Epaileak 29,5 milioiko fidantza zibila ezarri dio Magdalena Alvarezi
Andaluziako enplegu-erregulazioko espedienteen (EEE) auzia ikertzen ari den epaileak 29.568.129 euroko fidantza zibila ezarri dio Magdalena Alvarez Espainiako Sustapen ministro eta Andaluziako Ogasun kontseilari izan zenari. Mercedes Ayalaren aburuz, hamar urte iraun zuen legez kanpoko diru-laguntza sistema baten sortzaileetako bat izan zen Alvarez.
Horrez gain, Alayak 22.176.096,89 euroko fidantza zibila ezarri dio Jose Salgueiro Ekonomia eta Ogasun kontseilari ohiari, eta 8.870.438,76 eurokoa, Antonio Estepa Andaluziako Ogasun saileko idazkari nagusi ohiari.
Ebazpenaren arabera (horren kontra helegitea jarri ahal dute oraindik), epaileak audientzia izan arteko epea ematen die hiru inputatuei, autoa jakinarazten zaien egunaren biharamunetik aurrera, fidantza aurkezteko. Hori egin ezean, baina, ondasunak bahituko dizkiete, erantzukizun horiekin betetzeko.
Alvarez epailearen aurrean egon zen lehen aldian (2013ko urriaren 8an), Ustelkeriaren aurkako Fiskaltzak eta Andaluziako Gobernuak ez zuten inputatuarentzat inolako neurririk eskatu. Manos Limpiasek osatzen duen akusazioak, berriz, 125 milioiko fidantza zibila ezartzeko eskakizuna egin zuen.
Mercedes Alayak prebarikazio delituaren eta diru publikoaren erabilera okerraren zantzuak aurkitu ditu, eta delituen larritasun eta egokitasunaren araberako bermea ezarri die.
Magdalena Alvarezek "guztiz errugabea" dela esan du
Magdalena Alvarez Andaluziako Ekonomia eta Ogasun kontseilari ohiak "guztiz errugabetzat" jo du bere burua, prebarikazio eta fondo publikoen bidegabeko erabilpenari dagokionez, lan erregulazio txosten faltsuen kasuan.
Alverezek, Mercedes Alaya epaileak 29,5 milioi euroko fidantza jarri diola jakin ostean, bere inputazioa ez dela sendoa nabarmendu du, Auzitegian aurkeztutako helegitearen zain dagoelako, eta horren epai apirilaren 23an irtengo delako.
Gogoratu beharra dago inputazioaren lehenengo autoan, 2013ko ekainaren 23an, organo jurisdikzional horrek baliogabetzat jo zuela", azaldu du oharrean, eta honako hau gaineratu du. "Beraz, lekuz kanpo dago fidantza zibilaren inposaketa gaiari buruzko helegitea ebazten den arte, delitua dagoen ala ez".
"Une batean ere ez" Ministerio Fiskalak ez Andaluziako Batzarrak ez Estatuko Abokatutzak hartutako kautelazko neurria beharrezkotzat ez zutela jo esan du Alvarezek.
Albiste gehiago ekonomia
BetiOn arreta zerbitzuak langileen aurkako erasoak eta babes falta salatu ditu
Sindikatuek beharginen osasunarekin "ez jolasteko" eskatu diete enpresari eta Eusko Jaurlaritzari, eta protesta elkarretaratzea deitu dute irailaren 9rako.
Bilbo tentsio handiko eremu da jada
Euskal Herriko Agintaritzaren Aldizkariak (EHAA) gaur argitaratu du Bilbo etxebizitza gune tentsionatu izendatzeko agindua; alokairuen prezioa kontrolatzeko aukera emateaz gain, etxebizitza plan berezi bat martxan jartzea ahalbidetuko du izendapenak. Besteak beste, 2028rako 1.090 etxebizitza eraikitzea aurreikusten da.
Nafarroak iruzurraren aurkako plana onartu du, NaTicket ezarrita
Foru Gobernuak NaTicket izeneko programa aplikatuko du hurrengo hiru urteetan, Euskadiko TicketBAI sistemaren antzekoa, fakturazioa unean-unean kontrolatzeko.
Ryanairrek % 2 murriztuko du Forondako hegaldi kopurua neguan, eta ez du jardungo Santiago, Vigo eta Tenerifeko aireportuetan
Alacant, Brusela, Malaga, Milan, Palma eta Sevillarako hegaldiak ditu Ryanairrek Forondako aireportuan. Doitze-neurri horren ondorioz, milioi bat plaza baino gehiago galduko dira, udako denboraldian galdutako 800.000 plazez gain.
Maderas de Llodiok langileen batzordeari adierazi dio kaleratze kolektiboa ezartzekotan daudela
LAB sindikatuak adierazi duenez, datorren asteartean, hilak 9, bilera bat dute enpresaren zuzendaritzarekin, baina batzordeak eskatu du kaleratze kolektiboaren prozedura berehala bertan behera utz dezaten. Momentuz, ez dakite 151 langileetako zenbati eragingo liokeen neurriak.
Arabako Errioxako ardoak, txakolinak eta sagardoak Mexikora bidaiatu dira, Euskadi globalaren enbaxadore gisa
Amaia Barredo sailburua Mexiko Hirian da 23 euskal upeltegiren ordezkaritzarekin batera, euskal gastronomiaren kalitate eta bikaintasun zigiluarekin merkatu berriak irekitzeko asmoarekin.
Eusko Legebiltzarrak ez du izapidetuko gutxieneko pentsioa Lanbidearteko Gutxieneko Soldatarekin berdintzea eskatzen duen herri-ekimena
Eusko Jaurlaritzaren jarreraren arrazoi nagusietako bat da pentsioak jasotzen dituztenentzako babesa dagoeneko integratuta dagoela egungo sisteman. Ekimenak 145.000 sinadura baino gehiagoren babesa du.
Azazetan auto istripuan hildako gidaria etxez etxeko laguntzaile lanetan ari zen
LAB sindikatuak lan-istriputzat jo du ezbeharra, eta etxez etxeko laguntzaren sektoreko baldintza prekarioak salatu ditu.
Abuztuan, langabezia-tasa ia % 4 igo da EAEn, eta % 0,53 jaitsi da Nafarroan
109.169 langabe daude erregistratuta Euskadin, eta, Nafarroan, berriz, 28.390. Espainian, langabezia-tasa % 0,91 igo da, eta langabeen kopurua 2.426.511ra iritsi da, 2007az geroztik abuztuan izandako mailarik txikiena.
LAB sindikatuak soldatak duintzea du urte honetarako lehentasunetako bat
Salatu du ziurgabetasun ekonomikoa aitzakia gisa erabiltzen ari dela lan-baldintzak prekarizatzeko. Horregatik, iragarri du bere helburua izango dela soldatak KPItik gora igotzea negoziatzea eta, batez ere, gutxieneko soldata propioa sortzea.