Erreformak 48 ordutan egitea eskatu dio euroguneak Greziari
Eurogunea osatzen duten herrialdeek asteazkena baino lehen hainbat neurri hartzea eskatu diote Greziari, besteak beste, pentsioei eta BEZari dagokienez, erreskatearen inguruan negoziatzen hasteko ezinbesteko baldintza gisa.
Hala adierazi dute gaur, igandea, Euroguneko Ekonomia eta Finantza ministroek (Eurotaldea) egindako dokumentuan, eta gainera ezinbestekotzat jo dute NDFk ere parte hartzea prozesu osoan. Edonola ere, dokumentuaren zirriborroa baino ez dute egin, onartu beharrekoa.
16 orduko bilera eta gero, goizeko 8:45ean, Belgikako lehen ministroak "akordioa" lortu dutela iragarri du.
Euroguneko gobernuburuak eta estatuburuak Greziak hirugarren erreskatea jasotzeko proposamena eta Eurotaldeak onartutako zirriborroa aztertzen ari dira, baita horrekin batera etorriko litzatekeen erreforma sorta, troikak (Europako Batzordea, Nazioarteko Diru Funtsa eta Europako Banku Zentrala) egindako txostenean oinarrituta.
Dokumentuaren zirriborroaren arabera, Greziak bi aukera ditu: Bruselaren gainbegiradapean eskatzen zaizkion doitze neurri guztiak betetzea edota erreformei ezetz esan eta eurotik irtetea negoziatzen hastea. Grezia eurotik irteteko aukera dokumentu batean islatzen den lehendabiziko aldia da, baina zirriborroa izaki, oraindik ere aldaketak izan ditzake. Dena den, dokumentu horren gainean negoziatzen ari da.
Euroguneko gobernuburuen eta estatuburuen bileran, Alexis Tsipras Greziako lehen ministroak beren jarrera malgutzeko eskatu die euroguneko gainerako buruzagiei.
Halaber, erabakia gaur bertan hartzeko eskaera egin die Tsiprasek euroguneko estatuburuei eta gobernuburuei, erabaki horrek astelehenean Europako Banku Zentralak Greziako bankuei larrialdiko likidezia lerroa handitzera bultza dezan.
Greziako Gobernuak, ostera, uste du posible dela gaur gauean bertan akordioa lortzea, eta ohartarazi du Alexis Tsiprasek Greziari ezartzen zaizkion baldintza gogorrak sinatuko duela izugarrizko presioa sentitzen duelako banku greziarren egoera tarteko.
Negoziazioek porrot eginez gero behin-behinean Grezia eurotik irteteko aukeraz galdetuta, Atenasetik adierazi dute ez dutela marra gorri hori gaindituko dutela eta gai horretan beste herrialde batzuen babesa dutela. "Ez Greziak ezta beste herrialde batzuek ere ez dute testuan 'Grexit'ari erreferentzia egitea", azpimarratu dute Greziako Gobernuko iturriek.
Bestalde, Greziako gobernuak onartu du euroguneak mahai gainean jarritako neurri gogor horietako asko gauzatu egin beharko dituela hirugarren erreskatea eskuratzearen truke. Dena den, Nazioarteko Diru Funtsaren parte-hartzea baztertu du.
Martin Schulz Europako Parlamentuko presidenteak aitortu du ez zutela "puntu honetara" heltzea espero, baina "hemen gaude".
Akordiorik gabe amaitu da eurogunearen bilera
Aurrez, Euroguneko Ekonomia eta Finantza ministroek bilera egin dute gaur, igandea, baina Greziari hirugarren erreskatea ahalbidetuko dion akordioa itxi barik amaitu da. Hortaz, erabakia Euroguneko Estatuburu eta Gobernuburuen esku utzi dute.
"Eurotaldeak amaitu du. Lekukoa Euroguneko buruzagiei pasatu diegu", esan du Alexander Stubb Finlandiako Finantza ministroak. Gainera, "aurrerapausoak" eman direla azaldu du.
Bestalde, Alexis Tsipras Greziako lehen ministroaren esanetan, "akordioa egongo da gauean, alde guztiak ados badaude" eta 16:00etan hasitako bileran hala erabakitzen baldin badute.
Buruzagi greziarra "elkarrenganako konpromisoa bilatzeko" borondatearekin heldu da bilerara.
"Europako herriei zor diegu, Europa bat eginda egotea, eta ez bananduta, nahi dutenei. Akordioa gaur bertan lor genezake, alde guztiek nahi badute", azpimarratu du Tsiprasek.
Beste muturrean, Angela Merkel Alemaniako kantzilerrak Euroguneko goi bilerara heldu denean esan duenez, "ez da akordioa edozeren truke" egingo eta "konfiantza galera" nabarmendu du.
