Istiluak izan dira Bizkaibuseko greba mugagabearen bigarren egunean
Itziar Garamendi Bizkaiko Garraiobideen diputatuak gezurra esatea egotzi die sindikatuei, Bizkaibuseko langileek duten lan gatazkan, eta greba mugagabearen “alde bat” bertan behera uzteko eskatu die, konponbidea ekarriko duen negoziazioari begira “keinu” gisa ulertzeko.
Garraiobide publikoen zerbitzuak izandako bigarren greba egunean, UGT, ELA, CCOO, LAB eta LSB/USO sindikatuek eta Diputazioak elkarri akusazioak egin dizkiote, gatazkaren iturri direla leporatuta.
Gaur, asteartea, egindako manifestazioan, langileek diputatuaren dimisioa eskatu dute oihuka, Diputazioko Jauregiaren atarian, Bilbon, eta diputatuak, prentsaurrekoan, greba “bidegabe eta justifikaziorik gabe” mantentzea leporatu die.
Gainrea, esan du enpresetan milioi batetik gorako galerak sortzen ari dela, eta azaldu du Bizkaibus zerbitzuarentzat aurten bideratutako 79 milioien % 70 langileen kostuak ordaintzeko erabili direla.
Garamendiren ustean, “greba ez dira lan arrazoiengatik egiten ari”, ez delako “soldataz, lanaldiaz ez gainsariaz” hitz egiten, eta “inork ez du lanpostua galduko eta lan baldintzak ez dira kaskartuko”.
Bestalde, Bizkaibuseko langileen batzordeak berretsi du eutsi egingo diotela muga gabeko grebari, Bizkaiko Diputazioak zerbitzua hobetzeko eta lanpostuak mantentzeko konpromisoa hartu ezean.
Halaber, sindikatuek “ulertuko lukete herritarrek autobusean ez ordaintzea, Diputazioaren jarrera eta proposatzen ari den zerbitzuaren galera ikusita”.
Egindako prentsaurrekoan, sindikatuek salatu dutenez, Diputazioak “egun dauden ibilbideak txirotzeko eta, hortaz, lanpostuak murrizteko” asmoa du.
“Atsekabez ikusi dugu Diputazioak orain dela urtebete adostutakoa berriz negoziatu nahi duela, baldintzak kaskartuz”, kritikatu dute. 2013ko urriaren 4an adostutako itunaren arabera, Diputazioak lanpostuak mantentzeko konpromisoa hartu zuen”, ziurtatu egin du Iñaki San Andres ELA sindikatuko kide eta langileen batzordeko bozeramaleak.
Istiluak goizean
Bizkaibuseko langileak greba mugagabearen bigarren eguna egiten ari dira gaur. Aldundiak salatu duenez, gauean zehar erasoak jasan dituzte Berriatuko zenbait autobusek: atzerako ispiluak erabilezin utzi dituzte, pintura botata, eta ibilgailu bati beira hautsi diote.
Bizkaiko Foru Aldundiak ohar batean azaldu duenez, erasoak gauean zehar egin dituzte, Pesa enpresak Berriatuan dituen garajeetan. Autobus guztien atzerako ispiluetara pintura bota dute, eta ibilgailu bati beira apurtu diote.
Atzo ere istiluak izan ziren Berriatuan, ELAk, LABek, CCOOk, UGTk eta LSB/USOk deitutako greba mugagabearen aurreneko egunean. Piketeek gutxieneko zerbitzuak egin behar zituzten ibilgailuei irteera oztopatu zieten.
Zure interesekoa izan daiteke
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.