Mutuen legea onartu du Espainiako Gobernuak
Gizarte Segurantzarekin lanean ari diren mutualitateak erreformatzeko lege-proiektua onartu du gaur Ministroen Kontseiluak. Era berean, aldi baterako ezintasuna kudeatzeko errege-dekretua onartu du Exekutiboak.
Soraya Saenz de Santamaria Gobernuko presidenteordeak eta Fatima Bañez Enplegu ministroak prentsaurrekoa eman dute gaur erreformak azaltzeko.
Enplegu ministroaren hitzetan, legeak mutuen erregimen juridikoa argitzen eta sistematizatzen du, sistemaren prestazioak hobetzen ditu langileen mesederako eta laneko arriskuak prebenitzen ditu.
Erreformarekin langile bati senda-agiria eman edo ukatu diotela mutuari eta Gizarte Segurantzako Institutu Nazionalari (INSS) jakinarazteko bost eguneko epea izango du Osasun Zerbitzu Publikoetako ikuskaritza medikoak.
Osasun Zerbitzu Publikoak mutuaren alta proposamena atzera bota edo epearen barruan erantzuten ez baldin badu, mutuak Gizarte Segurantzako Institutu Nazionalari senda-agiria eskatu ahal izango dio. INSSk erantzuteko lau eguneko epea izango du.
300 milioiko aurrezkia
Aldi baterako ezintasunaren kudeaketan izango den hobekuntzarekin prestazioetan urtero 300 milioi euro aurreztuko dituztela uste du Gobernuak. Gainera, prestazioa bertan behera uzteko aukera izango dute langilea medikuaren azterketara aurkezten ez den kasuetan.
Horrela, langileak lau eguneko epearen barruan azterketara zergatik ez den aurkeztu behar bezala justifikatzen ez baldin badu, aldi baterako ezintasuna amaituko da.
Bestalde, langileak ez dira zazpi egunik behin osasun zentrora joan beharko bajak jasotzera. Jarraipen medikoak erabakiko du tramitearen aldizkakotasuna.
Sindikatuak, aurka
UGT sindikatua legearen kontra agertu da. Interes ekonomikoen mesederako egindako egitasmoa dela argudiatu du sindikatuak; izan ere, langileen babes soziala eta osasuna arriskuan jartzen ditu.
CCOOren hitzetan, legeak mutuen izaera pribatua indartzen du, eta bitarteko publikoek prestazioak kudeatzeko duten gaitasuna zalantzan jartzeko eskumenak ematen dizkie arauak mutuei.
Zure interesekoa izan daiteke
CAFek lortu egin du "mendeko kontratua": 1.700 milioi euro Belgikan trenak egiteko
Beasainen egoitza duen konpainiak kontratu horren inguruko ziurgabetasunarekin amaitu du; izan ere, polemika handia piztu zen han, Alstom enpresa frantziarrak dagoeneko hainbat lantegi baititu Belgikan, eta enpresa horrek kontratua ez lortzea kritikatu zuten.
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.