Zer ekarriko du Espainiaren defizit helburua malgutzeak?
Europako Batzordeak defizit helburu berriak baieztatuko dizkio gaur Espainiako Gobernuari. Gainera, hori zer preziotan, hau da, trukean zer erreforma agindituko dizkion ere argituko du Bruselak.
Batzordeak bi urte gehiago emango dizkio Espainiari, defizita BPGaren % 3ra jaisteko. Helburu berriak hauek izango dira: % 6,3 aurten, % 5,5 datorren urtean, % 4,1 2015. urtean eta % 2,7 2016an.
Hasiera batean, aurtengo defizit helburua % 4,5ekoa zen. Beraz, orain % 6,3koa izateak Mariano Rajoyren Gobernuaren gastu ahalmena handitzea ekarriko du. Beste modu batean esanda, lehen, Exekutiboak 18.000 milioi euroko murrizketak egin behar zituen, baina, azkenean, 3.000 milioi eurokoak egin beharko ditu.
Juan Carlos Martinez Lazaro IE Business School institutuko irakasleak Radio Euskadin azaldu duenez, defizit helburua malgutzea "albiste ona da, arnasa delako". Izan ere, horren hitzetan, "ia ezinezkoa zen hasiera batean 2014. urterako ezarrita zegoen % 3a betetzea".
Nolanahi ere, administrazio guztiek defizita murriztea beharrezkoa dela nabarmendu du adituak: "Iaz, 100.000 milioi euro eskatu behar izan genituen, mailegutan;aurten 65.000 milioi inguru izango dira, eta horrela urtero. Hori geuk ordaindu beharko dugu, baina seme-alabek eta ilobek ere".
"Aurten, 38.000 milioi euro ordainduko ditugu, zorraren interesetan", ohartarazi du.
Eta Euskadin, zer?
Espainiako Gobernuak defizit helburu berrien baieztapena jaso eta gero, erkidegoei ere defizit helburuak malgutzea erabaki beharko du.
Orain, erkidegoek BPGaren % 0,7 dute helburu. Euskadiren kasuan, helburua igotzen den hamarren bakoitzeko, 66 milioi euro gehiago izango ditu Eusko Jaurlaritzak. Hau da, EAEk defizita % 1era igotzeko baimena jasoko balu, Aurrekontuetan aurreikusita ez zeuden beste 200 milioi euro izango lituzke.
Eusko Jaurlaritzaren ustez, aurrekontuetan aurreikusitakoa baino 180 milioi euro gehiago gastatu ahal izango dituzte.
Albiste gehiago ekonomia
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.
Mitxel Lakuntzaren arabera, CAFek Jerusalemen duen proiektua "ez da erabakigarria" enpresaren etorkizuna bermatzeko
ELAren idazkari nagusiak dioenez, "CAFek badaki tren hori hasieratik dela ilegala", eta proiektua babesteko eta "ilegalitatearekin jarritzeko argudio gisa darabilen txostena" egin duten adituak zeintzuk diren argitzeko eskatu dio enpresari. Euskadi Irratiko Faktorian hitz egin du asteazken goizean horren eta beste hainbat gairen inguruan.
Sindikatuek hiru orduko lanuztea eta hainbat manifestazio deitu dituzte euskal hiriburuetan, Gazako genozidioa salatzeko
Urriaren 15ean egingo duten lanuztearen berri eman dute LAB, CCOO, UGT, ESK, STEILAS, CGT/LKN, ETXALDE eta HIRU sindikatuek. Lanuzteak eta manifestazioak Espainiako Estatuko lantoki guztietan deitu dira.
CAFeko langileek ordu bateko lanuztea egin dute Jerusalemgo tranbiaren inguruan zuzendaritzak duen jarrera salatzeko
Ordubeteko lanuztearekin bat egin duten langileek elkarretaratzea egin dute CAFen bulego nagusien atarian. Enpresa Batzordeak enpresaren "zinismoa" salatu du Jerusalem tranbiaren proiektuaren inguruan duen jarreragatik, eta zuzendaritzari "NBEren argudioei aurre eginez bere irudia zuritzea" eta Israelen "tesiak onartzea" leporatu dio.
ELAk lanuztea deitu du urriaren 15erako enpresei, Eusko Jaurlaritzari eta Nafarroako zein Espainiako gobernuei Israelekin harremanak etetea eskatzeko
LAB, CCOO, Steilas, Solidari, Etxalde eta Hiru sindikatuek ere lanuzte orokorrak deitu dituzte Hego Euskal Herrian egun horretarako.
Donostian, 60 metro koadroko pisu baten alokairua 800 eurokoa izango da gehienez jota
Gipuzkoako erreferentziazko prezioen indizea Estatuko Aldizkari Ofizialean argitaratu ondoren, asteazken honetan indarrean sartuko da Gipuzkoako udalerri tentsionatuetan alokairuen prezioa mugatzeko aukera ematen duen araua. Irunen, 60 metro koadroko etxebizitza bat alokatzeko ezingo da 624 euro baino gehiago eskatu.