Urkullu: 'Estatus politiko berria adosteko unea da'
Iñigo Urkullu lehendakariaren esanetan, "Euskadirentzako estatus politiko eta juridiko berria proposatzeko, negoziatzeko eta adosteko unea eta lekua da hau".
Agintariak Eusko Legebiltzarrean, politika orokorreko eztabaidan, adierazi duenez, Euskadiri Estuarekiko harremanari buruzko "proposamen berria" egitea dagokio, "xantaia terrorista bukatu" den eta "Estatu autonomikoa ahuldu" den honetan.
"Oinarri adostu baten inguruan gure autogobernua berritzeko aukera dugu", esan du Urkulluk. Gainera, bide hori "aniztasuna eta zorroztasun juridikoa" oinarri hartuta egitearen alde egin du.
Bake lantaldea
Lehendakariak babes "aktiboa" agertu dio Eusko Legebiltzarreko Bake eta Bizikidetza lantaldeari, PSE-EEk uko egin berri badio ere eta PP eta UPyD hasieratik partaide ez badira ere.
Horren ildotik, sentsibilitate politiko guztientzat "irekita" dagoela nabarmendu du.
"Lau aldeko akordioa"
Urkulluren hitzetan, "egoeraren erradiografia ikusita, beharrezkoa da lau tradizio politikoen [EAJ, EH Bildu, PSE-EE eta PP] arteko oinarrizko akordioaren zailtasuna azpimarratzea".
Dena dela, "horren konplexutasunaren eta garrantziaren jakitun" izanik, "lau aldeko akordioa" nahi duela adierazi du lehendakariak.
"Bost hamarkadaren ondoren, ETA bukatu egin da. Horrek elkarbizitza sozial eta politikorako garai berri bat hasten utzi digu. Garai berri horren gutxieneko oinarri etiko eta demokratikoak batera eraiki behar ditugu", gaineratu du.
Hori horrela, euskal gizarteak Bakea eta Bizikidetza "desira" dituela esan du Urkulluk.
Mezua Rajoyrentzat
Bestalde, bakearen eta bizikidetzaren alorretan Espainiako Gobernuaren jarrera lagungarria izan ez bada ere, "elkarrizketa eta akordioa" bilatzen jarraituko duela aurreratu du.
"Alor horretan esku hartzeko eta hori euskal erakundeekin adostuta egiteko eskatzen diogu Mariano Rajoyren Gobernuari", azpimarratu du.
Zure interesekoa izan daiteke
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.
PSE-EEk hizkuntza eskakizunei buruzko eztabaida gelditzea eskatu du, gero eta "polarizazio" handiagoa dagoelako
Sozialistek hizkuntza-indizeak legez blindatzea proposatu dute, arnasguneetan izan ezik, eta EAJren proposamenean "justifikaziorik gabeko gehiegikeriak" egon daitezkeela ohartarazi dute.