Uriarte: 'Lan deialdiak jasangarritasuna bermatzea du helburu'
Cristina Uriarte Eusko Jaurlaritzako Kultura sailburuaren esanetan, EiTB taldeko irrati kateetan deitutako lan eskaintza publikoaren helburua "baliabide publikoen kudeaketa eragingarria" bermatzea da, "jasangarritasuna indartzeko".
Atzo, Radio Euskadiko langileek 24 orduko greba egin zuten, lan deialdi publikoak "lanpostuak suntsituko" dituela eta "ezkutuko erregulazio espedientea" dela salatzeko.
Halaber, Euskadi Irratiko eta Radio Vitoriako langileek bi orduko lanuztea egin zuten, Radio Euskadikoen mobilizazioak babesteko.
Gaur, Eusko Legebiltzarrean egindako kontrol saioan, Uriartek lan deialdia hartu du hizpide, Mikel Unzalu legebiltzarkide sozialistaren galdera bati erantzunda.
Horren haritik, deialdiaren helburua "kontratu mugagabe ez finkoa duten 49 langileren egoera erregularizatzea" dela azaldu du Uriartek.
Sailburuak nabarmendu egin du EiTBren zuzendaritzak "sindikatuekin hiru puntuetako bitan" akordioa lortu izana, baina eskainitako plaza kopuruan adostasunik ez dagoela aitortu du.
Dena dela, deialdia "antolakuntza beharren eta aurrekontuetako aukeren arabera" egin dutela gaineratu du.
Uriarteren hitzetan, deialdiaren irizpideak PSE-EEren Eusko Jaurlaritzak deitutakoaren "berdinak" dira, eta horretan ere sindikatuek ez zioten oniritzia eman plaza kopuruari.
PSE-EEren salaketa
Bestalde, Mikel Unzaluk deialdia "alde sozialarekin akordioa lortu gabe" egin izana deitoratu du, eta Radio Euskadin "79 langile kaleratuko" dituztela esan du. Gainera, helegite judizialek prozesua "kolokan" utziko dutela ohartarazi du.
Hori dela eta, PSE-EEko legebiltzarkideak "astakeri hau geldiarazteko" eta deialdiaren baldintzak aldatzeko eskatu du.
Zure interesekoa izan daiteke
Euskadiko CCOOk gaitzetsi du ELAk "seinalamendu kanpaina" darabilela haren kontra, eta adierazi du euskararen aldeko jarrera "integratzailea" duela
Comisiones Obrerasek salatu du sindikatuaren aurkako manifestazio kanpaina bat darabiltzatela beste sindikatuek, euskararekiko eta hizkuntza eskakizunekiko duen jarrera dela eta. Santi Martinez idazkari nagusiak, gainera, Korrikan parte hartzeko "betoa" jarri izana gaitzetsi du, eta sindikatu abertzaleak haien kontra "erakunde ultra batek egingo lukeen moduan" jokatzen ari direla uste du.
Aste Santuan greba egingo dute Bilboko aireportuko Grounforceko lurreko asistentziako langileek
Lanuzteak martxoaren 27an hasiko dira eta apirilaren 1ean (asteazkena), apirilaren 3an (Ostiral Santua) eta 6an (Pazko Astelehena) izango lukete eragina. KPIaren diferentzialari eta erosahalmenari eustea aldarrikatzen dute langileek. Handling enpresa horrek zerbitzua ematen duen Estatuko aireportu guztietan izango dira greba-deialdiak.
Nafarroako Ekonomia eta Gizarte Kontseiluak Irango gerraren ondorioei aurre egiteko neurriak aztertuko ditu
Nafarroako Gobernuak aurreratu du Ministroen Kontseiluak ostiral honetan iragarriko dituen neurriak arretaz aztertuko dituela Nafarroan aplika daitezkeen egiaztatzeko.
"Indarberriturik eta helburua lortzetik gertuago" atera dira langile klasea eta indar sindikala, ELAren eta LABen ustez
Sindikatuen ustez, greba orokorra "klase elkartasun erakustaldia" izan da. LGS propioa lortzeko bideak zabalik daudela adierazi dute (bai patronalarekin, bai Espainiako Kongresuan) eta Jaurlaritzari eta, bereziki, EAJri, eskatu diote argitu dezala Legebiltzarrean eta Espainian dituen jarrera kontraesankorrak.
Atzoko greba orokorra "indar erakustaldia" izan zen, LAB eta ELA sindikatuen aburuz
Radio Euskadin eta Euskadi Irratian egindako elkarrizketetan LAB eta ELAko idazkari nagusiek adierazi dutenez, atzokoak "oso mobilizazio jendetsuak izan ziren, 135.000 pertsona ere batu zirela". "Indarberrituta atera gara", azpimarratu du Garbiñe Aranburu LABen koordinatzaile nagusiak.
Albiste izango dira: Greba orokorraren balantzea, Iranek Ali Larijaniren heriotza eta Ipar Euskal Herriko udal hauteskundeen bigarren itzulia
Orain-ek gaur landuko dituen albiste nagusien laburpena.
Ertzaintzak hiru pertsona atxilotu ditu greba orokorraren egunean
Desordena publikoak egitea leporatzen zaie. Gainera, bost pertsona ikertzen ari da eta 165 identifikatu ditu.
Egungo gutxieneko soldata kobratzen dutenek diote ez dela nahikoa duintasunez bizi ahal izateko
Zaintzan eta garbiketan; ostalaritzan eta turismoan; saltokietan, logistikan eta nekazaritzan… Arlo horietan ohikoa izaten da lanbidearteko gutxieneko soldata erreferentziatzat hartzea ordainsariak ezartzeko. Langileek salatzen dute jasotzen duten horrekin ezin dela bizi, eta ezinbesteko jotzen dute 1.500 eurora igotzea, duintasunez bizi ahal izateko.
Donostia Ospitalearen parean manifestazioa egin dute medikuek, estatutu eta gutxieneko soldata propioa eskatzeko
Euskadiko Medikuen Sindikatuak deituta, medikuek bat egin dute M17ko greba orokorreko aldarrikapenekin. Medikuek bigarren greba astea hasi zuten atzo, estatutu propioa eskatzeko.
Eusko Jaurlaritzak istiluak gaitzetsi ditu eta elkarrizketa sozialaren alde egin du gutxieneko soldata propioa lortzeko
Maria Ubarretxena bozeramailea bat etorri da gutxieneko soldata propioa lortzeko aldarrikapenarekin, baina ez konfrontazio bidearekin.