Euskal pentsio sistemaren bideragarritasuna babestu du EAJk
Joseba Egibar, EAJk Eusko Legebiltzarrean duen bozeramailea, euskal pentsio sistema ezartzearen alde mintzatu da, eta horren bideragarritasuna babestu du. Azaldu duenez, azken hiru urtean Euskal Autonomia Erkidegoak defizita izan badu ere, "aurreko hamaika urteetan egoera bestelakoa izan da".
"Pentsio sistemaren bideragarritasuna populazio aktiboaren baitan baldin badago, EAEn langabezia Espainian baino txikiagoa denez, euskal pentsio sistema Espainiakoa baino bideragarriagoa litzateke", adierazi du.
Radio Euskadiko "Mas que palabras" saioan, hamabi laguneko aditu taldeak pentsio sistemaren bideragarritasunari buruz prestatutako txostena izan du hizpide. Azaldu duenez, "pentsioak KPIaren arabera berrikusiko ez badira, eta gizarte segurantzak dituen diru-sarrerak eta pentsiodunen bizi-itxaropena kontuan hartuko badira, agonia luzatu besterik ez dugu egingo".
Azaldu duenez, "pentsio sistema bere kabuz finantzatzea lortu nahi badute, "aldaketaren bat egin beharko dute". Horren ustez, pentsio sistemaren arazoa langabezia da, eta, beraz, ekonomiaren suspertzean dago gakoa, gizarte segurantzan kotizatzen dutenen kopurua geroz eta handiagoa izan dadin. "Bizi-itxaropena luzatzen ari da, eta gizarte segurantzan kotizatzen ari direnen zenbatekoa proportzioan igotzen ez bada, ez da bideragarria", gaineratu du.
Egibarren iritziz, pentsio sistema berrikusteak ez die zertan pentsiodunen kalte egin behar.
Pentsioen euskal sistema publikoa
Oskar Matute EH Bilduko legebiltzarkidearen arabera, batzordeak "dagoeneko Gobernuak egiten duenari estaldura legala" eman dio.
Pentsioen eskubidea "merkatuen menpe" dagoela salatu du eta "pentsioen euskal sistema publiko" baten aldeko eztabaida irekitzearen alde agertu da.
PSE-EE: "Pentsio sistemari buruzko galdeketa egin behar zaie herritarrei"
Txarli Prieto Arabako PSE-EEko idazkari nagusiak adierazi duenez, pentsioen etorkizuna herrialdeko arazoa da, eta ez adituena. Horregatik, pentsioen erreformari buruz herriari galdetu behar zaiola uste du. "Guztiok hartu behar dugu pentsioei buruzko erabakia", adierazi du.
Azaldu duenez, "ez ditugu hemendik 50 urterako pentsioak diseinatu behar, eta ez dugu apokalipsi egoera bat saldu behar, gero konpontzen saiatu behar badugu". Halaber, arazoaren muina aberastasunaren banaketa bidegabea dela uste du.
'Ezer egiten ez dutenen aurrean' erabakiak hartzea defendatu du Semperrek
Borja Semper PPk Gipuzkoan duen presidentearen iritziz, "inork ez du sistema zapuztu nahi" eta politikari guztiek pentsioen sistema publikoa eta kalitatezkoa finkatu nahi dutela adierazi du. Hala ere, errealitate ekonomikoak eta demografikoak egoera berriz hausnartzea dakarrela ohartarazi du.
"Bi eredu daude: soilik hitzaldiak eman eta ezer egin nahi ez dutenena eta erabakiak hartu behar direla pentsatzen dugunena, dau da, egun kotizatzen dutenek pentsioak jaso ahal izateko", azaldu du Radio Euskadin.
Albiste gehiago ekonomia
Industriaren geldialdiak ekonomiaren hazkundea galarazten duela ohartarazi du Adegik
Fakturazioak eta eskariak ez omen dira hazten azken boladan. Enplegua ere gutxiago hazten ari da, eta Gipuzkoako enpresek uste dute laster batean hazkunde hori “zero" izango dela.
Euskadiko Medikuen Sindikatua kalera atera da Estatutu Markoaren zirriborroaren aurka
Lanuzteak bestelako jarraipena izan du EAEko hiru probintzietan: Bizkaian, profesionalen % 30ek egin dute greba; Gipuzkoan, % 26,89k; eta, Araban, % 16,52k, Osakidetzaren arabera. Arratsaldean, parte-hartzea % 10,33ra jaitsi da EAEn.
Jaurlaritzak bertan behera utzi du angula arrantzatzeko 2025-26ko kanpaina, espeziearen egoera "kritikoa" dela eta
Hainbat txostenen arabera, orain arte aplikatutako neurriek ez dute balio izan espeziearen egoera kritikoa lehengoratzeko, eta, horren aurrean, Arrantza Sailak espeziea berreskuratzeko neurriak indartzea erabaki du egoera atzeraezina izan baino lehen.
Medikuak kalera atera dira Estatutu Markoaren zirriborroaren aurka
Lan-baldintzak negoziatzeko mahai propioa exijitzen dute medikuek. "Guk diseinatu eta negoziatu nahi dugu, negoziazio-mahai horretan ordezkaritza ia nulua baitugu", adierazi du Ana Santorcuato Euskadiko Medikuen Sindikatuko ordezkariak.
Medikuak estatutu propioa eskatzeko greba egiten ari dira Estatu osoan
Osasun publikoko medikuek greba eguna dute gaur Estatu osoan. Euskadin, gainera, Euskadiko Medikuen Sindikatuak (SME) elkarretaratzeak deitu ditu hiru hiriburuetako ospitale eta anbulatorioetan.
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.