Itun fiskalaren gakoak: errenta aitorpena, etxebizitza eta iruzurra
EAJko, PSE-EEko eta PPko buruzagiek adostutako itun fiskalak ekonomia suspertzeko eta langabeziari aurre egiteko hainbat neurri aurreikusten ditu.
Oraingoz zehaztasun guztiak ezagutzen ez badira ere, hauek dira jeltzaleek, sozialistek eta popularrek adostutako neurri garrantzitsuenak:
- Errenta aitorpena: Errenta zergaren eskalan hiru tarte berri sortuko dituzte, errenta altuenak dituztenek gehiago ordaintzeko: 91.370 eta 121.819 euro bitartean irabazten dutenek % 46 ordainduko dute, 121.820 eta 177.649 euro bitartean irabazten dutenek, % 47, eta hortik gorakoek, % 49. Enpresak eta proiektuak sustatzeko neurriak ere onartu nahi dituzte, atal honen barruan.
- Aurrezkiei dagokienez, % 20 ordainduko dute 2.500 euro arteko aurrezki errentak dituztenek. PPk akordioarekin bat egin baino lehen, 15.000 euro arte % 21 ordaintzea adostu zuten EAJk eta PSEk.
- Etxebizitza: Etxebizitza erosi dutenek kenkariak izaten jarraituko dute. Jarritako diruaren % 18 murriztea aurreikusi dute, orain arte bezala, baina kuotari gehienez ere 1.520 euro kendu ahalko zaizkio aurrerantzean. PPk bat egin eta gero, familia ugariek eta gazteek kenkari osoak izango dituzte.
- Pentsio planetan ere, gehienez 5.000 euroko kenkaria egongo da indarrean.
- Herentzien kasuetan, seme-alabak gurasoengandik jasotako ondasunen % 1,5 ordaindu beharko diote Ogasunari. Aurreneko 400.000 euroak, hala ere, zergarik gabe libre geratuko dira.
- Iruzurraren aurkako neurriak: Batzorde berezi bat osatuko dute, eta hainbat neurri adostuko dituzte EAEko Batzar Nagusietan, harmonizazioa bultzatzeko.
- Itun fiskalari esker, 1.500 milioi gehiago lortzeko asmoa dute jeltzaleek eta sozialistek. Kopuru horren erdia ekonomia suspertzeko eta langabeziari aurre egiteko erabiliko dute.
Albiste gehiago ekonomia
BBVAk bere eskaintzari eutsi eta aurrera jarraitzen du Sabadell erosteko ahaleginean
Sabadelleko akziodunek ia aho batez TSB Erresuma Batuko filiala Santander bankuari saltzea onartu eta astebetera hartu du Carlos Torres buru duen konpainiak erosketa eskaintzari eusteko erabakia.
Greba Bilboko Udaltzaingoaren telefono bidezko arreta-zerbitzuan, Aste Nagusian zehar
ELAk salatu du Udalak eta Lanalden azpikontratak ez dutela negoziatu nahi zerbitzua osatzen duten bost profesionalen lan-baldintzak hobetzea.
Jaurlaritzak onartu egin du Araban bi eguzki-parke eraikitzea, bata Agurainen eta bestea Arespalditzan
Euskal Herriko Agintaritzaren Aldizkariak ostegun honetan argitaratu du bi proiektuek ingurumen baimena lortu dutela. Instalazioek 32 hektareako azalera eta 20 megawatteko potentzia izango dute.
EHNE sindikatuak salatu du Nafarroako Gobernuak urratu egin duela suteei aurre egiteko hitzartutako protokoloa
Nafarroako Gobernuak suteak saihesteko lehen sektoreko hainbat jarduerei ezarri dien murrizketa-sortak hautsak harrotu ditu. Hala, EHNE laborarien sindikatuak protesta egin du astearte honetan, salatzeko Barne Departamentuak urratu egin duela hitzartua zuten suteen kontrako protokoloa.
Trumpen muga-zergek 400 milioi inguruko eragina izango lukete Euskadin, eta 73 milioi ingurukoa, Nafarroan
Bi lurraldeek dituzten esportazio-kopuruak direla eta, merkataritza-gerrak hainbat ondorio utziko lituzke Hego Euskal Herrian. Sektore kaltetuenak automobilgintza, makina-erremintagintza, altzairugintza eta ardogintza dira.
Udan egiten dira dendetako lapurreten % 26, eta ardoa, hestekiak eta aurpegiko kremak lapurtzen dira gehien-gehien
Jan-edatekoak daude Nielsenek egindako Estatu mailako rankingaren buruan. Horien atzetik zaintza pertsonalerako produktuak daude.
Debekatu egin dituzte zenbait nekazaritzako lan Nafarroan, sua dela eta
Nafarroako lurralde osoan debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak eragin baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.