225.200 langabe gutxiago Estatuan, 2013ko bigarren hiruhilekoan
2013ko bigarren hiruhilekoan 225.200 langabe gutxiago izan dira Estatuan. Izan ere, langabezia tasak 0,9 puntu egin du behera eta, egun, 5.977.500 lagun daude langabezian, hau da, biztanleria aktiboaren % 26,26.
Halaber, INE Estatistikako Institutu Nazionalak gaur argitaratutako Biztanleria Aktiboaren Inkestaren (EPA) arabera, apirila eta ekainaren artean, 149.000 lagunek lortu zuten lana: guztira, 16.783.800 biztanle daude egun lanean, eta jarduera-tasa % 59,54koa da.
Aurreko bost urtetako epe berdinarekin alderatuta, 2008tik izandako beherakada handiena da hiruhileko honetakoa, INEren arabera.
Euskadin
Bestalde, Euskadin 9.800 langabe gutxiago izan dira apirila eta ekaina bitartean. Egun, 154.900 euskal herritar daude langabezian, eta langabezia-tasa % 15,46koa da.
Estatuko langabezia-tasa
Sexuari erreparatuta, langabeziaren beherakada gizonezkoen alorrean bereziki nabaritu da (161.900 gizonezko langabe gutxiago, eta 63.000 emakumezko langabe gutxiago). Horrela, gizonezkoen langabezia-tasa % 25,58koa da, eta emakumezkoena, berriz, % 27,06koa.
Zerbitzuek eta nekazaritzak enplegua sortu dute
Bigarren hiruhilekoan, zerbitzuek eta nekazaritzak lanpostuak sortu dituzte; eraikuntzak eta industriak, berriz, enplegua suntsitu zuten.
Langabezia tasak behera egin du 14 erkidegoetan, tartean, Madrilen (39.400 langabe gutxiago), Baler Uharteetan (38.300 langabe gutxiago) eta Andaluzian (33.300 langabe gutxiago). Halaber, beste zortzi erkidegoetan okupazio tasak behera egin du: Kantabrian (3.600 langabe gehiago), Errioxan (2.700 langabe gehiago) eta Galizian (800 langabe gehiago).
Albiste gehiago ekonomia
Industriaren geldialdiak ekonomiaren hazkundea galarazten duela ohartarazi du Adegik
Fakturazioak eta eskariak ez omen dira hazten azken boladan. Enplegua ere gutxiago hazten ari da, eta Gipuzkoako enpresek uste dute laster batean hazkunde hori “zero" izango dela.
Euskadiko Medikuen Sindikatua kalera atera da Estatutu Markoaren zirriborroaren aurka
Lanuzteak bestelako jarraipena izan du EAEko hiru probintzietan: Bizkaian, profesionalen % 30ek egin dute greba; Gipuzkoan, % 26,89k; eta, Araban, % 16,52k, Osakidetzaren arabera. Arratsaldean, parte-hartzea % 10,33ra jaitsi da EAEn.
Jaurlaritzak bertan behera utzi du angula arrantzatzeko 2025-26ko kanpaina, espeziearen egoera "kritikoa" dela eta
Hainbat txostenen arabera, orain arte aplikatutako neurriek ez dute balio izan espeziearen egoera kritikoa lehengoratzeko, eta, horren aurrean, Arrantza Sailak espeziea berreskuratzeko neurriak indartzea erabaki du egoera atzeraezina izan baino lehen.
Medikuak kalera atera dira Estatutu Markoaren zirriborroaren aurka
Lan-baldintzak negoziatzeko mahai propioa exijitzen dute medikuek. "Guk diseinatu eta negoziatu nahi dugu, negoziazio-mahai horretan ordezkaritza ia nulua baitugu", adierazi du Ana Santorcuato Euskadiko Medikuen Sindikatuko ordezkariak.
Medikuak estatutu propioa eskatzeko greba egiten ari dira Estatu osoan
Osasun publikoko medikuek greba eguna dute gaur Estatu osoan. Euskadin, gainera, Euskadiko Medikuen Sindikatuak (SME) elkarretaratzeak deitu ditu hiru hiriburuetako ospitale eta anbulatorioetan.
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.