Argindarraren prezioa %2,3 igoko da urtarrilaren 1etik
Mariano Rajoy Espainiako Gobernuko presidenteak iragarri du argindarraren ordainagiria %2,3 igoko dela 2014ko urtarrilaren 1etik aurrera eta soilik urteko lehen hiruhilekorako.
Urteko azken ministroen kontseiluaren aurretik egin duen prentsaurrekoan egin du iragarpena eta igoera horrela banatzen da: Energiaren prezioari dagokionean, %1,4 igoko da eta ordainlekuen igoerari dagokionean, %0,9 (ordainagiriaren alderdi arautua). Rajoyk jakinarazi du neurri hori 2014ko lehen hiru hilabeteetan izango dela indarrean eta Gobernua lanean ari dela Merkatuaren eta Konpetentziaren Batzordeak egindako aholkuen ildotik doan mekanismo bat martxan jartzeko.
Argindarraren igoera dekretu bitartez onartu dute, Rajoyk jakinarazi duenez. Konpetentziaren txosten batek hala gomendatuta aritu dira: iragan abenduaren 19an izan zen azken argindarraren enkantea eta prezioa %11 igoko zela adostu zuten. Gero, gobernuak bertan behera utzi zuen.
Rajoyk adierazi du legegintzaldi honetako azken bi urteotan "agian" argindarraren sektorearen erreforma izan dela gobernuak aurre egin behar duen gairik garrantzitsuena. Horren harira, gogoratu du 2011an gobernura heldu zirenean 26.000 milioi euroko tarifa defizita zegoela eta ezer egitekotan, urtean 10.000 milioi euro handituko zela. Horregatik, erabaki "oso garrantzitsuak eta oso zailak" hartu behar izan dituztela sektorea berritzeko, 2014rako "porrotera" ez eramateko.
Rajoyk esan du Espainiak Europako argindarrik garestiena duela eta hori "txarra" dela lehiakortasunerako eta enplegua sortzeko, enpresentzat kostu handia suposatzen baitu. Horrela, Espainiak kontsumitzen duenaren energia elektrikoaren bikoitza sortu dezake eta urte batzuetan %6 igo da. Horrek ez du "azalpenik".
Bigarren etxebizitzei, igoera handiagoa
Industria, Energia eta Turismo Ministerioaren arabera, argindarrak urtarrilean izango duen % 2,3ko igoerak familien ordainagiria % 0,1 eta 0,2 artean garestituko du, eta bigarren etxebizitzena, aldiz, % 5.
Sistema berriak bigarren etxebizitza izatea zigortuko du, kontsumoa txikia izan arren, gehoago ordaindu beharko dutelako.
Albiste gehiago ekonomia
Gipuzkoako alokairuen erreferentzia-prezioen indizea uztailean egongo da martxan
Gipuzkoa izango da gune tentsionatuetako alokairuaren prezioak arautzeko indizea jakingo duen lehen lurraldea. Bestalde, Bilbok uztailerako atzeratu du eremu tentsionatu izendapena, eta Gasteizek irailean hasiko ditu izapideak.
BBVAk Sabadellen akzioak erosteko eskaintzarekin jarraitzen duen erabaki behar du, Espainiako Gobernuak fusioa hiru urtera luzatzeko agindua eman ostean
Salvador Illa Generalitateko presidentea pozik agertu da, erabakiak "lehia orekatua" eta "langileen, bezeroen eta enpresen eskubideak" bermatzen dituelako.
Hiru behargin hil dira lan-istripuz 24 orduan
LAB sindikatuak salatu duenez, bi langile hil dira basolanetan ari zirela, Altsasun (Nafarroa) eta Eskoriatzan (Gipuzkoa). Beste batek istripu ez traumatikoa izan du, Donostian.
Donostiako Gizarte Ekintzako greba bertan behera utzi dute, aurreakordioa itxi ostean
Akordioa azken hilabeteetan mobilizazio ugari eta 12 greba egun egin ondoren erdietsi da. Lan-gatazka urte hasieran hasi zen.
800 alegazio aurkeztu dituzte Mandoiako Feroskana parke eolikoaren aurka, Arratian
200 metroko altuera eta 27 megawtteko potentzia duten sei aerosorgailuz osatutako parke honek Usansolo, Igorre edo Lemoa bezalako udalerriei eragin diezaieke, baita herri txikiagoei ere.
Gobernuak onartu du BBVA Sabadellen jabe izateko EEPa, baina bat-egitea hiru urte barru gauzatuko litzateke
Carlos Cuerpok Ministroen Kontseiluaren osteko prentsaurrekoan iragarri duenez, Gobernuak operazioa onetsi du, baldintza jakin batzuekin. Horrela, bi erakundeek nortasun juridikoa eta ondarea bereizita mantendu beharko dituzte, eta autonomia osoz jokatu beharko dute kudeaketan, hiru urtez. BBVAk eskaintzarekin jarraitzen duen, bertan behera uzten duen edo Gorenean errekurtsoa jarriko duen erabaki beharko du orain.
Bizkarrak bere 12 dendak eta bi lantegiak itxiko ditu ekainaren 30ean
Dendak ditu Galdakaon (5), Bilbon (3), Usansolon (2), Basaurin (1) eta Lemoan (1), bai eta bi lantegi ere, okindegia bata eta gozotegia bestea, biak Usansolon.
45 urteko langile bat hil da Altsasun, zuhaitzak mozten ari zela adar bat gainera erorita
Behargin errioxarra baso lanetan ari zela adar bat erorita hil da. Bertara iristeko zaila den baso batean gertatu da ezbeharra, Auntzetan. LAB sindikatuak salatu duenez, aurten dagoeneko 29 behargin hil dira Euskal Herrian.
José Antonio Jainagak jasoko du aurtengo Joxe Mari Korta Saria
Uztailaren 10ean Donostian jasoko du saria Jainagak, Imanol Pradales lehendakaria buru izango duen ekitaldi batean.
Lezoko Interal enpresak bi greba egun deitu ditu, Enplegu Erregulazioko Espedientea ezarri eta 226 langileetatik 85 kaleratuko dituztela salatzeko
Langileen batzordeak ekainaren 26rako eta uztailaren 2rako deitu ditu greba egunak, eta uztailaren 8tik aurrera greba mugagabea hasteko aukera ere aurreikusi du.