Urkulluk EAJ-PSE ituna 'zabaltzea' proposatu du, suspertzea arintzeko
EAEko ekonomiaren suspertzea "arintzeko eta hobetzeko", EAJren eta PSE-EEren arteko akordioa gainontzeko alderdi politikoei zabaltzea proposatu du gaur Iñigo Urkullu lehendakariak. Horren hitzetan, suspertzea "oinarri sendo baten gainean" eman behar da.
Politika Orokorreko Osoko Bilkuran egindako hitzaldia Euskadik gaur egun duen egoera ekonomikoan oinarritu du Urkulluk. Besteak beste, Jaurlaritzak ikasturte honetan krisiari ekonomikoari aurre egiteko martxan jarriko dituen neurri ekonomikoak iragarri ditu,.
Datorren urtean ere, Aurrekontu "gogorra" onartuko dutela esan du Urkulluk. 2013. urtean Euskadiko ekonomiak % 1,2 egingo du behera eta langabezia-tasa % 14an kokatuko da, "krisialdi osoko daturik txarrena".
"Krisiaren errealitatea aintzat hartuta, gure helburua kolpeari eustea izan da. Gaur esan dezakegu krisiaren urak kontrolpean ditugula. Orain, suspertzeari ekin behar diogu, ilusio faltsurik gabe baina itxaropentsu", azpimarratu du.
Datorren urterako hazkundea iragarri du
Egoera "txarra" dela onartuta, Urkulluk % 1eko hazkundea iragarri du datorren urterako (Jaurlaritzak hazkundea % 0,8koa izango zela adierazi zuen). Euskadi "hazi egingo da", esan du lehendakariak, eta "oinarri sendo baten gainean" haziko dela berretsi du.
"Garai hobeak" datozela adierazten duten datuak
Etorkizuna "hobea" izango dela erakusten duten datuak esan ditu Urkulluk bere hitzaldian. Besteak beste, esportazioen hazkundea aipatu du. Urteko lehen seihilekoan % 2,5 hazi direla azpimarratu du. "Joera hori mantendu egingo dela aurreikusten dugu", adierazi du.
Barne Produktu Gordinaren eboluzioari buruz, 2013ko bigarren hiruhilekoan "inflexio puntu bat" izan dela gogoratu du lehendakariak. EAEko ekonomiak % 0,1 egin du behera, "eta horrek itxaropena suspertu egiten du".
EAJ
Joseba Egibar Eusko Alderdi Jeltzaleko ordezkariak lehendakariak aurkeztu duen "estatus berria" eta erabakitzeko eskubidea lotu ditu.
Era berean, Euskadi "subjektu politiko" bezala aitortzea ere ideia horrekin lotu du. EAJ alderdiak euskal autogobernuaren inguruan duen ikuspuntua azken hauteskundeen aurkeztutako programan jasota dagoela adierazi du Egibarrek. "Gure helburua estatutuaren markotik haratago joatea da", esan du.
EH Bildu
Bestalde, krisi ekonomikoari aurre egiteko subiranotasunaren "euskal bidea" martxan jartzea proposatu dio Laura Mintegi EH Bilduko bozeramaileak Urkulluri. Ekonomia-estatus berria dikotomia "benetakoa" ez dela ziurtatu du Mintegik.
Ekonomia "erantzun propioa emateko kapaz garen heinean" konponduko da, eta horretarako "gure estatusa zein den argitzea ezinbestekoa da, nork erabakiko du kristik nola ateratzen gara", Mintegiren ahotan.
PSE
Aldebakarreko plan soberanistak ez dituztela onartukoohartarazi dio Patxi Lopez PSE-EEko idazkari nagusiak lehendakariari. Edonola ere, EAEko herritarren arteko batasuna eta adiskidetasuna lortzeko itun berri bat egitea proposatu dio.
Batasuna eta askatasuna oinarri izango dituen garai berri bat abiatzeko gonbidapena egin dio Lopezek lehendakariari, gatazkak gainditzeko balioko duena.
PP
Arantza Quiroga Euskadiko PPko presidenteak EAJ eta PSEk sinatutako zerga-ituna izan du hizpide. PPko buruzagiaren iritziz, ituna "akats bat da" eta Bizkaia, Gipuzkoa eta Arabako lurralde historikoen subiranotasunaren aurka doa.
Krisitik irteteko neurri guztietan lagun izango duela adierazi dio Quirogak Urkulluri, egungo egoera ekonomikoa gainditzeak "ez baitu prezio politikorik".
UPyD
Euskadirentzat proposatzen duen estatus politiko berria zehazteko eskatu dio Gorka Maneiro UPyDko legebiltzarkideak Urkulluri; hala nola, "abian noiz jarri nahi duen, zein ezaugarri izango dituen eta hiritarrengan zer eragin izango duen".
Estatus politikorako proposamena zehazteko ausardiarik ez izana egotzi dio Urkulluri eta beste talde parlamentarioek proposatzen dutenari hainbeste ez begiratzeko eskatu dio.
Albiste gehiago ekonomia
Greba Bilboko Udaltzaingoaren telefono bidezko arreta-zerbitzuan, Aste Nagusian zehar
ELAk salatu du Udalak eta Lanalden azpikontratak ez dutela negoziatu nahi zerbitzua osatzen duten bost profesionalen lan-baldintzak hobetzea.
Jaurlaritzak onartu egin du Araban bi eguzki-parke eraikitzea, bata Agurainen eta bestea Arespalditzan
Euskal Herriko Agintaritzaren Aldizkariak ostegun honetan argitaratu du bi proiektuek ingurumen baimena lortu dutela. Instalazioek 32 hektareako azalera eta 20 megawatteko potentzia izango dute.
EHNE sindikatuak salatu du Nafarroako Gobernuak urratu egin duela suteei aurre egiteko hitzartutako protokoloa
Nafarroako Gobernuak suteak saihesteko lehen sektoreko hainbat jarduerei ezarri dien murrizketa-sortak hautsak harrotu ditu. Hala, EHNE laborarien sindikatuak protesta egin du astearte honetan, salatzeko Barne Departamentuak urratu egin duela hitzartua zuten suteen kontrako protokoloa.
Trumpen muga-zergek 400 milioi inguruko eragina izango lukete Euskadin, eta 73 milioi ingurukoa, Nafarroan
Bi lurraldeek dituzten esportazio-kopuruak direla eta, merkataritza-gerrak hainbat ondorio utziko lituzke Hego Euskal Herrian. Sektore kaltetuenak automobilgintza, makina-erremintagintza, altzairugintza eta ardogintza dira.
Udan egiten dira dendetako lapurreten % 26, eta ardoa, hestekiak eta aurpegiko kremak lapurtzen dira gehien-gehien
Jan-edatekoak daude Nielsenek egindako Estatu mailako rankingaren buruan. Horien atzetik zaintza pertsonalerako produktuak daude.
Debekatu egin dituzte zenbait nekazaritzako lan Nafarroan, sua dela eta
Nafarroako lurralde osoan debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak eragin baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.