Makina-erremintaren fakturazioak % 5-10 egingo du behera 2014. urtean
Estatuko makina-erremintaren sektoreak bere kezka adierazi du gaur, urtea datu “txarrekin” hasi duelako eta, urte amaieran, fakturazioa % 5 edo % 10 jaistea aurreikusten duelako, batez ere India edota Txinako eskaerek behera egin dutelako. 2013. urtean 1.412 milioi euroko fakturazioa lortu zuen sektoreak.
Iaz, urtea espero zutena baino hobea izan zela onartu du gaur Jose Ignacio Torrecilla AFM elkartearen presidenteak. Hala ere, 2014. urtea “ilun” datorrela esan du Donostian egindako agerraldian.
Lan-karga falta da arazo nagusia, Torrecillasen hitzetan. Iaz espero zena baino % 6,4 gehiago saldu zen, baina jasotako eskarien kopuruak behera egin zuen nabarmen, % 13,3. Horrez gain, 2014ko lehenengo hiruhilekoa “ahula” izan dela azpimarratu du Torrecillasek.
Hala ere, aurreikuspen “onak” ditu makina-erremintaren sektoreak, datorren ekainean BECen egingo duten Estatu mailako azokari begira.
Produkzioak eta esportazioek gora egin zuten iaz, eta horrek urtea aurreikusitakoa baino hobeto ixtea ahalbidetu zion sektoreari. Esportazioetan inoizko daturik onena utzi zuen 2013. urteak, %8 pasatxo igota.
Baina eskaerak % 13 murriztu ziren iaz eta aurtengo lehen hiruhilekoan kopurua %20 jaitsi dela aintzat hartuta, 2014 “zaila” aurreikusi du Xabier Ortueta Espainiako Makina-erremintaren Ekoizleen Federazioko zuzendari nagusiak.
Txinako eta Indiako merkatuen geldialdia da oztopo nagusietakoa. Alemania da oraindik orain esportazio merkatu garrantzitsuena, baina ez da nahikoa, eta Espainiako merkatuak iaz izandako hazkundeak ez du orekatzen jaitsiera hori.
Jaurlaritzak abiatutako Renove Planak sektorean eragin positiboa izan duela esan dute sektoreko ordezkariek. Ehun bat enpresek eta ia 6.000 langilek osatzen dute Euskadin makina-erremintaren sektorea.
Zure interesekoa izan daiteke
Hurtado sailburuak turismo-zerga 2027an EAE osoan aplikatu ahal izatea espero du
Javier Hurtado Turismo sailburuak "positibotzat" jo du aldundiek egindako foru arauaren edukia, eta hiru lurralde historikoetarako araudi "homogeneoa" dela nabarmendu du. Gainera, zerga progresiboa izatea txalotu du, "gehien duenak gehiago ordaintzea" eragingo duelako.
Bizkaian garraio publikoko deskontuak abenduaren 31ra arte luzatuko dira
14 urtetik beherako adingabeek garraioa doan izango dute urte amaierara arte eta deskontuak egongo dira Gazte tarifetan eta bidaia ugariko gainerako abonuetan. Hobari-neurriak otsailera arte zeuden indarrean, eta ostegun honetan Bizkaiko Garraio Partzuergoak erabaki du abenduaren 31ra arte mantentzea.
EAErako zerga turistikoa onartzeko aurreproiektua, martxan: eguneko 7,5 eurorainokoa izan daiteke
Egonaldi turistikoen gaineko zerga udarako indarrean izatea aurreikusten dute Araba, Bizkaia eta Gipuzkoako aldundiek. Hori bai, udalerri denetan ez da aldi berean indarrean sartuko, batzar nagusiek zerga onartu eta foru araua lurralde bakoitzeko agerkari ofizialetan argitaratu ostean, udalek sei hilabeteko epea izango dutelako udal-ordenantzak egokitzeko. Udalerri bakoitzari dagokio zerga kobratzea.
BBVAk 10.511 milioi irabazi ditu 2025ean, % 4,5 gehiago
Aldaketa-tasa egonkorra erabilita, mozkinen hazkundea % 19,2koa izan zen. Erakundeko presidenteak adierazi duenez, errekor berri horrek agerian uzten du "hazkundea eta errentagarritasuna konbinatzeko dugun gaitasuna".
ELA, LAB, CC. OO. eta ESK sindikatuek Ertzaintzak Gasteizen manifestari "baketsuen" aurka egindako "erasoak" salatu dituzte
Arabako esku-hartze sozialaren sektorean lan-hobekuntzak eskatzeko mobilizazioa egin dute Arabako hiriburuan.
Inbertitzaileen euskal partzuergoak Uvesco erosteko prozesua amaitu du
Uvesco Taldeak, BM eta Super Amara marken matrizeak, 344 establezimendu eta 7.000 langile baino gehiago ditu gaur egun. Banaketa taldeak Hego Euskal Herrian, Madrilgo Erkidegoan, Avilan, Kantabrian eta Errioxan jarduten du une honetan.
AP-15 autobidea autoentzat doakoa izango da 2029tik aurrera
2029tik aurrera Nafarbide sozietate publikoaren esku geratuko da AP-15 autobidearen kudeaketa.
Confebaskek txalotu egin du gutxieneko soldataren inguruko epaia, "bere egitekoa bete" duela erakusten duelako
Ohar batean, patronalak nabarmendu du hasieratik erabili duen argudioa ontzat eman duela epaileak. Hau da, lanbide arteko gutxieneko soldatari buruzko negoziazioa Jaurlaritzaren eskumena dela.
ELAk eta LABek helegitea jarriko diote EAEko Justizia Auzitegi Nagusiaren epaiari eta gutxieneko soldata propioaren aldeko mobilizazioa areagotuko dute
Epaiak gutxieneko soldata baten negoziazioa bermatzen duela eta Confebask negoziatzera behartu beharko lukeela defendatzen dute.
EAEko Justizia Auzitegi Nagusiak ezetsi egin du ELAk eta LABek Confebasken aurka LGS propioagatik jarritako salaketa
Bi sindikatuek eskatu zuten legez kanpokotzat jotzeko Confebasken negoziaziorako ezezkoa, Langileen Estatutuan jasotzen den fede onez negoziatzeko betebeharraren aurkakotzat jotzen zutelako. Auzitegiak arrazoia eman dio patronalari, eta adierazi du Langileen Estatutuaren 27. artikuluak Espainiako Gobernuari ematen diola horretarako eskumena, eta, beraz, ziurtatu du patronalaren ezezkoa justifikatuta dagoela, gai hori ezin baita zentral salatzaileek sustatutako negoziazioan sartu.