EAJk, PSEk eta PPk ordezkariak izendatu dituzte Kutxako Patronatuan
EAJ, PSE eta PP alderdiek Gipuzkoako Batzar Nagusietan ostegun honetan Kutxako Patronaturako hautagaiak izendatu dituzte, Bilduk eta Aralarrek bozketan parte hartu gabe, azken horiek hautagaiak proposatzeari uko egin zioten.
Kutxako Patronatuan EAJri dagozkion lau ordezkari izendatu dituzte: Xabier Iturbe, Carlos Tamayo, Antonio Campos eta Gipuzkoako Alzheimerraren Elkartea (Manuel Beraza, Urko Bidegain eta Carmen Solozarno dira ordezkoak). PSEren proposamenak, honako hauek: Guillermo Echenique, Miren Karmele Aguirrezabala eta Jose Miguel Martin (Angel Garcia, José Maria Bermejo eta Eduardo Placeres ordezkoak). PPren aldetik: Blanca Tejada (Almudena Gandasegui ordezkoa).
Bildu eta Aralar alderdietako batzarkideek errefusatu egin zuten Kutxako Patronaturako hautagaiak proposatzea, eta ez dute bozketan parte hartu. Judith Garcia Bilduko batzarkideak prozesu hau “eztabaidatu gabe” aurrera eraman izana kritikatu du, eta izendapen hauek egitean “zergatik horrenbeste presa” galdegin du, abendura arteko epea denean Kutxa banku-fundazio bilakatzeko.
Halaber, Adundiak egindako proposamena babestu du, Kutxabanken dituen akzioak dohain sortuko den ohiko fundaziora eta Gipuzkoako instituzioetara, Aldundira eta udaletara pasatzea, erakundearen “kontrol publikoa bermatzen” duelako.
Bestalde, Xabier Ezeizabarrena EAJko batzarkideak ezker abertzalea “berandu dabilela” esan du eta Batzar Nagusietan prozedura hau “gardentasun osoz” eraman dela babestu du.
Rafaela Romero sozialisten prokuradoreak PSEk, EAJk eta PPk Aralarren eta Bilduren aldetik jasotako “mehatxuak” salatu ditu, eta prozeduraren izendapenen aurka egin nahi bazuen “ondo egin behar zuela, denborarekin” azaldu du.
Iñigo Manrique PPko batzarkideak prozesua gauzatu den eraren alde egin du, eta “beste jarrera batzuk dituztenen errespetu falta” deitoratu du.
Zure interesekoa izan daiteke
Angularen arrantza kanpainak bertan behera jarraitzea berretsi du EAEko Justizia Auzitegi Gorenak
Iazko azaroan, 2025-2026rako aurreikusitako angularen kanpaina bertan behera geratu zen EAEn, Eusko Jaurlaritzaren txostenek espeziearen egoera kritikoa egiaztatu ondoren.
Diesel litroa 2 eurotik gorakoa da jada Hego Euskal Herriko gasolindegi askotan
Gasolioaren prezioa % 30,78 igo da martxoan, Irango gerrak eragindako ezegonkortasunaren ondorioz, eta maximo berria ezarri du, litroko 1,916 eurora iritsi baita EAEn, batez beste, 2022ko uztailetik izan duen preziorik garestiena.
Euskadiko CCOOk gaitzetsi du ELAk "seinalamendu kanpaina" darabilela haren kontra, eta adierazi du euskararen aldeko jarrera "integratzailea" duela
Comisiones Obrerasek salatu du sindikatuaren aurkako manifestazio kanpaina bat darabiltzatela beste sindikatuek, euskararekiko eta hizkuntza eskakizunekiko duen jarrera dela eta. Santi Martinez idazkari nagusiak, gainera, Korrikan parte hartzeko "betoa" jarri izana gaitzetsi du, eta sindikatu abertzaleak haien kontra "erakunde ultra batek egingo lukeen moduan" jokatzen ari direla uste du.
Aste Santuan greba egingo dute Bilboko aireportuko Grounforceko lurreko asistentziako langileek
Lanuzteak martxoaren 27an hasiko dira eta apirilaren 1ean (asteazkena), apirilaren 3an (Ostiral Santua) eta 6an (Pazko Astelehena) izango lukete eragina. KPIaren diferentzialari eta erosahalmenari eustea aldarrikatzen dute langileek. Handling enpresa horrek zerbitzua ematen duen Estatuko aireportu guztietan izango dira greba-deialdiak.
Nafarroako Ekonomia eta Gizarte Kontseiluak Irango gerraren ondorioei aurre egiteko neurriak aztertuko ditu
Nafarroako Gobernuak aurreratu du Ministroen Kontseiluak ostiral honetan iragarriko dituen neurriak arretaz aztertuko dituela Nafarroan aplika daitezkeen egiaztatzeko.
"Indarberriturik eta helburua lortzetik gertuago" atera dira langile klasea eta indar sindikala, ELAren eta LABen ustez
Sindikatuen ustez, greba orokorra "klase elkartasun erakustaldia" izan da. LGS propioa lortzeko bideak zabalik daudela adierazi dute (bai patronalarekin, bai Espainiako Kongresuan) eta Jaurlaritzari eta, bereziki, EAJri, eskatu diote argitu dezala Legebiltzarrean eta Espainian dituen jarrera kontraesankorrak.
Atzoko greba orokorra "indar erakustaldia" izan zen, LAB eta ELA sindikatuen aburuz
Radio Euskadin eta Euskadi Irratian egindako elkarrizketetan LAB eta ELAko idazkari nagusiek adierazi dutenez, atzokoak "oso mobilizazio jendetsuak izan ziren, 135.000 pertsona ere batu zirela". "Indarberrituta atera gara", azpimarratu du Garbiñe Aranburu LABen koordinatzaile nagusiak.
Albiste izango dira: Greba orokorraren balantzea, Iranek Ali Larijaniren heriotza eta Ipar Euskal Herriko udal hauteskundeen bigarren itzulia
Orain-ek gaur landuko dituen albiste nagusien laburpena.
Ertzaintzak hiru pertsona atxilotu ditu greba orokorraren egunean
Desordena publikoak egitea leporatzen zaie. Gainera, bost pertsona ikertzen ari da eta 165 identifikatu ditu.
Egungo gutxieneko soldata kobratzen dutenek diote ez dela nahikoa duintasunez bizi ahal izateko
Zaintzan eta garbiketan; ostalaritzan eta turismoan; saltokietan, logistikan eta nekazaritzan… Arlo horietan ohikoa izaten da lanbidearteko gutxieneko soldata erreferentziatzat hartzea ordainsariak ezartzeko. Langileek salatzen dute jasotzen duten horrekin ezin dela bizi, eta ezinbesteko jotzen dute 1.500 eurora igotzea, duintasunez bizi ahal izateko.