Françoise Hollande Frantziako presidentearen esanetan, halaber, bere herrialdeak "ahal duen guztia·" egingo du Greziak euroaren eremutik alde egitea ekiditeko eta, horren ildotik, gainerako herrialdeei Europan komunean duten interesa lehenestea eskatu die.
u die.
Zure interesekoa izan daiteke
Kanpoan lan egiten duten Euskadiko eta Nafarroako talentu gazteen % 85ek baino gehiagok itzuli egin nahi dute
Ikerketa baten arabera, jatorrizko lurraldetik kanpo lan egiten dute 25 eta 40 urte bitarteko EAEko 30.000 gaztek eta Nafarroako 12.000k, eta gehienek politika aktiboak eskatzen dituzte haien itzulera errazteko. Diaspora gazte horrek kualifikazio handiko profilak ditu, ingeniaritzak, enpresen kudeaketa eta STEM adarrak, besteak beste, eta horien egonaldia luzea da, % 60k sei urte baino gehiago baitaramatzate bere jatorrizko lekutik kanpo.
Osakidetzak 5.425 lanpostuko lan eskaintza publikoa deituko du 2026an
Berrikuntza gisa, desgaitasun intelektuala duten pertsonentzat 25 lanpostu eskainiko dira, zeladore eta zerbitzu langile kategorietarako. Horrez gain, betetzen zailak diren postuak eskuratzeko bigarren Lan Eskaintza Publikoa (LEP) deituko du Osakidetzak datorren urtean, oraindik hutsik dauden postu guztiak betetzeko asmoz.
Talgok Deutsche Bahn operadorearekin adostu du 230 modeloaren hornidura-kontratua 79 trenetik 60ra murriztea
Akordio horrek fabrikazio irismena 79 trenetik 60ra murriztea jasotzen du, baina eskaera 100 trenera arte luzatzea ahalbidetuko lukeen esparru kontratuari eutsiz, eta, aldi berean, epe luzerako errebisio eta mantentze lan kontratu berri bat gehitzen du, baita proiektuaren egutegia doitzea ere, besteak beste.
12 kilometroko kamioi ilarak AP-8an, Irun parean, Baionarako bidean, ibilgailu astunentzat muga itxi ondoren
Bidegik inguru horretatik ez igarotzeko gomendatu die kamioiei, eta, ibilgailu arinei, berriz, arretaz gidatzeko eta ahal den neurrian AP-8a ez erabiltzeko.
Lan Ministerioak CCOO eta UGT sindikatuekin akordio bat lortu du heriotzagatiko baimenak luzatzeko
Akordioarekin, bi lanegunetik 10 lanegunera luzatuko lirateke senide baten heriotzagatiko baimenak. Lan Ministerioak Parlamentuko taldeekin negoziatuko du araua onartzen dela bermatzeko.
Greba deialdia errespetatu arren, Torresek uste du ez dela Euskadin gutxieneko soldata lortzeko "modurik onena"
Eusko Jaurlaritzako bigarren lehendakariorde eta Ekonomia, Enplegu eta Lan kontseilariak esertzeko eta hitz egiteko eskatu die sindikatuei eta patronalari "elkarrizketa baita beti, akordioak lortzeko irtenbiderik onena".
Laborariek protestan jarraituko dute Laborantza ministroak dermatosi nodularraren inguruko protokoloa aldatu arte
Hirugarren egunez, Iparraldeko abeltzainek A64 autobidea trabatu dute dermatosi nodularraren kontra Parisek abiatutako protokoloa salatzeko. Animalia bat kutsatuz gero, etxalde guztiko behiak hiltzea agindu du Gobernuak. Protokoloa aldatu arte, mobilizatzen jarraituko dutela ohartarazi dute laborariek.
Xabier Sagredo BBK-ko presidenteak kargua utziko du
EITBk jakin ahal izan duenez, "arrazoi profesionalengatik" hartu du erabakia.
Gutxieneko Soldata propioaren aldeko grebaren aurrean, "egunsentira arte" negoziatzearen alde dago Eusko Ganbera, baina "mehatxurik gabe"
ELA, LAB, Steilas, ESK, Hiru eta Etxaldek martxoaren 17rako Hegoaldean greba orokorra deitu ostean, Gregorio Rojo Arabako, Bilboko eta Gipuzkoako ganberen arteko aliantzaren presidenteak sindikatuekin "hitz egitearen" alde egin du.
Osasun Ministerioak aurreakordioa lortu du sindikatu gehienekin eta urtarrileko lanuzteak etenda gelditu dira
CCOO, UGT, CSIF, Satse-FSES eta Cig-Saude sindikatuekin lortu dute aurreakordioa estatutu markoaren negoziazio-mahaian. Besteak beste bi aldarrikapen nagusi lortu dituzte: asteko 35 orduko lanaldia eta aurrerapenak erretiro partzialean eta erretiro aurreratuan. Medikuen sindikatuek mobilizazioei eutsi diete, Osasun Ministerioarekin biltzeko zain.