Deialdiak lanpostuak suntsituko dituela salatu dute langileek
EiTB taldearen irrati-kateetako langileek Administrazio Kontseiluak onartutako enplegu deialdi publikoaren aurka egin dute. Izan ere, "ezkutuko enplegu erregulazio espedientea" dela eta "79 langile kaleratzea" ekarriko duela salatu dute. Horien esanetan, "EiTBn inoiz izandako murrizketarik handiena" izango da.
EiTBren Administrazio Kontseiluak atzo onartu zuen enplegu deialdia, EAJk, EH Bilduk, LAB sindikatuak, Eusko Ikaskuntzak eta Maite Iturbe zuzendari nagusiak alde bozkatuta. Hain zuzen ere, 49 lanpostuko deialdia egin du, kontratu "mugagabe ez finkoa" duten 79 langile "behin betiko erregularizatzeko", zuzendaritzaren esanetan.
79 langile horien kontratuak legez kanpokoak zirela ebatzi zuen Lan Ikuskaritzak 2010. urtean, eta, Eusko Irratia Kaleratzeak kolektiboak gogorarazi duenez, ikuskariek eurek "erregularizatu" zituzten orduan.
Hori dela eta, 49 lanpostuko deialdia "ezkutuko enplegu erregulazio espedientea" dela eta "enplegua suntsitzea" ekarriko duela salatu dute kaltedunek. "[49 lanpostuko] kopuru hau ez da aski gaur egun dugun eta egiten den irrati publikoaren modelorako", ohartarazi dute.
Agiri batean, langileek "lanpostuak suntsitzea babestu izana" leporatu diote LAB sindikatuari, eta "harridura" agertu dute EH Bilduk "langileen aurkako botoa" eman duelako eta EAJ eta Eusko Jaurlaritza "lan publikoaren suntsiketan gorengo lekuetan" jarri direlako.
Kaltedunek elkarretaratzea egin zuten atzo EiTBren egoitza nagusian, Bilbon, eta auzitara joko dutela aurreratu dute. Gainera, mobilizazioak eta lanuzteak abiatzeko deia egin diete sindikatuei.
Zure interesekoa izan daiteke
Diesel litroa 2 eurotik gorakoa da jada Hego Euskal Herriko gasolindegi askotan
Gasolioaren prezioa % 30,78 igo da martxoan, Irango gerrak eragindako ezegonkortasunaren ondorioz, eta maximo berria ezarri du, litroko 1,916 eurora iritsi baita EAEn, batez beste, 2022ko uztailetik izan duen preziorik garestiena.
Euskadiko CCOOk gaitzetsi du ELAk "seinalamendu kanpaina" darabilela haren kontra, eta adierazi du euskararen aldeko jarrera "integratzailea" duela
Comisiones Obrerasek salatu du sindikatuaren aurkako manifestazio kanpaina bat darabiltzatela beste sindikatuek, euskararekiko eta hizkuntza eskakizunekiko duen jarrera dela eta. Santi Martinez idazkari nagusiak, gainera, Korrikan parte hartzeko "betoa" jarri izana gaitzetsi du, eta sindikatu abertzaleak haien kontra "erakunde ultra batek egingo lukeen moduan" jokatzen ari direla uste du.
Aste Santuan greba egingo dute Bilboko aireportuko Grounforceko lurreko asistentziako langileek
Lanuzteak martxoaren 27an hasiko dira eta apirilaren 1ean (asteazkena), apirilaren 3an (Ostiral Santua) eta 6an (Pazko Astelehena) izango lukete eragina. KPIaren diferentzialari eta erosahalmenari eustea aldarrikatzen dute langileek. Handling enpresa horrek zerbitzua ematen duen Estatuko aireportu guztietan izango dira greba-deialdiak.
Nafarroako Ekonomia eta Gizarte Kontseiluak Irango gerraren ondorioei aurre egiteko neurriak aztertuko ditu
Nafarroako Gobernuak aurreratu du Ministroen Kontseiluak ostiral honetan iragarriko dituen neurriak arretaz aztertuko dituela Nafarroan aplika daitezkeen egiaztatzeko.
"Indarberriturik eta helburua lortzetik gertuago" atera dira langile klasea eta indar sindikala, ELAren eta LABen ustez
Sindikatuen ustez, greba orokorra "klase elkartasun erakustaldia" izan da. LGS propioa lortzeko bideak zabalik daudela adierazi dute (bai patronalarekin, bai Espainiako Kongresuan) eta Jaurlaritzari eta, bereziki, EAJri, eskatu diote argitu dezala Legebiltzarrean eta Espainian dituen jarrera kontraesankorrak.
Atzoko greba orokorra "indar erakustaldia" izan zen, LAB eta ELA sindikatuen aburuz
Radio Euskadin eta Euskadi Irratian egindako elkarrizketetan LAB eta ELAko idazkari nagusiek adierazi dutenez, atzokoak "oso mobilizazio jendetsuak izan ziren, 135.000 pertsona ere batu zirela". "Indarberrituta atera gara", azpimarratu du Garbiñe Aranburu LABen koordinatzaile nagusiak.
Albiste izango dira: Greba orokorraren balantzea, Iranek Ali Larijaniren heriotza eta Ipar Euskal Herriko udal hauteskundeen bigarren itzulia
Orain-ek gaur landuko dituen albiste nagusien laburpena.
Ertzaintzak hiru pertsona atxilotu ditu greba orokorraren egunean
Desordena publikoak egitea leporatzen zaie. Gainera, bost pertsona ikertzen ari da eta 165 identifikatu ditu.
Egungo gutxieneko soldata kobratzen dutenek diote ez dela nahikoa duintasunez bizi ahal izateko
Zaintzan eta garbiketan; ostalaritzan eta turismoan; saltokietan, logistikan eta nekazaritzan… Arlo horietan ohikoa izaten da lanbidearteko gutxieneko soldata erreferentziatzat hartzea ordainsariak ezartzeko. Langileek salatzen dute jasotzen duten horrekin ezin dela bizi, eta ezinbesteko jotzen dute 1.500 eurora igotzea, duintasunez bizi ahal izateko.
Donostia Ospitalearen parean manifestazioa egin dute medikuek, estatutu eta gutxieneko soldata propioa eskatzeko
Euskadiko Medikuen Sindikatuak deituta, medikuek bat egin dute M17ko greba orokorreko aldarrikapenekin. Medikuek bigarren greba astea hasi zuten atzo, estatutu propioa eskatzeko.