Kutxa banku fundazio bilakatu da eta Bilduk bileratik alde egin du
Kutxa banku fundazio bihurtu da. EAJk, PSE-EEk, PPk, CCOOk eta Pixkanakak aldaketari babesa eman diote. EH Bilduko kontseilariek, ostera, batzarretik alde egin dute, Gipuzkoako Foru Aldundiak egindako proposamena eztabaidatzerik izan ez dutelako.
Kutxa Banku Fundazioa izena hartuko du entitate berriak, agiri batean azaldu dutenez.
Batzarreko 76 kontseilarietatik 71 bileran izan dira. Era berean, Juan Karlos Izagirre Donostiako alkatea eta Martin Garitano Gipuzkoako ahaldun nagusia bertan izan dira. Kutxak Kutxabanken dituen akzioak udalen esku uzteko planteamendua defendatu du Garitanok, entitatearen kontrol publiko eta soziala mantentzeko. Banku fundazioarekin kontrol publikoa galduko dela uste du ahaldun nagusiak.
Honenbestez, BBKk eta Vital Kutxak banku fundazio bihurtzea adostu eta ia lau hilabete geroago bozketa egin du Kutxak.
EH Bilduk batzarretik alde egin du
EH Bilduko ordezkariek batzarra utzi dute Gipuzkoako Foru Aldundiak egindako proposamena eztabaidatzerik izan ez dutelako.
Zentzu horretan, Kutxan egin behar duten "lapurreta" salatu du Ainhoa Beola kontseilariak. Bileran hitza kendu dietela ziurtatu du EH Bilduko ordezkariak. Hitza hartu behar zuten unean argindarra "kendu" dutela salatu du Beolak.
Kutxako batzar nagusia. Argazkia: EFE
Hala ere, aretoa utzi baino lehen EH Bilduko bost ordezkarik hitza hartu dutela jakinarazi du Kutxako agiri ofizialak. Xabier Iturbe kutxako presidenteak protokolozko agurra egin eta gero EH Bilduko ordezkariek hitza hartu dute, agiri ofizialaren arabera.
Aldundiaren proposamena eztabaidatzeko aukera "ostu" dietela salatu du Garitanok batzarrera sartu baino lehen. Aldundiaren proposamena "bidezkoa, legezkoa eta Gipuzkoarentzat mesedegarria" zela adierazi du. Kutxaren akzioen zati bat udalen eskuetan uztea aurrezki-kutxaren kontrol publikoa mantentzeko modu bakarra zela esan du ahaldun nagusiak.
Batzarra, auzitara?
"Atzera egiteko bide guztiak aztertzen" ari direla ziurtatu du Garitanok. Horretarako, "borondate politikoa" dagoela uste du ahaldun nagusiak.
"Kutxa berriro gipuzkoarrena izateko aukerarik pasatzen ez dugu utziko. 15 partikularrek banku fundazioa nahierara erabiliko dute, jabeak eta fundatzaileak izango balira bezala, baina ez da horrela", azpimarratu du Garitanok.
Bestalde, batzarraren aurka egitea atertzen ari direla adierazi du Beolak. Aldundiaren proposamena eztabaidatzeko eskaera hiru aldiz egin dutela gogorarazi du. Entitateko estatutuek eta Aurrezki-kutxen Legeak babesa ematen dietela uste du.
Kutxako egoitzaren kanpoan zeuden manifestarien babesa jaso dute EH Bilduko ordezkariek. "Pribatizazioaren" aurkako plataformako kideek kanpaldi txiki bat antolatu dute eta protesta egiteko pankartak eta kartelak erabili dituzte elkarretaratzean.
Estatutu berriak eta 11 kideko patronatua
30.000 euroko diru-kopurua izango du entitate berriak, legeak ezarritako gutxienekoa, alegia, Kutxak agiri batean jakitera eman duenez.
EH Bilduko ordezkariak batzarrean izan ez direnez, akordioak kontrako botorik eta abstentziorik gabe onartu dituzte. Fundazioaren estatutuak eta patronatuko 11 kideen hautaketa aho batez babestu dituzte kontseilariek.
