Fagor CNA taldea garbigailuak ekoizten hasi da
Fagor CNA taldea hasi da garbigailuak egiten, Arrasateko Garagartzan. Maiatzean hasiko zirela esan zuten Fagorreko buruek, eta bete egin dute iragarritakoa, Euskadi Irratiak jakin duenez. Udan hasi nahi dute hozkailuak egiten.
Aurtengo helburua 50.000 garbigailu egitea da, Xabier Bengoetxea Garagartzako plantaren arduradunaren esanetan. Urte amaieran ekoizpena handiagoa izango dela espero dute, ordea. Garbigailuen ekoizpenean 33 lanpostu zuzen sortu dira eta zeharkako 8.
Basaurin ere, EDESA hasita dago termoak egiten: aurten 60.000 termo ekoizteko asmoa dute.
Sukaldeko plakak eta labeak egiten, berriz, urrian hasi ziren Garagartzan, eta azaroan, eltzeak egiten, Eskoriatzan.
Aurreikusitakoaren arabera, hozkailuen alorra da orain geratzen zaiena. Bideragarritasun plana prestatzen ari dira, eta uztailean hartuko dute erabakia. Gauzak ondo bidean, urte amaieran hasiko dute San Adreseko lantegian hozkailuen ekoizpena.
Fagorreko arduradunek adierazi dutenez, merkatu iberiarra %15 hazi da etxetresnen kontsumoa.
Hori horrela, lanpostuak nabarmen ugarituko direla uste du etxetresna taldeak, eta aurten 200 milioi euroko fakturazioa izatea espero du Fagor CNAk, eta hiru urtean, bikoitza, 400 milioi eurokoa.
milioi eurokoa.Albiste gehiago ekonomia
Azken egunetako txingorrak kalte "oso handia" eragin du Arabako Errioxako mahastietan
Amaia Barredo Eusko Jaurlaritzako Elikadura, Landa Garapen, Nekazaritza eta Arrantza sailburuaren arabera, Samaniego, Navaridas, Leza eta Eskuernaga herrietan jo du gogorren.
EBk errepresaliak atzeratu ditu Trumpen muga-zergen aurrean, negoziatzen jarraitzeko
Ursula von der Leyen Europako Batzordeko presidenteak iragarri duenez, abuztuaren 1era arte jarrituko dute negoziatzen, egun horretan amaitzen baita negoziatzeko luzapena AEBk muga-zergak % 30era igo aurretik.
Metro Bilbaoko makinistek 9 eguneko lanuzteak deitu dituzte uztailaren 30etik abuztuaren 22ra
SEMAF sindikatuak kolektiboa profesionalizatzearen, erantzukizunak eta lanpostuan aurre egin beharreko arriskuak hitzarmenean jasotzea nahi du. Lanuzteak uztailaren 30ean eta abuztuaren 6, 11 eta 13an 12:30etik 16:30era eta abuztuaren 18, 19, 20, 21 eta 22an 21:00etatik 01:00etara egingo dituzte.
Talgoren operazioa "datozen egunetan, uztailean, gauzatzea" espero du Ramiro Gonzalezek
Ramiro Gonzalez Arabako ahaldun nagusiaren arabera, Sidenor buru duen euskal partzuergoak (Finkatuz Eusko Jaurlaritzaren funts publikoak eta BBK eta Vital kutxek ere parte hartzen dute horretan) Talgo erosteko negoziazioei ekin diete berriro azken egunetan, eta "bide onetik doaz". Ildo horretan, operazioa datorren astean edo uztailean gauzatzea espero duela esan du.
Jainagak lankidetza publiko-pribatua defendatu du Talgoren erosketaren testuinguruan
Jose Antonio Jainaga Sidenorreko presidenteak jaso du Joxe Mari Korta 2025 saria, "enpresa-berrikuntzaren alde egindako lanagatik". Bere hitzaldian, Talgo erosteko operazioa aipatu du, eta lankidetza publiko-pribatua defendatu du. Imanol Pradales lehendakariak euskal industriarekin duen konpromisoa eskertu dio.
Jose Antonio Jainagak 2025 urteko Joxe Mari Korta saria jaso du
Jose Antonio Jainagak Imanol Pradales lehendakariaren eta Mikel Jauregi Industria, Trantsizio Energetiko eta Jasangarritasuneko sailburuaren eskutik jaso du saria. Imanol Pradalesek eskerrak eman dizkio Sidenorreko presidenteari, bere ibilbide luzean erakutsitako konpromisoagatik, "aurrera pauso bat eman, arriskuak hartu eta inbertitzen dutenei balioa ematen dien" euskal ereduari erantzuten diolako.
Gaztelagun programa: Eusko Jaurlaritzak igo du alokairurako dirulaguntzak eskatzeko diru-sarreren muga
Laguntza eskatzen duten gazteen kasuan, urteko diru-sarreren muga 30.000 eurora igo dute; familien kasuan, 36.764 eurora.
Euskal partzuergoak 75 milioi bildu ditu Talgo erosteko, eta espero du SEPIk ere beste horrenbeste jartzea
EAJren arabera, Espainiako Gobernuak konpromisoa hartu zuen erosketa babesteko eta enpresa indartzeko, SEPIren bidez 150 milioi euroko mailegua eginda. Ondoren, eragiketa bitan banatzea proposatu zuen, euskal partzuergoak eta SEPIk 75 millioi bana bideratzeko.
Behargin bat larri zauritu da Bilboko Kale Nagusian, jasogailu batek burua harrapatuta
Larrialdi zerbitzuek 15:30 aldera jaso dute abisua, eta osasun langileek zauritua egonkortu eta Gurutzetako ospitalera (Barakaldo) eraman dute.
Villavesen grebak aurrera jarraitzen du eta gutxieneko zerbitzuak kolokan egon daitezke
Langile batzordeak salatu duenez, TCC enpresak, Mankomunitateak eta Iruñeko Udalak "abandonatu" egin dituzte.