariak ez omen dira hazten azken boladan. Enplegua ere gutxiago hazten ari da, eta Gipuzkoako enpresek uste dute laster batean hazkunde hori “zero" izango dela.
Euskadiko Medikuen Sindikatua kalera atera da Estatutu Markoaren zirriborroaren aurka
Lanuzteak bestelako jarraipena izan du EAEko hiru probintzietan: Bizkaian, profesionalen % 30ek egin dute greba; Gipuzkoan, % 26,89k; eta, Araban, % 16,52k, Osakidetzaren arabera. Arratsaldean, parte-hartzea % 10,33ra jaitsi da EAEn.
Jaurlaritzak bertan behera utzi du angula arrantzatzeko 2025-26ko kanpaina, espeziearen egoera "kritikoa" dela eta
Hainbat txostenen arabera, orain arte aplikatutako neurriek ez dute balio izan espeziearen egoera kritikoa lehengoratzeko, eta, horren aurrean, Arrantza Sailak espeziea berreskuratzeko neurriak indartzea erabaki du egoera atzeraezina izan baino lehen.
Medikuak kalera atera dira Estatutu Markoaren zirriborroaren aurka
Lan-baldintzak negoziatzeko mahai propioa exijitzen dute medikuek. "Guk diseinatu eta negoziatu nahi dugu, negoziazio-mahai horretan ordezkaritza ia nulua baitugu", adierazi du Ana Santorcuato Euskadiko Medikuen Sindikatuko ordezkariak.
Medikuak estatutu propioa eskatzeko greba egiten ari dira Estatu osoan
Osasun publikoko medikuek greba eguna dute gaur Estatu osoan. Euskadin, gainera, Euskadiko Medikuen Sindikatuak (SME) elkarretaratzeak deitu ditu hiru hiriburuetako ospitale eta anbulatorioetan.
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.