Fagor Etxetresnaken 'domino efektuaz' ohartarazi du Atutxak
Fagor Etxetresnak hartzekodunen konkurtsoan sartzeak kaltea eragin du Bizkaiko enpresetan eta erabakiak izan dezakeen 'domino efektuaz' ohartarazi du Itxaso Atutxa EAJren Bizkai Buru Batzarreko (BBB) presidenteak.
Onda Vasca irrati kateari eskainitako elkarrizketa batean, Edesaren bideragarritasun plana aurrera atera ez izana deitoratu du, Bizkaiko Aldundiaren eta Eusko Jaurlaritzaren ahaleginak gorabehera. "Azkenean ez da atera", erantsi du. "Jaurlaritzak hilabeteak daramatza langile horientzat konponbide bat topatu guran, hori da bere kezka nagusia", agertu du.
Azaldu duenez, Edesaren kontura Aldundiak egindako eskaintza "Fagorrekin hitz eginda" zegoen erakundeen arteko bileraren aurretik, "hainbatetan gainera". Akordioa iragarri eta hiru egunera, "beste aukerarik ez zegoela" plazaratu zuen Fagorrek, adierazi du.
Langileen egoeraz ere mintzatu da EAJko buruzagia. Nabarmendu duenez, beharginak beste enpresa batzuetan sartzen "bazkideentzako konponbidea topatzen dabil" Mondragon Korporazioa, baina "kooperatibistak ez diren langile asko dago, langabezian" eta Bizkaiko beste enpresa batzuetan ere "egoera oso larria da". Batzuk itxi behar izan dituztela gogorarazi du, eta ildo horretan, "gerta litekeen domino efektuaz" ohartarazi du, "fitxak bata bestearen ondotik jausi ahal dira", gaineratu du.
Txanponaren beste aldean, ITP enpresa bizkaitarrak lortutako kontratua edo sektore aeronautikoa sustatzeko Zamudioko parkearen bultzada aipatu ditu Atutxak. "Denbora daramagu negozio aukera hau lantzen, punta-puntako kontua da", azpimarratu du honen kontura.
Zure interesekoa izan daiteke
Aldizkari ofizialak argitaratu ditu jada Espainiako Gobernuaren krisiaren aurkako neurriak, eta bihar jarriko dira indarrean
Elektrizitatearen BEZa % 21etik % 10era jaitsiko da, gasolinaren, gasolioaren eta beste hidrokarburo batzuena bezalaxe.
Tubos Reunidoseko langileek trafiko arazoak eragin dituzte Bilbon, Sabino Arana etorbidea moztuta
Tubos Reunidoseko langileek Sabino Arana etorbidea moztu dute. Argazkia: EITB Media
EBZk inflazioaren gorakada eta hazkundearen moteltzea aurreikusi ditu, Ekialde Hurbileko gerraren ondorioz
Abenduko proiekzioekin alderatuta, aurten bereziki inflazioak gora egingo duela ohartarazi du Europako Banku Zentralak (EBZ), Ekialde Hurbileko gerraren ondorioz energiaren prezioak nabarmen igo direlako.
Angularik ezin dela arrantzatu berretsi du EAEko Justizia Auzitegi Gorenak
Iazko azaroan, 2025-2026rako aurreikusitako angularen kanpaina bertan behera geratu zen EAEn, Eusko Jaurlaritzaren txostenek espeziea egoera kritikoan zegoela egiaztatu baitzuen.
Diesel litroa 2 eurotik gora dago Hego Euskal Herriko gasolindegi askotan
Gasolioaren prezioa % 30,78 igo da martxoan, Irango gerrak eragindako ezegonkortasunaren ondorioz, eta maximo berria ezarri du, litroko 1,916 eurora iritsi baita EAEn, batez beste, 2022ko uztailetik izan duen preziorik garestiena.
Euskadiko CCOOk gaitzetsi du ELAk "seinalamendu kanpaina" darabilela haren kontra, eta adierazi du euskararen aldeko jarrera "integratzailea" duela
Comisiones Obrerasek salatu du sindikatuaren aurkako manifestazio kanpaina bat darabiltzatela beste sindikatuek, euskararekiko eta hizkuntza eskakizunekiko duen jarrera dela eta. Santi Martinez idazkari nagusiak, gainera, Korrikan parte hartzeko "betoa" jarri izana gaitzetsi du, eta sindikatu abertzaleak haien kontra "erakunde ultra batek egingo lukeen moduan" jokatzen ari direla uste du.
Aste Santuan greba egingo dute Bilboko aireportuko Grounforceko lurreko asistentziako langileek
Lanuzteak martxoaren 27an hasiko dira eta apirilaren 1ean (asteazkena), apirilaren 3an (Ostiral Santua) eta 6an (Pazko Astelehena) izango lukete eragina. KPIaren diferentzialari eta erosahalmenari eustea aldarrikatzen dute langileek. Handling enpresa horrek zerbitzua ematen duen Estatuko aireportu guztietan izango dira greba-deialdiak.
Nafarroako Ekonomia eta Gizarte Kontseiluak Irango gerraren ondorioei aurre egiteko neurriak aztertuko ditu
Nafarroako Gobernuak aurreratu du Ministroen Kontseiluak ostiral honetan iragarriko dituen neurriak arretaz aztertuko dituela Nafarroan aplika daitezkeen egiaztatzeko.
"Indarberriturik eta helburua lortzetik gertuago" atera dira langile klasea eta indar sindikala, ELAren eta LABen ustez
Sindikatuen ustez, greba orokorra "klase elkartasun erakustaldia" izan da. LGS propioa lortzeko bideak zabalik daudela adierazi dute (bai patronalarekin, bai Espainiako Kongresuan) eta Jaurlaritzari eta, bereziki, EAJri, eskatu diote argitu dezala Legebiltzarrean eta Espainian dituen jarrera kontraesankorrak.
Atzoko greba orokorra "indar erakustaldia" izan zen, LAB eta ELA sindikatuen aburuz
Radio Euskadin eta Euskadi Irratian egindako elkarrizketetan LAB eta ELAko idazkari nagusiek adierazi dutenez, atzokoak "oso mobilizazio jendetsuak izan ziren, 135.000 pertsona ere batu zirela". "Indarberrituta atera gara", azpimarratu du Garbiñe Aranburu LABen koordinatzaile nagusiak.