Bankiak 747 milioi irabazi zituen iaz, 2013an baino % 83 gehiago
Bankiak 747 milioi euroko mozkin garbia izan zuen 2014an, 2013an baino % 83 gehiago; kontabilitateko irizpide berriekin kontuak doitu eta 312 milioi euro burtsako irteerari lotutako erreklamazioetara bideratu ondoren.
Ezohiko hornidura hori albo batera utzita (218 milioi euro garbi), Bankiak 966 milioi euro irabazi zituen iaz, 2013an baino % 137 gehiago, edo % 58 gehiago orduko emaitza berritu gabe utziz gero.
Emaitza horiek eskuan, 2012an milioi askoko laguntza publikoa jaso zuen bankuak 202 milioi euroko dibidendua banatuko du, eta kopuru horretatik 126 milioi euro BFAk, Bankiaren matrizeak (ehuneko ehunean Estatuak osatzen duena) jasoko du.
"BFA-Bankia taldea osatzen dugunok entitate errentagarriagoa lortzeko eta jasotako diru-laguntzen itzulpenean aurrerapausoak emateko konpromisoa daukagu. Gainera, pauso berri bat eman dugu dibidenduaren banaketaren iragarpenarekin", nabarmendu du Jose Ignacio Goirigolzarri Bankiako presidenteak.
BFA taldearen emaitza garbia 418 milioi eurokoa izan zen, 2013an baino % 80,8 gehiago. Halaber, guztira 780 milioi euro gorde ditu akziodunei eman beharreko balizko kalte-ordainei aurre egiteko.
Interesen marjinari dagokionez, 2.927 milioi euroko marjina izan zuen, hots, % 20,7ko hobekuntza 2013ko emaitzak doituta edo % 14ko hobekuntza emaitzak zeuden bezala utziz gero.
Komisioei zegozkien diru-sarrerak hazi egin ziren eta guztira 948 milioi eurokoa izan zen, 2013an baino % 1,3 gehiago. Bestalde, diru-sarrera arruntak kontuan hartuta (interesak eta komisioak) 3.875 milioi euro irabazi zituen.
Bestalde, esplotazio gastuak % 8,3 jaitsi ziren 2013ko datuekin alderatuta (1.586 milioi euro).
Diru-sarrerak hobetuta eta gastuak murriztuta, Bankiak efizientzian hobekuntza izan du eta orain haren efizientzia % 43,5ekoa da.
Zure interesekoa izan daiteke
Angularen arrantza kanpainak bertan behera jarraitzea berretsi du EAEko Justizia Auzitegi Gorenak
Iazko azaroan, 2025-2026rako aurreikusitako angularen kanpaina bertan behera geratu zen EAEn, Eusko Jaurlaritzaren txostenek espeziearen egoera kritikoa egiaztatu ondoren.
Diesel litroa 2 eurotik gorakoa da jada Hego Euskal Herriko gasolindegi askotan
Gasolioaren prezioa % 30,78 igo da martxoan, Irango gerrak eragindako ezegonkortasunaren ondorioz, eta maximo berria ezarri du, litroko 1,916 eurora iritsi baita EAEn, batez beste, 2022ko uztailetik izan duen preziorik garestiena.
Euskadiko CCOOk gaitzetsi du ELAk "seinalamendu kanpaina" darabilela haren kontra, eta adierazi du euskararen aldeko jarrera "integratzailea" duela
Comisiones Obrerasek salatu du sindikatuaren aurkako manifestazio kanpaina bat darabiltzatela beste sindikatuek, euskararekiko eta hizkuntza eskakizunekiko duen jarrera dela eta. Santi Martinez idazkari nagusiak, gainera, Korrikan parte hartzeko "betoa" jarri izana gaitzetsi du, eta sindikatu abertzaleak haien kontra "erakunde ultra batek egingo lukeen moduan" jokatzen ari direla uste du.
Aste Santuan greba egingo dute Bilboko aireportuko Grounforceko lurreko asistentziako langileek
Lanuzteak martxoaren 27an hasiko dira eta apirilaren 1ean (asteazkena), apirilaren 3an (Ostiral Santua) eta 6an (Pazko Astelehena) izango lukete eragina. KPIaren diferentzialari eta erosahalmenari eustea aldarrikatzen dute langileek. Handling enpresa horrek zerbitzua ematen duen Estatuko aireportu guztietan izango dira greba-deialdiak.
Nafarroako Ekonomia eta Gizarte Kontseiluak Irango gerraren ondorioei aurre egiteko neurriak aztertuko ditu
Nafarroako Gobernuak aurreratu du Ministroen Kontseiluak ostiral honetan iragarriko dituen neurriak arretaz aztertuko dituela Nafarroan aplika daitezkeen egiaztatzeko.
"Indarberriturik eta helburua lortzetik gertuago" atera dira langile klasea eta indar sindikala, ELAren eta LABen ustez
Sindikatuen ustez, greba orokorra "klase elkartasun erakustaldia" izan da. LGS propioa lortzeko bideak zabalik daudela adierazi dute (bai patronalarekin, bai Espainiako Kongresuan) eta Jaurlaritzari eta, bereziki, EAJri, eskatu diote argitu dezala Legebiltzarrean eta Espainian dituen jarrera kontraesankorrak.
Atzoko greba orokorra "indar erakustaldia" izan zen, LAB eta ELA sindikatuen aburuz
Radio Euskadin eta Euskadi Irratian egindako elkarrizketetan LAB eta ELAko idazkari nagusiek adierazi dutenez, atzokoak "oso mobilizazio jendetsuak izan ziren, 135.000 pertsona ere batu zirela". "Indarberrituta atera gara", azpimarratu du Garbiñe Aranburu LABen koordinatzaile nagusiak.
Albiste izango dira: Greba orokorraren balantzea, Iranek Ali Larijaniren heriotza eta Ipar Euskal Herriko udal hauteskundeen bigarren itzulia
Orain-ek gaur landuko dituen albiste nagusien laburpena.
Ertzaintzak hiru pertsona atxilotu ditu greba orokorraren egunean
Desordena publikoak egitea leporatzen zaie. Gainera, bost pertsona ikertzen ari da eta 165 identifikatu ditu.
Egungo gutxieneko soldata kobratzen dutenek diote ez dela nahikoa duintasunez bizi ahal izateko
Zaintzan eta garbiketan; ostalaritzan eta turismoan; saltokietan, logistikan eta nekazaritzan… Arlo horietan ohikoa izaten da lanbidearteko gutxieneko soldata erreferentziatzat hartzea ordainsariak ezartzeko. Langileek salatzen dute jasotzen duten horrekin ezin dela bizi, eta ezinbesteko jotzen dute 1.500 eurora igotzea, duintasunez bizi ahal izateko.