Mozkinak areagotuko ditu Iberdrolak aurten
2015eko etekin operatiboa eta garbia 2014koa baino handiagoa izatea espero dutela goraipatu du gaur Ignacio Sanchez Galan Iberdrolako presidenteak. Ondorioz, akziodunaren ordainsaria mantendu ahal izango dute, 0,27 euro gordin akzio bakoitzeko, gaur onartu dutenez.
Akziodunen Batzar Nagusia egin du gaur Iberdrolak Bilbon. Konpainia ?bide onetik? doala goraipatu du Ignacio Sanchez Galanek. Aurten ?baikorrak? direla azaldu du buruzagiak.
2014ko mozkinez gain, ezagunak dagoeneko -2.327 milioi, 2013an baino % 9,5 gutxiago- konpainiak zorra ia 1.500 milioitan murriztu duela goraipatu du gaur Galanek. Horrela, 2016ko helburutik oso gertu dago, hau da, zorra 25.000 milioitan uztea.
Konpainiako akzioen balioak 2014an % 20,8 gora egin dutela gogorarazi du Galanek. Gainera, akzioen errentagarritasuna % 30,1ean kokatu dela azaldu du agintariak. Iberdrolako akzioen errentagarritasuna Europako lehiakideena baino handiagoa dela nabarmendu du.
UILrekin bat-egitea
Etorkizuneko proiektuen artean, AEBetako UILrekin bat-egitea goraipatu du Galanek. Connecticuten eta Massachussetsen lan egiten du UILk eta enpresako % 81aren jabea da Iberdrola. Galanen hitzetan, etorkizunean Iberdrolaren emaitzaren % 30 suposa dezake filialak.
Batzarrak kontuak onartu ditu. Jose Walfredo Fernandez, Denise Mary Holt eta Manuel Moreu kontseilariak izendatu ditu batzarrak. Era berean, Angel Acebes, Maria Helena Antolin, Santiago Martinez, Jose Luis San Pedro eta Ignacio Sanchez Galan bera berriz izendatu ditu.
Protesta Euskalduna Jauregiaren aurrean
Bestalde, Dani Maeztu eta Diana Nogales EH Bilduko legebiltzarkideek protesta egin dute Bilboko Euskalduna Jauregiaren aurrean, ostiral honetan. ?Oligopolio energetikoaren enpresetako baten? eta Garoñako zentral nuklearra berriz zabaltzearen aurka protesta egin dute.
Maezturen hitzetan, Garoñaren kasua ?Estatuan politika energetikoa nola egiten den eredua da, ate birakarien politika, eta administrazio-kontseiluen erabakien politika, kaleko eta erakundeen politika izan beharrean?.
Zure interesekoa izan daiteke
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".