Urkulluk ekonomiaren hobekuntza nabarmendu du Biurtekoaren irekialdian
Iñigo Urkullu lehendakariak Makina Erremintaren Biurtekoaren 28. edizioa inauguratu du astelehen honetan, 11:00etan. Bertan 27 herrialdetatik etorritako 1.314 enpresatako makina-erremintak izango dira ikusgai, aurreko ekitaldian baino % 12 gehiago.
Erakusketa larunbata arte egongo da irekita Bilbao Exhibition Centren (BEC), Barakaldon, eta eraikinaren sei pabiloietako lau hartuko ditu.
Sektorearentzat mugarri izan nahi du azokak, Estatuko azoka garrantzitsuenak, eta Europako hirugarrenak. Eusko Jaurlaritzatik jakinarazi dutenez, gainera, 30 milioi euroko eragina izango du EAEko Barne Produktu Gordinean, eta 4,5 milioi euro jasoko dira zerga bidez.
Atzerritarrak izango dira azokan parte hartuko duten enpresen % 57, eta 24 herrialdetatik etorritako erosleak espero dira; Argentinakoak, Txinakoak, AEBkoak, Marokokoak, Mexikokoak, Errusiakoak eta Turkiakoak, besteak beste.
Euskal ekonomiaren hobekuntza
Lehendakariak euskal ekonomiaren hobekuntza azpimarratu du, eta, dagoeneko lanpostuak sortzen hasi direla azaldu du.
Urkulluk esan du aste honetan "frogatuko" direla adierazgarri ekonomiko positiboak, "bosturteko krisi" baten ostean, lanpostuak sortzera iritsi direla.
"Txarrena gainditu dugu, eta, orain, etorkizuna argiago ikusten da", adierazi du Urkulluk, inaugurazioan, "une on" batean, gaineratu du.
Lehendakariak enpresarien alde egin du, enpresak "enpresariak eta langileak" osatzen dituztela esatean, "ez langileek soilik". Halaber, horietan ezinbestekoak direla gaineratu du "arriskatzen, inbertitzen eta sakrifikatzen diren enpresariak, langilek sakrifikatzen diren bezala".
Eusko Jaurlaritzak industriarekin, duen konpromisoa nabarmendu Urkulluk, eta hori aste honetan enpresa txiki eta ertainen esportazioan laguntzeko 100 milioiko programa bat onartzean islatuko dela azaldu du.
Zure interesekoa izan daiteke
BBVAk 10.511 milioi irabazi ditu 2025ean, % 4,5 gehiago
Aldaketa-tasa egonkorra erabilita, mozkinen hazkundea % 19,2koa izan zen. Erakundeko presidenteak adierazi duenez, errekor berri horrek agerian uzten du "hazkundea eta errentagarritasuna konbinatzeko dugun gaitasuna".
ELA, LAB, CC. OO. eta ESK sindikatuek Ertzaintzak Gasteizen manifestari "baketsuen" aurka egindako "erasoak" salatu dituzte
Arabako esku-hartze sozialaren sektorean lan-hobekuntzak eskatzeko mobilizazioa egin dute Arabako hiriburuan.
Inbertitzaileen euskal partzuergoak Uvesco erosteko prozesua amaitu du
Uvesco Taldeak, BM eta Super Amara marken matrizeak, 344 establezimendu eta 7.000 langile baino gehiago ditu gaur egun. Banaketa taldeak Hego Euskal Herrian, Madrilgo Erkidegoan, Avilan, Kantabrian eta Errioxan jarduten du une honetan.
AP-15 autobidea autoentzat doakoa izango da 2029tik aurrera
2029tik aurrera Nafarbide sozietate publikoaren esku geratuko da AP-15 autobidearen kudeaketa.
Confebaskek txalotu egin du gutxieneko soldataren inguruko epaia, "bere egitekoa bete" duela erakusten duelako
Ohar batean, patronalak nabarmendu du hasieratik erabili duen argudioa ontzat eman duela epaileak. Hau da, lanbide arteko gutxieneko soldatari buruzko negoziazioa Jaurlaritzaren eskumena dela.
ELAk eta LABek helegitea jarriko diote EAEko Justizia Auzitegi Nagusiaren epaiari eta gutxieneko soldata propioaren aldeko mobilizazioa areagotuko dute
Epaiak gutxieneko soldata baten negoziazioa bermatzen duela eta Confebask negoziatzera behartu beharko lukeela defendatzen dute.
EAEko Justizia Auzitegi Nagusiak ezetsi egin du ELAk eta LABek Confebasken aurka LGS propioagatik jarritako salaketa
Bi sindikatuek eskatu zuten legez kanpokotzat jotzeko Confebasken negoziaziorako ezezkoa, Langileen Estatutuan jasotzen den fede onez negoziatzeko betebeharraren aurkakotzat jotzen zutelako. Auzitegiak arrazoia eman dio patronalari, eta adierazi du Langileen Estatutuaren 27. artikuluak Espainiako Gobernuari ematen diola horretarako eskumena, eta, beraz, ziurtatu du patronalaren ezezkoa justifikatuta dagoela, gai hori ezin baita zentral salatzaileek sustatutako negoziazioan sartu.
EAEko taxilariek manifestazioa egin dute Bilbon VTC plataformen "gehiegikerien" aurka
Taxien sektorean egiten dituzten azterketa berdinak eskatzen dizkiete erakundeei plataforma hauentzat. Salatu dutenez, Bizkaian ibilgailu hauentzat lizentzia berrien "jarioa etengabea" da, Foru Aldundiak baimenduta. Jakitera eman dutenez, Gipuzkoan egoera desberdina da, ez delako lizentzia berririk ematen. Araban, berriz, "erresistentzia instituzionala handiagoa" dela diote.
Mikel Jauregiren arabera, Tubos Reunidosen irtenbideak "bideragarria" izan behar du, eta berregituraketak, "epe luzekoa"
Eusko Jaurlaritzako Industria, Trantsizio Energetiko eta Jasangarritasun sailburuak eragile guztien artean Tubos Reunidosen benetako bideragarritasuna bilatzearen eta Amurrion eta Trapagaranen industria-jarduerari eutsiko dion "etorkizuneko industria-proiektu bat osatzearen alde" egin du Radio Euskadin. Hala ere, onartu du zorra arazo garrantzitsua dela eta "egoera zaila" dela.
Gipuzkoako Aldundia tasa turistikoa uda honetan indarrean jartzekotan dago
Foru Gobernuaren Kontseiluak aurreikusten du martxoaren 17an onartu dezakeela zerga arautuko duen lege-proiektua. Ondoren, Batzar Nagusietara eramango dute eztabaidatzeko eta, onartzen bada, udalerriak aplikatzen hasi ahal izango dira.