Soria: "Argindarraren prezioa ez da % 11 igoko"
Espainiako Merkatu eta Lehia Batzordeak ez du ontzat eman atzo izandako elektrizitate enkantea, eta bertan behera uztea erabaki du, "ezohiko gertakariak" egon direla argudiatuta. Batzordeak zehaztu duenez, "ezohiko hainbat gertakari jaso dira, aldi berean, merkatuen prezioak oso altu dauden testuinguru batean".
Enkante horren arabera, energiaren kostua % 25,6 igoko da, eta, ondorioz, argindarraren prezioak % 10,5 egingo du gora. Espainiako Gobernuak ezarriko lukeen elektrizitate-bidesarien % 1eko igoera gehitu beharko litzaioke horri. Hala, familia bakoitzak, batez beste, 100 euro gehiago ordaindu beharko lituzke argindarraren truke.
Agiri baten bidez, Lehia Batzordeak argitu du enkantea egiteko modua aldatzeko aholkua emanda duela lau urtetik. Handizkako merkatuan prezioak ezartzerakoan gertatzen ari diren "ohiz kanpoko mugimenduak" aztertzeko ikerketa bide bat zabalduta dutela ere gaineratu du.
Enkantea bertan behera uzteko erabakia goizaldean hartu du Lehia Batzordeak, 04:15ean hain zuzen. Ordu horretan helarazi dio erabakia Estatuko Energia Idazkaritzari eta Espainiako Merkatuaren Operadoreari, eta azken erakunde horri zegokion enkantean parte hartu zuten eragile guztiei jakinaraztea.
Soria: "Argindarraren prezioa ez da % 11 igoko, inolaz ere"
Urtarriletik aurrera argindarraren prezioa % 11 igo daitekeen berriak zalaparta handia sortu zuen atzo. Gaur, Lehia Batzordearen erabakiaren berri izan eta gero, Soriak ziurtatu du argindarraren prezioa ez dela % 11 igoko, baina ez ditu zehaztu hori hala izateko hartuko dituzten neurriak. Halaber, ministroak jakinarazi du enkanteen araudia berrikusiko dutela, eta, berriro halakorik gerta ez dadin, aldaketak egingo dituztela.
Tarifa elektrikoaren oinarria ezartzeko bi aldagai hartzen dira kontuan: elektrizitate-bidesaria eta energiaren kostua. Bi aldagaion batuketari zergak gehitu behar zaizkio. Bidesariak Gobernuak ezartzen ditu, dagokion ministerioaren aginduaren bidez. Energiaren kostua, berriz, alorreko eragileek hiru hilean behin egiten duten enkantean erabakitzen da.
"Enkanteen araudian zenbait aldaketa jasotzeko ordua iritsi da, sistema aldatzeko aukera baztertu gabe", esan du ministroak RNEn egin dioten elkarrizketan. "Argindarraren prezioa ez da % 11 igoko, inolaz ere", zehaztu du, eta egoera berria aztertzen ari direla adierazi du.
Elektrizitate konpainien jarrerari buruz galdetuta, Soriak esan du "oso bitxia" dela hasiera hasieratik konpainiok prozesua gardena izan dela esatean erakutsi duten "segurtasuna". "Manipulazioa egon den zantzurik bagenuen. Prozesu gardena izan dela esateko, ez dakit zertan oinarritzen diren elektrizitate konpainiak, orduak aurrera doazen heinean argi geratzen ari baita ez dela hala izan", gaineratu du.
Zure interesekoa izan daiteke
Pasaiako portuak urtean 10 milioi inbertitzea aurreikusten du, "Ardatz Atlantikoko nodo lehiakor" gisa kokatzeko
EAJren eta PSE-EEren arteko ika-mika iturri den portuaren eskumenaren transferentziaz galdetuta, Izaskun Goñi Pasaiako Portu Agintaritzako presidenteak adierazi du hori arlo politikoan argitu behar dela.
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELAk adierazi du asanbleak ez duela baliorik eta "ezin duela greba-deialdia aldatu"; aldi berean, ESK-k zalantzan jarri du bere zilegitasuna.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.
Apirilean, 3.368 langabe gutxiago zenbatu dituzte EAEn, eta 833 gutxiago, Nafarroan
Urtearteko datuak alderatuta, langabeziak behera egin du bai EAEn (-3.006) eta baita Nafarroan ere (-588).
Tubos Reunidosek hartzekodunen konkurtsoa aurkeztu du
Enpresak maiatzaren 6an bilera egingo du Trapagaran eta Amurrioko langile batzordeekin. Bestalde, Amurrioko greba mugagabearekin jarraitu ala ez erabakitzeko asanblada egin ahal izateko beharrezkoak ziren 235 sinadurak aurkeztu dituzte Lan Ikuskaritzaren aurrean.
Medikuek mahai sektoriala eratzea eskatu dute, “Osakidetzaren egitura aldatzeko”
Salatu dutenez, lanean jasaten duten "gainkargak" etengabe luzatzen diren "agenda txikle" deritzonak eragiten dizkie, eta horrek haien osasunerako kaltegarria da.