BBK eta Vital Kutxa fundazio bihurtzea adostu dute EAJk eta PSEk
Itxaso Atutxa EAJren EBBko buruzagiak jakinarazi duenez, PSErekin aurre-akordio batera iritsi dira BBK eta Vital Kutxa fundazio bihurtzeko. Alderdi Popularrarekin ere hitzarmena lortzen saiatuko direla erantsi du.
Itxaso Atutxa EAJren EBBko buruzagiak jakinarazi duenez, PSErekin aurre-akordio batera iritsi dira BBK eta Vital Kutxa fundazio bihurtzeko. Alderdi Popularrarekin ere hitzarmena lortzen saiatuko direla erantsi du.
ETB egindako elkarrizketan, Atutxak azaldu du PSErekin aurre-akordioa itxita dagoen arren, "PPren jarrera Vital Kutxarekiko zein izango den" jakitea falta dela.
Hala eta guztiz ere, Atutxa ziur agertu da azkenean hiru alderdien arteko akordioa izango dela. "Kutxentzako positiboa da, banku fundazio bihurtzeko bidean, eta, ondorioz, Kutxabankentzako ere positiboa da".
Horrenbestez, onuraduna euskal gizartea izango dela gaineratu du, "banku sistema egonkorra behar dugulako".
Bestalde, Joseba Permach eta Ainhoa Beola EH Bilduko kideek agerraldia egin dute gaur, BBK, Vital eta Kutxa aurrezki kutxetako ordezkariekin batera, Kutxabanken kapital pribatua sartzea ekiditeko proposamena aurkezteko.
EH Bilduk salatu du EAJren, PPren eta PSEren helburua "hiru kutxak desagerraraztea" dela, "banku fundazioetan bihurtzeko, ekaina amaitu orduko".
Ildo horretan, aipatu alderdiek azken asteotan bilerak egin dituztela esan du Permachek, "karguak ezkutuan banatzeko eta fundazioen estatutuak eztabaida publikorik gabe onartzeko".
Kutxabanken izaera soziala eta publikoa bermatuko duen hitzarmena ezinbestekotzat jo du Permachek, eta akordio hori posible dela erantsi du. Kutxabanken kapital pribatua sartzea ekiditeko zenbait neurri jarri ditu mahai gainean EH Bilduk, eta datozen egunetan alderdiekin eta gizarte eragileekin bilerak egingo dituztela iragarri du.
Horrez gain, Eusko Jaurlaritzak auzi honetan izan duen jarrera gogor kritikatu dute, lege propio bat egiteko izan duen aukera galdu egin duelakoan.
"Iñigo Urkulluren Gobernuak sei hilabete izan ditu lege propio bat onartzeko, baina lege-egitasmo bat aurkezteko ere ez dira gai izan", salatu du Permachek.
Albiste gehiago ekonomia
Sidenor eta Legazpiko Udala zigortu dituzte langile bati amiantoagatik kalte-ordaina ematera
EAEko Auzitegi Nagusiak atzera bota ditu enpresaren eta Udalaren helegiteak, eta berretsi egin du 376.305 euroko zigorra amiantoaren eraginpean egoteagatik.
BSHko langileek babesa eman diote zuzendaritzak eta gehiengo sindikalak lortutako akordioari, aldeko 475 bozkekin
Langileen % 78k bat egin du aurreko ostegunean UGT, CCOO, ATISS eta Solidari sindikatuetako ordezkariek adostu zuten aurreakordiorekin. Horren arabera, 609 lagun kaleratuko dituzte kalteordainekin eta lantegia itxiko dute.
Euskadiko Parke Teknologikoaren etorkizuneko campusa eraikitzen hasi dira Zorrotzaurren: Idom, Mondragon eta abangoardiako enpresak hartuko ditu
Aurreneko eraikina Tarabusi pabiloi zaharraren kokalekuan egongo da, Galletaginen etorbidean. Bilboko Campusean teknologikoki aurreratuak diren hainbat enpresa ezartzea aurreikusten da.
Parte-hartze zabala BSHn, lan-erregulazioko espedientearen aurreakordioaren inguruko bozketan
Eguerdiko 13:00etarako langileen % 80k eman du bozka. Enpresa batzordearen gehiengoak, ELAk eta LABek izan ezik, joan zen asteazkenean lortu zuen aurreakordioa zuzendaritzarekin, eta, horren arabera, lantegia itxi eta 609 pertsona kaleratuko dituzte, 655 izan beharrean.
Arabako Ogasunak 181 milioi euro itzuli ditu errentaren kanpainan
Guztira, 200.457 aitorpen egin dira, aurreko ekitaldian baino % 3 gehiago. Datu hori "Arabako ekonomiaren martxa onaren sintoma" da Itziar Gonzalo Ogasun diputatuaren arabera.
Euskadiko hotel-ostatuek duela urtebete baino ia % 10 bidaiari gehiago izan dituzte ekainean
Arlo guztietan gora egin dute ekaineko turismo datuek Euskadin; izan ere, hoteletako gelaren bataz besteko prezioa % 8 garestiago izan da, 138 eurokoa, eta gelen okupazioa, % ia 80koa, % 3 pasatxo altuagoa. Lurraldeka, Gipuzkoan izan du bidaiari-sarrera gorakada handiena, % 11,30, baina hiriburuen artean Bilbon hazi da gehien.
Bizkaiko autoeskoletako langileek hirugarren greba egunari ekin diote
Goizeko 08:30ean manifestazioa abiatu dute Bilboko Casilda Iturrizar Parketik Bizkaiko autoeskoletako irakasleek. Zazpi hilabete daramatzate sindikatuek patronalarekin negoziatzen, baina hainbat bilera egin eta gero, ez dute akordiorik lortu. Hirugarren greba eguna dute gaur, lan hitzarmena berritzea eskatzeko.
Hirugarren greba eguna izango dute Bizkaiko autoeskolek astelehen honetan, azken bilerak porrot egin eta gero
ELA eta CC.OO. sindikatuek hiru greba egun deitu zituzten uztailerako eta partehartze handia izan dute aurreko biek. Aurreko astean, uztailaren 15ean, bildu ziren APAVI patronalarekin baina ez zuten akordiorik erdietsi. Gauzak honela, irailaren 2an izango dute hurrengo bilera.
'La Suizako 6ak' erabat aske uzteko eskatu dute, hirugarren gradua lortu ostean
CNT sindikatuak elkarretaratzeak egin ditu Bilbon eta Donostian, 'La Suizako 6ak' ezizenez ezagun egin diren sei sindikalisten alde. Izan ere, bost emakume eta gizon bati kartzela zigorrak ezarri dizkiete Gijongo 'La Suiza' gozotegiaren aurrean, langile baten kaleratzearen aurka, protestak eta mobilizazioak egiteagatik.
Asteburuko greba bertan behera utzi dute Gipuzkoako Avanzako langileek
Langileek greba egiteko eskubiderako "gutxieneko baldintzak" betetzen ez direla deitoratu du enpresa-batzordeak.