Zure interesekoa izan daiteke
Angularen arrantza kanpainak bertan behera jarraitzea berretsi du EAEko Justizia Auzitegi Gorenak
Iazko azaroan, 2025-2026rako aurreikusitako angularen kanpaina bertan behera geratu zen EAEn, Eusko Jaurlaritzaren txostenek espeziearen egoera kritikoa egiaztatu ondoren.
Diesel litroa 2 eurotik gorakoa da jada Hego Euskal Herriko gasolindegi askotan
Gasolioaren prezioa % 30,78 igo da martxoan, Irango gerrak eragindako ezegonkortasunaren ondorioz, eta maximo berria ezarri du, litroko 1,916 eurora iritsi baita EAEn, batez beste, 2022ko uztailetik izan duen preziorik garestiena.
Euskadiko CCOOk gaitzetsi du ELAk "seinalamendu kanpaina" darabilela haren kontra, eta adierazi du euskararen aldeko jarrera "integratzailea" duela
Comisiones Obrerasek salatu du sindikatuaren aurkako manifestazio kanpaina bat darabiltzatela beste sindikatuek, euskararekiko eta hizkuntza eskakizunekiko duen jarrera dela eta. Santi Martinez idazkari nagusiak, gainera, Korrikan parte hartzeko "betoa" jarri izana gaitzetsi du, eta sindikatu abertzaleak haien kontra "erakunde ultra batek egingo lukeen moduan" jokatzen ari direla uste du.
Aste Santuan greba egingo dute Bilboko aireportuko Grounforceko lurreko asistentziako langileek
Lanuzteak martxoaren 27an hasiko dira eta apirilaren 1ean (asteazkena), apirilaren 3an (Ostiral Santua) eta 6an (Pazko Astelehena) izango lukete eragina. KPIaren diferentzialari eta erosahalmenari eustea aldarrikatzen dute langileek. Handling enpresa horrek zerbitzua ematen duen Estatuko aireportu guztietan izango dira greba-deialdiak.
Nafarroako Ekonomia eta Gizarte Kontseiluak Irango gerraren ondorioei aurre egiteko neurriak aztertuko ditu
Nafarroako Gobernuak aurreratu du Ministroen Kontseiluak ostiral honetan iragarriko dituen neurriak arretaz aztertuko dituela Nafarroan aplika daitezkeen egiaztatzeko.
"Indarberriturik eta helburua lortzetik gertuago" atera dira langile klasea eta indar sindikala, ELAren eta LABen ustez
Sindikatuen ustez, greba orokorra "klase elkartasun erakustaldia" izan da. LGS propioa lortzeko bideak zabalik daudela adierazi dute (bai patronalarekin, bai Espainiako Kongresuan) eta Jaurlaritzari eta, bereziki, EAJri, eskatu diote argitu dezala Legebiltzarrean eta Espainian dituen jarrera kontraesankorrak.
Atzoko greba orokorra "indar erakustaldia" izan zen, LAB eta ELA sindikatuen aburuz
Radio Euskadin eta Euskadi Irratian egindako elkarrizketetan LAB eta ELAko idazkari nagusiek adierazi dutenez, atzokoak "oso mobilizazio jendetsuak izan ziren, 135.000 pertsona ere batu zirela". "Indarberrituta atera gara", azpimarratu du Garbiñe Aranburu LABen koordinatzaile nagusiak.
Albiste izango dira: Greba orokorraren balantzea, Iranek Ali Larijaniren heriotza eta Ipar Euskal Herriko udal hauteskundeen bigarren itzulia
Orain-ek gaur landuko dituen albiste nagusien laburpena.
Ertzaintzak hiru pertsona atxilotu ditu greba orokorraren egunean
Desordena publikoak egitea leporatzen zaie. Gainera, bost pertsona ikertzen ari da eta 165 identifikatu ditu.
Egungo gutxieneko soldata kobratzen dutenek diote ez dela nahikoa duintasunez bizi ahal izateko
Zaintzan eta garbiketan; ostalaritzan eta turismoan; saltokietan, logistikan eta nekazaritzan… Arlo horietan ohikoa izaten da lanbidearteko gutxieneko soldata erreferentziatzat hartzea ordainsariak ezartzeko. Langileek salatzen dute jasotzen duten horrekin ezin dela bizi, eta ezinbesteko jotzen dute 1.500 eurora igotzea, duintasunez bizi ahal izateko.